1YOHANE 4:14 - Bibilia Kui Mdedie fo Kimochi

¹⁴ Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.

1YOHANE 4:14 ပူးပေါင်းရင်းမြစ်များ

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

YOHANE 10:36

Ashika-wo inyi ili njiletano mwele nyi Wande kanjiduma kunu wuyana nyi monjihamba ke nyi ngaruma Ruwa ili ngahamba, njikeri Mana o Ruwa ko?

YOHANE 12:47

Na kokoya mndu aicho madedo hako kada alahawada chio inyi njechimbonya owingopfo. Kyamba kitewe ngacha chi kundu njiwonye wuyana wu owingopfo kya indi nyi kundu njikiṟe wuyana wu.

YOHANE 3:11

Kya lohi na lohi ngakuwia, Kilya lomemanya nakyo lochekehamba na kilya lomewona nakyo lochekeongwo kya iṟingishya lyadu. Na kiṟingishyo kyo kyadu nyo mulakiidikye.

YOHANE 3:32

Nao nekehamba kilya alekiwona na ikiicho na kiṟingishyo kyo kyake nyi

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

YOHANE 4:42

Wakawia mka ulya, “Kye lokiidikya-se kimaduma kya kilya uhambie iyopfo. Kyamba nyiso luwenyi lomwicho lukawuta-ho imanya ke ichu nyio lohi ai Mkiṟi mokiṟa wuyana.”

YOHANE 5:39

Nyo mokeweṟuwetsa Maṟehyo Maele muichi kulako mochiwonapfo moo fo mlungana, ate maṟeho ho nyi inyi. Naho hainjiṟingishya.

MAWUTO HA WASU 18:5

Kikasia Sila na Timoteo wekisoka wawuka Makedonyia Paulo kaṟungamisha mwongoye na kamu kechiṟingishya Wayuda ke Yesu nyio Kristo.

1PETRO 5:12

Ngamṟehya paruo ii ngahamba ikeri mfui ngamdikya kui owoko lo Silwano manowama ichu mhendeli njetutuma na iṟingishya ke ipfo kundo muhoṟoki kuwode na wutonga wo Ruwa iwu wo lohi.

1YOHANE 4:10

Hando mkundye fukukerye-ho chi kodu cha ili so luwekundi Ruwapfo, kya indi nyi koke ili o amelukunda kaduma Manoke kamtana njoko yeoloṟa manyamaṟo hadu.

1YOHANE 5:9

Kokoya lokeambya kiṟingishyo kya wandu, kiṟingishyo kya Ruwa nyi king'anyi. Kiṟingishyo kya Ruwa nyi kilya aleṟingishya kya Manoke.