1YOHANE 3:8 - Bibilia Kui Mdedie fo Kimochi

⁸ Mokiwuta wunyamaṟi apaṟikye ko Satana, kyamba Satana akeri monyamaṟa wokia mawokyonyi. Kiletewa Mana o Ruwa kacha wuyana nyi kundu nafunje iṟunda lya Satana.

1YOHANE 3:8 ပူးပေါင်းရင်းမြစ်များ

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

YESAYA 27:1

Kiidi kya mfiri fo Mndumii, kui oshu loke luohi, lung'anyi, lui na pfinya, nechihoṟwo nalo lewiatani, njoka iya njiangu, na lewiatani , njoka iya yekekuoṟowia-oṟowia; nao nyi echiwaha molimo fulya fokekaa ipalyipalyinyi.

MAITALA 21:9

Kyasia, Mose kasungusia njoka ya aṟeṟa, kaimasa ngohu. Orio mndu aleimado nyi njoka ili aleambuya njoka iya ya aṟeṟa, nalechia.

MATAYO 12:28

Na inyi kokoya nyi Mumuyo o Ruwa njefuna nao mṟufu mbicho, aiwung'u wumangi wo Ruwa womidima imuchea.

MATAYO 13:38

Na dema nyi wuyana-wu. Na mambuṟo-ho nyi wana wa ichu mbicho.

MATAYO 4:3

Mheshi kacha naho kambia, “Kokoya na iyo Mana o Ruwa, kewia-ngu maho-ha hawe kando.”

MARIKO 1:24

Kahamba, “Uwode-ki naso iyo, Yesu Mnasareti? Nyi ucheye nolurumatse? Lukauichi iyo nyio u, nyi ui Mwele o Ruwa.”

LUKA 10:18

Nao kawawia, “Nyi njilewona Satan kechioloka ruwehu cha mbawa.

YOHANE 12:31

Wulalu wuyana wu wohenda iwonyo mdumbuye. Wulalu mnene o wuyana wu echifunyo kulya nja.

YOHANE 16:11

Kya mwanduye nyi ili mangi ii ya wuyana wu ammaa iwonyo owingo.”

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

WAROMA 16:20

Na Ruwa-cho menyi ofoṟo nyi echikaa natseneheṟye Satan ipfo shiya madende hanu owinyi. Wutonga wo Mndumii odu Yesu wukae nanyo.

WAEFESO 2:2

Muwehendekye mukuwode naho kui wuitiki wo wuyana wo kiiwulalu kya wuyana wu na wo moapfinya aiapfinya mumuyonyi, nyio moweṟu ulya echikupaya na wandu walaidikye na wulalu da.

WAKOLOSE 2:15

Kristo Kahenda yatuo waitoṟi nao waapfinya no Waṟufu kewaloṟa na pata echiwamanyisha wai wawinze ewaduo wapfungo amonyi.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

WAEBRANIA 2:14

Cha kipfa ili wana wakuwode na samu na nyama, na wudo alekuwada natso kimu nawo kundu nawute wuitoṟinyi kui opfu ichu aitoṟie opfu, nyio mkumbi ulya.

WAEBRANIA 9:26

Kima nao na wudo nyi aweitika iwawyo kafoi wokia mandi wuyana wulembiko. Indi wulalu alewoneka-ho limu mainutsyonyi ha maheri nawute-ho wunyamaṟi kui ikudasa amonyi.

2PETRO 2:4

Kyamba ma Wasu walya wa ruwehu walemdekyo Ruwa alewahoṟia-pfo. Kya indi kawakumbalya modonyi fo Gehena hando hadekye wanda na kamu hashingikye meema puti wakae-pfo wai wapfunge itane weshika yanduyo.

1YOHANE 1:2

Na moo-fu fulecha naso lukafuwona. Nyifo luifumṟingishia na imwongoya ke moo-fu nyi fo mlungana, fuwekeri ko Wande fukashika iluwonesyo so.

1YOHANE 3:10

Nyihondo komanyika na pata iwa wai wana wa Ruwa na iwa wai wana wa Satana, orio mndu ose ada alawa mowuta wusumhanyi apaṟikye ko Ruwapfo ang'u alakundi manomae.

1YOHANE 3:5

Nanyo muichi ke Kristo nalecha kundu nawute-ho manyamaṟo hadu, na wunyamaṟi wukeri naopfo.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.

YUDA 1:6

Na wasu walya walawekaa wechiwada necha wuitoṟi wowo indi wamewuka kihambenyi kyawo kya kuwoka wakada kidembo kyawo kii kyenyi Ruwa kawapfunga na mshe ilechidumbuka kewatirimiishya mwanduye fo. Mfiri fulya Menene wai-waṟingichye meema puti.

OTAMBAHALUO LO YOHANE 20:10

Na mtengeti ulya awewatandawusha kaombotso ipfo nduwenyi ya modo. Hondo na indo lilya likeri handu hamu na mwikimbi mowongo. Wechituro mfiri na kio maheri hose halunganyi.

OTAMBAHALUO LO YOHANE 20:15

Na mndu alawekoyo aimṟehye ipfo kitapunyi kya moo o kahenda yombotso ipfo nduwenyi ya modo.