1YOHANE 4:7 - Bibilia Kui Mdedie fo Kimochi

⁷ Wakunde wako, luitike ikundana luwenyi-na-wenyi. Kipfa mkundye fumenyi nyi ipfo ko Ruwa fupaṟikye. Na orio menyi-mkundye amefeo nyi Ruwa na imanya kamanya Ruwa.

1YOHANE 4:7 ပူးပေါင်းရင်းမြစ်များ

YOHANE 13:34

Nyi iwawaso lihya ngamuinengya ke mochikundana; kundanenyi chando; inyi njilemukunda, nanyo na wudo mbekundana.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

1 WAKORINTO 8:3

Chila nyi mndu akundi Ruwa; ichu nyi ammanye nyio.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

WAGALATIA 4:9

Indi maheri ha wulalu ili muichi Ruwa, kya ngoseṟa muichio nyi Ruwa, moidima-se muda ikuwihiṟa muwenyi na ko shindo shilya shifafa shikiwa shindo muwekundi iwuya ishisingya?

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

NGUMBUO YA MAWAWASO 30:6

Mndumii-Ruwa, Ruwa onu, nechimuhaluo nyo na luwa lyanu muwade mrima fo wuindi kundu mumkunde o kui mrima fonu fose na ngoo yanu muidime ikaa na moo.

2TIMOTEO 1:7

Kipfa Mumuyo luleinengo nyi Ruwa chi folutana waowu-pfo; kya indi, nyi fo pfinya na makundie na osaṟe.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1YOHANE 2:10

Mokikunda manomae awa mokaapfo senyi, na kilahutsa kilarianyi nao.

1YOHANE 2:29

Mukamanya ke o ai menyi wusumhanyi, kuwutyenyi-ho imanya ke orio ose awa momanyisha wusumuhanyi wu kui iwuta lyake, o amefeo nyio.

1YOHANE 2:3

Na hando lokuwutya-ho imanya ke lomemmanya o nyi ili luihendelya mawawaso ha Ruwa.

1YOHANE 2:4

Mndu kahamba, “Njimwichi,” na mawawaso halya hake alahahendelye, nyi ai mowongo, na kilya kii-lohi kikeri naopfo.

1YOHANE 2:7

Nyo muiwakunde, iwawaso ili ngamṟehya chi lihyapfo, kya indi nyi iwawaso lilya lya kacha muweliwode mawokyonyi. Iwawaso li lya kacha lyo idedo-li momeliicho.

1YOHANE 3:9

Orio ose alefeo nyi Ruwa awuta wunyamaṟipfo kyamba mbeu yake ikaa nao. Nao alaidima inyamaṟa nyi kipfa nyi amfee nyi Ruwa.

1YOHANE 4:11

Wakunde wako, na ili Ruwa amelukunda so nyi kiluwaṟi naso lukundane luwenyi na wenyi.

1YOHANE 4:12

Kuwode mndu alemewona Ruwa ma indipfo. Ilindi lukundanyi luwenyi na wenyi lyo lyaenenga Ruwa akaa naso, na ikunda Ruwa likaawukya ichia kodu.

1YOHANE 4:16

Natso lomemanya mkundye fu Ruwa alukundi nafo lukawefuidikya. Ruwa nyi ikunda motsinda echikaa mkundyenyi-fu nyio awa mokaa na Ruwa na Ruwa awa mokaa nao.

1YOHANE 4:20

Kokoya kwipfo mohamba, “Njikundi Ruwa”, nao asuo manomae, nyi mndu mowongo. Kipfa mndu ada alakunda manomae awonyo, eidima ikunda Ruwa alambonyi-pfo.

1YOHANE 4:8

Mndu alawode mkundye aichi Ruwapfo. Kipfa Ruwa nyi ikunda.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.

2YOHANE 1:5

Na wulalu ngakuterewa lingi, Mai, ke lukundane. Ngakuṟehya iki cha ili nyi iwawaso lihyapfo kyaindi nyi lilya luweliwode wokia mawokyonyi.