1YOHANE 5:16 - Bibilia Kui Mdedie fo Kimochi

¹⁶ Ili mndu awona manomae echinyamaṟa wunyamaṟi wulaende-opfu namterewie ko Ruwa. Kuwode wunyamaṟi wuende opfu, kyawo ngahamba naterewepfo.

1YOHANE 5:16 ပူးပေါင်းရင်းမြစ်များ

MAWOOKIONYI 20:17

Abrahamu katerewa Ruwa; nao Ruwa kakiṟa Abimeleki, na mka oke na masinga hake ha kika, nawo wakafee wana.

MAWOOKIONYI 20:7

Ko ikyo nowihiṟe mkachu o mndu wulalu kipfa o nyi mwikimbi nao nechikuterewia nokie. Indi koda kulambihiṟa manya kya lohi ke nochipfa iyo na wandu wose ui nawo.

SHIIMBO SHA DAWIDI 106:23

Kahamba ke nechiwakombetsa, kokoya Mose, msambuṟe oke, alalehoṟoka kiidi kyawo na Ruwa kechiwaterewia, wawechirumatso nyi nyashi ya Ruwa.

IWUKA 34:9

Kahamba, “Kokoya wulalu ngawona osaṟio oshangunyi lopfo, Mndumii-Ruwa ngakuterewa, Mndumii-Ruwa nochumie kiidi kyadu, kyamba nyi wandu luwode ngoo njiumu; nokeluhoṟia wuwicho wodu na wunyamaṟi wodu, nolukudaye luwe waoṟi wapfo.”

YEREMIA 11:14

Kyasia ulaterewie wandu-wa, ma kulaire ṟu lyapfo, na iterewa kipfa kyawo; kipfa njechiadanyia-pfo ma wakafuha kipfa kya wukiwa wowo-nyi ote.

YEREMIA 14:11

Nao Mndumii kanjiwia, “Kulaterewie wandu-wa mboṟa.

YEREMIA 7:16

“Indi iyo ulaterewie wandu-wo ma ulafuhie kyawo kifuhio, ma ulanjiterewe kipfa kyawo kipfa njechikuadanyiapfo.

EZEKIELI 22:30

Kyasia ngapfula mndu awuka ipfo kiidi kyawo kundu nawike omombo luhoṟoke kiidi kyako na orukalo kundu njilalurumatse, kyaindi njilawone manya mndu umu.

MAITALA 12:13

Mose kafihiṟia Mndumii-Ruwa kahamba, “Ngakuterewa hoi Ruwa kemchiṟe.”

MAITALA 15:30

“Kyaindi mndu oose echiwuta deko akusirie, nawe nyi menyi kanyi ang'u mhenu, nechiwa naruma Mndumii-Ruwa, na kimbaṟi nawoho.

LUKA 12:10

Na orio sa echihamba idedo lyesutsa Mana o mndu nyi echihooṟio manyalepfo.

YOHANE 17:9

“Nawo nyiwo njiwaterewya. Chi wuyana wu ngawuterewyapfo, kya indi nyi iwo ulenjinenga kipfa ili wakeri wapfo.

2TIMOTEO 4:14

Aleksandria mpfuru ulya alenjiwutia mawicho hafoi Mndumii echimtaa kisumhanye mawuto hake.

1YOHANE 5:17

Orio wufuṟunji nyi wunyamari. Na kwifo wunyamaṟi wuladuo mndu opfunyi.

1SAMWELI 12:19

Nahong'u wakawia Samweli, “Hoi lokuterewa noluterewie so waṟundi wapfo ko Mndumii-Ruwa, Ruwa opfo kundu lulapfe; cha kipfa lomekuengeṟia njonyamaṟo tsadu kui wuwichowo wokukundia mangi so luwenyi.”

1SAMWELI 2:25

Mndu kadekio odoe, neidima iterewio ko Mndumii - Ruwa, kundu Ruwa namhooṟie. Kyaindi mndu kadekio Mndumii-Ruwa nyiu eidima imterewia mhooṟie.” Kyaindi wanawo waleadanyia ndeawopfo, kipfa Mndumii-Ruwa awemedumbuo kya iwawaaha.