1YOHANE 3:4 - Bibilia Kui Mdedie fo Kimochi

⁴ Orio mowuta wunyamaṟi nyi afunja iwawaso lya Ruwa, na wunyamaṟi nyiwo wufurunji.

1YOHANE 3:4 ပူးပေါင်းရင်းမြစ်များ

1WAMANGI 8:47

Wakakumbuo mrimenyi yawo ipfo kiidi kya oruka lulewaduo wapfungo, wakadumbuya na ikueṟeṟia ipfo orukenyi waledao wupfungonyi wechihamba, ‘Lonyamaṟa, lukahenda mpuria na iwuta sha mkika.’

1MBONYI TSA MAHERI 10:13

Sauli nalepfa kipfa kya ili alawei mhendeli ko Mndumii-Ruwa. Naleda iindia idedo lya Mndumii-Ruwa kahenda iwalia kitarama ko msawi,

2MBONYI TSA MAHERI 24:20

Nyilyondi Mumuyo fo Ruwa fulecha huye ya Zekaria mana o mkohanyi Yehoyada, nao kahoṟoka oshangunyi lo wandu handu kukuirie huye kitutu, kawawia, “Iki nyikyo Mndumii-Ruwa ahamba: Nki ili momina mawawaso ha Mndumii, wulalu mochiidima ihuyo-pfo! Moda Mndumii-Ruwa, nao kamuda!”

YESAYA 53:8

Kui iwonyio na ianduyo walembada, Nyiu echiidima ionguo kyake? Nalewuto kiidi kya wandu wa isanga; Kakapo kipfa kya madeko ha wandu wako.

DANIELI 9:11

Ee da, Waisraeli wose watahacha wuwawaso wopfo, na ikaa kihadi, walaadanyie ṟu lyapfo; ko ikyo oseso lulecha huye yadu, na nyamu iya injiṟehie wuwawasonyi wo Mose, mṟundi o Ruwa; kipfa lulewuta wunyamaṟi.

MAITALA 15:31

Kyamba nalekana na shilya Mndumii-Ruwa ahambie, katehia iwawaso limu kiidi kya mawawaso hake. Mnducho nechiwahio kuleshe nakamu; na nechiwuwuyo opfu loke o amonyi.”

MATAYO 5:19

Kyasia-ng'u mawawaso-ho, ma iho matutu ya hose ichu mopfuluo-ho ma limu kalosha ado wandu, nyi etano mtutu o wose o ipfo wumangi wo ruwehu.

MAWUTO HA WASU 23:3

Naho Paulo kambia, “Ruwa echikukapa iyo ui omombo luushie ila! Iyo udamye yandwo kyako kiituwanyi na njowawaso, na iyo kowawasa njikapo kiṟunduma kya njowawaso?”

WAROMA 3:20

Kipfa kulaipfo mndu o wandu awetano mhoṟotsu oshanguyi lo Ruwa kui mweke fo mawuto ha-mawawase, kyamba wuwawaso wu kindo wukiendie nyi imanyisha mndu wunyamaṟi woke.

WAROMA 4:15

Kyamba wuwawaso wokeende mondu kya indi ipfo kundo kulawode wuwawaso kwipfo yumbuyapfo.

2 WAKORINTO 12:21

Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.

YAKOBO 5:15

Na kiterewo kilya kii-kiwike kui wuidiki kyechichiṟa moluo ulya, na Mndumii echimheluo. Kawuta wunyamaṟi nyi echihoṟyo.

1YOHANE 5:17

Orio wufuṟunji nyi wunyamari. Na kwifo wunyamaṟi wuladuo mndu opfunyi.

1SAMWELI 15:24

Sauli kawia Samweli, “Ngamewuta wunyamaṟi. Ngameleha wuikimbi wo Mndumii-Ruwa na iwawaso lyapfo, kipfa kya ili njileowuo wandu, ngawaindia wo.