1YOHANE 4:9 - Bibilia Kui Mdedie fo Kimochi

⁹ Hando kunda lya Ruwa lyammanyikya-ho na pata ipfo kidi kyadu, nyi ili Ruwa aleduma Mana-chu oke kimumu mfi kunu wuyana kundu luhende iwonyo moo nyio.

1YOHANE 4:9 ပူးပေါင်းရင်းမြစ်များ

MAWOOKIONYI 22:2

Kahamba, “Ira manachu, mana opfo kimumu mfi, umkundi Isaki, nohende nao tane orukenyi lo Moria, nommbute nawe kidaso kemaya modonyi ipfo fumvuhu lyimuho sa njechikuloṟa.”

SHIIMBO SHA DAWIDI 2:7

Njechionguo mawawaso; Mndumii alenjiwia, nyi iyo manoko, Inyi nyi inu ngakufee.

MARIKO 12:6

Awewode-se manoke kimumu amkundi. Kafurumya mduma o kowo kechihamba, nyio manako wechimwowuo.

LUKA 4:18

“Mumuyo fo Mndumii nyi huyako fui; cha kipfa njimshimbuo na mafuda, njihende yongoya wakiwa mbonyi tsiwode sia. Anjidumie njihende yongoya wapfungo yashuka, na wapfu meso wechiwuya iwona. Njihende ilekia iwo wai wafaṟe wakuashukie.

YOHANE 10:10

Mndu ai mwiwi nelekecha shila nyi kundu naiwe na ishinja na idetsa. Inyi njilecha napfo kundu mukoye iwada moo na mweena fofo fose.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 3:16

Kyamba Ruwa nyi awekundi wuyana katana alekya Mana oke kimumu mfi, kundu orio mndu ose amwidikye nalawone kedeka kya indi nawone moo fo mlungana.

YOHANE 3:18

“Mndu aidikye Mana echiwonyo owingopfo. Mndu alamwidikie o ammaa iwonyo owingo kipfa ada alaidikya Mana chu o Ruwa kimumu mfi.

YOHANE 5:23

Kundu wandu waindye Mana chando wekeindya Nde. Ichu ada alaindya Mana nyi ada iindya na Nde alemduma.”

YOHANE 6:29

Yesu kahalwo kawawia, “Iṟunda lilya liwawaso nyi Ruwa aili, ke kundu muhende iidikya ichu alemduma.”

YOHANE 6:51

Nyio inyi nji mkate fu fo moo fusokie ruwehu. Mkate fu mndu ailya-ho nechikaa na moo mlungana. Na mkate fo njechimnenga mfo mbihufu foko njifulekia njiwonesye nafo wuyana wu moo.”

YOHANE 6:57

Kikawa chando Wande chu alenjiduma akeri menyi-moo na inyi njii na moo kimaduma kya Wande na wudo da ichu anjilya inyi nyi akaa na moo kimaduma kyako.

YOHANE 8:29

Na ichu alenjiduma nyi ahendesanyi na inyi. Ma anjida njikae njimonyi-pfo kipfa nyi njiwuta shichihianyi nao mfiri yose.”

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.

YOHANE 9:3

Yesu kahalwo, “Ma chi ichu ma chi wafee wakepfo. Kya indi nyi kilewa kido kundu pfinya Ruwa iwono yechiṟunda ipfo koke.

WAROMA 8:32

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

WAEBRANIA 1:5

Kyamba nyi o ku o wasu walya waele alehenda imbia ma indi ke, “Iyo ui manoko, nyi inu ngamekufee.” Na lingi ke; “Inyi njechimbia Wande nao echinjiwiia Mana.”

1YOHANE 3:16

Hando lulekuwutya-ho imanya ikunda, nyi ili o Kristo alereka moo foke kimaduma kyaduso. Naso Kiluwaṟi lureke moo yadu hando ha wanawawama wadu.

1YOHANE 4:10

Hando mkundye fukukerye-ho chi kodu cha ili so luwekundi Ruwapfo, kya indi nyi koke ili o amelukunda kaduma Manoke kamtana njoko yeoloṟa manyamaṟo hadu.

1YOHANE 4:16

Natso lomemanya mkundye fu Ruwa alukundi nafo lukawefuidikya. Ruwa nyi ikunda motsinda echikaa mkundyenyi-fu nyio awa mokaa na Ruwa na Ruwa awa mokaa nao.

1YOHANE 5:11

Na kiṟingishyo kilya kikeri kii-le, ke Ruwa ameluenenga moo fulunganyi, nafo nyifo moo fukukerye ipfo ko Manoke.

1YOHANE 5:13

Ishi ngamṟehya nyo kundu muwute-ho imanya ke muwode moo fulunganyi, nyo muidikye rina lya Mana o Ruwa.