1YOHANE 4:1 - Bibilia Kui Mdedie fo Kimochi

¹ Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

1YOHANE 4:1 ပူးပေါင်းရင်းမြစ်များ

1WAMANGI 13:18

Nao kambia, “Ma inyi na mwikimbi cha iyo, na malaika kanjiwia kui idedo lya Mndumii, kehamba, mbihiṟe hamu na iyo kanyi kopfo, nalye kelya, nanyo mṟinga.” Kyaindi nalehamba wongo.

MFANANO 14:15

Isembo lyekeidikya oriyo idedo; Indi mndu mṟango nekeambuya mnu chandu aihenda;

YEREMIA 14:14

Nalyo Mndumii kanjiwia, “Waikimbi-wo waikimba kui rina lyako wongo, inyi njilewadumapfo, njilewawasapfo manya njilededa nawopfo, wakeri imuwia mbonyi tsa wongo na makusaro ha wongo, na wulashi na mdambuye, na orio idedo lya ulya lya shilya wakusaṟa wawenyi.

YEREMIA 23:16

Mndumii menyi Matorito nahamba adi, “Mulaadanyie madedo ha waikimbi wehamba shisuku; wekelosha wongo, wekededa shilya wawonyi wawenyi shiwukie ko Mndumii pfo.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

MARIKO 13:21

“Nalyo mkakoya ma mndu kembia, ‘Kristo aichu kunu,’ ang'u, ‘a ulya alya.’ Nanyo ma mlaidikye.

LUKA 12:57

“A nyiki ili nyo muwenyi mlekechilia kindo kisumhanyi?

LUKA 21:8

Nao kahamba, “Ambuyenyi mlawone mochidetseṟo; kipfa nyi kochicha wafoi kui rina lyako wahambe nyio inyi; wawehamba, Kiheri kyamesembelya. Manya mulahende ilungana nawo!

MAWUTO HA WASU 17:11

Nawo wandu wa nyi wawei na sonu kota walya wa Tesalonyikye, nyi waleambya idedo na wulalutsu wose wakawa wesumasuma ipfo mṟehonyi mfiri yose kundu wawone koka shindo sho nyi wudo shii lohi.

MAWUTO HA WASU 20:29

Inyi na njiichi ke ngammaa ihenda mashite ha ngeṟenyi malang'a hechicha na konu halechiwado nyi sonu kya ipoo lipfo.

1 WAKORINTO 12:10

Na ungi amnenge iwuta ngata tsa pfinya, na ungi ihamba wuikimbi na ungi itichya wuilachi wo Mumuyo iya iipfo, na ungi aimnenge mdedye ya shiṟuma, na ungi amnenge wuṟango wodambuya shiṟuma shilya.

1 WAKORINTO 14:29

Indi waikimbi wadede wawi ang'u waṟaṟu na wengi watambahaluo.

1WATESALONYIKYE 5:20

Mulamine wuikimbi.

1WATESALONYIKYE 5:21

Indi muheshe shose, musale kii kicha.

2WATESALONYIKYE 2:2

Kundu mlauko nyi madima a owinyi, mlahataṟo mrimenyi manya kui mumuyo mliwe manya kui dedo liliwe manya kui paruo cha ili injiṟehie nyiso yehamba ke Mkonu fulya fo Mndumii fomafukya.

1TIMOTEO 4:1

Indi mumuyo ahambie na pata ke shiheri sha numa kochiwoneka wewuka wuidikinyi wechiku-wada na mumuyo idetsa wandu na mhambo ya waṟufu wawicho.

2TIMOTEO 3:13

Indi wandu walya wawicho na walembi wo wechiitika ihenda wichuo wechilemba wandu nawo wawenyi wai walembe.

2PETRO 2:1

Indi kuweipfo na waikimbi wa wongo ipfo kiidi kya wandu. Chando na ipfo konu kochiwa wai walosha wa wongo. Wechilosha moshie mbicho fonyamaṟa na ikana Ruwa-alewakiṟa. Na Mnene ichu alewatalaa nyi wechimkana wekutumukishya wadi kiwadetsa owinyi.

1YOHANE 2:18

Wana, saa ifurumi iipfo. Iki muleicho ke iimakristo echicha. Na wulalu komba wafoi wai mai makristo. Nyihondo lokuwutyaho imanya ke saa ifurumi iipfo.

1YOHANE 2:7

Nyo muiwakunde, iwawaso ili ngamṟehya chi lihyapfo, kya indi nyi iwawaso lilya lya kacha muweliwode mawokyonyi. Iwawaso li lya kacha lyo idedo-li momeliicho.

2YOHANE 1:7

Kyamba walembi wafoi waipfo; walechikunda ihamba Yesu Kristo amecha kui nyama. Nyipfo kundo mdetsi aipfo iimakristo.

3YOHANE 1:11

Mkunde oko, kulaoshe kilya kii kiwicho kya indi kilya kii kicha. Mowuta kii kicha nyio apaṟikye ko Ruwa. Mowuta kii kiwicho o alembone Ruwapfo.

OTAMBAHALUO LO YOHANE 2:2

Kye njiichi mawuto hapfo hose. Na njiichi wupfuṟukanyi wopfo na ikukarisha lyapfo. Na njiichi ke okekutirisia wandu wawichopfo.