1YOHANE 3:5 - Bibilia Kui Mdedie fo Kimochi

⁵ Nanyo muichi ke Kristo nalecha kundu nawute-ho manyamaṟo hadu, na wunyamaṟi wukeri naopfo.

1YOHANE 3:5 ပူးပေါင်းရင်းမြစ်များ

HOSEA 14:2

“Lanye Waisraeli, wuyenyi na ko Mndumii-Ruwa, Ruwa onu;

MATAYO 1:21

Nao nyekaa nafee mana, na rina lyake nomlahe nyi Yesu; kipfa nyio ekaa nakiṟe wandu madeko hawo!”

LUKA 23:41

So nyi lukeri-ho kya sungusihu, kipfa nyi luiambia kilya kisumhanyie mawuto hadu; kyaindi ichu awode kindo awutie kya wukika manya-lepfo.”

LUKA 23:47

Kyaindi mchili ulya o wasikari kekiwona shilya shewutika, kaidapfuma Ruwa, kahamba, “Na lohi, mndu-chu na awei mcha asumuhanyi!”

YOHANE 1:29

Na ili lya ngama Yohane kawona Yesu kyechimchea kahamba, “Aiki kichondi kya Ruwa kyechiwuta-ho wunyamaṟi wo wuyana.

YOHANE 1:31

Na inyi njimonyi njiwemwichipfo. Indi o kundu namanyike na pata ipfo ko wandu wa Israeli nkyo kindo njilechea njipatise na mṟinga.”

YOHANE 14:30

Njikideda-se nanyo shindo shifoipfo kyamba mangi ii ya wuyana wu naicha. Koko inyi echiiidima kindopfo.

YOHANE 8:46

A le nyi wu o kunu konu aidima injiwonya mti fo kindo njiwenyamaṟye? Na kokoya ngahamba wukilohi wu, kitewe mulanjidikye nyi iki ngesa?

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

1TIMOTEO 1:15

Dedo liṟamtsu lisumuhanyi iindyo nyi wose likeri lile, ke Kristo Yesu amcha wuyana kundu nakiṟe wanyamaṟi, na inyi njii msongoru owo.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

WAEBRANIA 4:15

Kipfa lulawode mkohanyi mnene alawechiidima iluichio wukiwa kya wufafa wodu indi ai mheshe kui shindo shose awehianyi naso wuta-pfo wunyamaṟi.

WAEBRANIA 7:26

Na mkohanyi mnene ai ado nyio alusumhanye kawa menyi wuindi mkeha ose, alawode huya maruwehu.

WAEBRANIA 9:26

Kima nao na wudo nyi aweitika iwawyo kafoi wokia mandi wuyana wulembiko. Indi wulalu alewoneka-ho limu mainutsyonyi ha maheri nawute-ho wunyamaṟi kui ikudasa amonyi.

WAEBRANIA 9:28

Na wudo na Kristo nyi aledambiko-ho limu lyewuta-ho manyamaṟo ha wandu wafoi; Ili lingi echikuloṟa na walya waimbedya kya okiio alawinye wunyamaṟi.

1PETRO 1:18

Kyamba muichi mochimanya ke chi kui shindo shesia ma fesa ma sahabu mulemhenda italao nasho mhendekienyi fonu fo shindo sha mai furianyi na shido sha waku walya wanupfo.

1PETRO 1:20

Nyio awemsambuṟe nyi Ruwa matika wuyana-wu wulawendewiko, indi nyi alemanyishio iheri li lifurumi lya maheri hose kimaduma kyanu.

1PETRO 2:22

O nyio alawetahachie kindo, alekoyo atambie kindona dumbu yakepfo.

1PETRO 2:24

O amonyi kasanzya mbihu-hu foke manyamaṟo hadu kahadosya msalabehu hamu nafo, kundu so lukae lui waletsane na manyamaṟo lukapye moo foṟundya wuhoṟotsu. Nyi ichenje lyake lilemchiṟa.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

1YOHANE 1:2

Na moo-fu fulecha naso lukafuwona. Nyifo luifumṟingishia na imwongoya ke moo-fu nyi fo mlungana, fuwekeri ko Wande fukashika iluwonesyo so.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

1YOHANE 2:1

Shiwana shako, ngamṟehia isho kundu mulahende iwuta wunyamaṟi hando. Na kokoya kwipfo mndu anyamaṟa hando, luwode mombele ipfo ko Wande, nyio Yesu Kristo asumuhanyi.

1YOHANE 2:2

Nao Kristo menyi akeri njoko iinjiwike kya manyamaṟo hadu, indi chi kya njonyamaṟo tsandu tupupfo, na kya wunyamaṟi-wu wo wuyana wose.

1YOHANE 2:29

Mukamanya ke o ai menyi wusumhanyi, kuwutyenyi-ho imanya ke orio ose awa momanyisha wusumuhanyi wu kui iwuta lyake, o amefeo nyio.

1YOHANE 3:8

Mokiwuta wunyamaṟi apaṟikye ko Satana, kyamba Satana akeri monyamaṟa wokia mawokyonyi. Kiletewa Mana o Ruwa kacha wuyana nyi kundu nafunje iṟunda lya Satana.

OTAMBAHALUO LO YOHANE 1:5

Shiwukye ko Yesu Kristo ai mṟingishi ulya mhendeli o kuwoka iwada moo aṟukie wapfunyi, ai mnene o mangi tsa wanda ii. Nyio alukundi kaluletsa manyamaṟo hadu kui samu yake.