1YOHANE 3:22 - Bibilia Kui Mdedie fo Kimochi

²² Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.

1YOHANE 3:22 ပူးပေါင်းရင်းမြစ်များ

YOBU 22:26

naalyo ochichihiṟa kiidi kya Mndumii-Ruwa na iiriya kyamu kyapfo ko Ruwa.

SHIIMBO SHA DAWIDI 10:17

Mndumii, nyi uichuo lango tsa wafafa, Nochisungusia mrima yawo, nochideha kudu kopfo.

SHIIMBO SHA DAWIDI 34:4

Njilelaha Mndumii kanjihaluo, Kanjikiṟa wuowu woko wose.

SHIIMBO SHA DAWIDI 50:15

Unjilahe mkonu ya kiwi; Njechikukiṟa na iyo nochinjiṟumisha.

MFANANO 15:29

Mndumii nai kuleshe na walai na wusumhanyi; Indi nekeicho shiterewo sha wenyi wusumhanyi.

MFANANO 28:9

Ichu moindutsa kudu koke nalaadanyie wuwawaso, Ma kiterewo koke nyi kindo kiwicho,

YESAYA 1:15

Nanyo mkahoṟuo mawoko hanu, njechishinga meso hako njilechimuambuya; yee, mukaterewa shiterewo shifoi njechiichopfo; kipfa mawoko hanu haichuo samu.

YEREMIA 33:3

“Njilaha na inyi njechiidikia na ikuwia mbonyi tsing'anyi tsa kiṟikenyi ulalemetsiwone.

MATAYO 17:5

Kededa kudi a ili ipuchi liwode ngela likacha wawikya maṟishe, nalyo a lilya na ṟu lyawuka alya kiidi kya ipuchi likahamba, “Aichu Manoko a mkunde ichu njii mchihie nyio! Nyio mochimwadanya.”

MATAYO 21:22

Na orio kindo kyose mokipfula kiterewyonyi kui iidikya na mochi-kiwona.”

MARIKO 11:24

Nahong'u ngambia, orio shindo shose mochiterewa na yomba, keidikyenyi, ke momambya, na mochishiinengo.

YOHANE 14:13

Na orio kindo mochiterewa kui rina lyako inyi nikyo njechikiwuta kundu Wande nang'anyisho ipfo kiidi kya Mana.

YOHANE 15:10

Kokoya moringa mawawaso ho hako nalyong'u mochikaa mukuwode na ikunda lyo lyako. Chando na inyi njileringa mawawaso ha Wande chu oko ngawekaa njikuwode na ikunda lyo lyake.

YOHANE 15:7

Kokoya mokaa-ho kiidi kyako inyi na madedo ho hako kokoya mokaa naho ipfo mrimenyi yanu, orio kindo moterewa mochiinengo.

YOHANE 6:29

Yesu kahalwo kawawia, “Iṟunda lilya liwawaso nyi Ruwa aili, ke kundu muhende iidikya ichu alemduma.”

YOHANE 8:29

Na ichu alenjiduma nyi ahendesanyi na inyi. Ma anjida njikae njimonyi-pfo kipfa nyi njiwuta shichihianyi nao mfiri yose.”

YOHANE 9:31

So nyi luichi ke Ruwa echiadanya wandu wanyamaṟipfo. Na msa aowoye Ruwa kawuta shilya shimchihie nyio ekyemwadanya.

MAWUTO HA WASU 17:30

Kyasiang'u Ruwa nyi awetsirilye matika halya kuiho wutondotondo. Kya indi komshika iya mandi ha wulalu nao awang'u motutuma wandu kudo kose ke wailachike mrima yawo.

MAWUTO HA WASU 20:21

Njechiṟingishya Wayuda na Wagriki kya mdumbuye wakucheye nafo Ruwa na kya mwidikye wakuihetse na Mndumii odu Yesu.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

YAKOBO 1:5

Indi kokoya ipfo konu kwipfo atoṟowae wuṟango, o naterewe Ruwa chu ekenengya wose alasambuṟa alechideda mndu na echienengo.

YAKOBO 4:3

Moterewa mulaambya nyi kipfa moketerewa owicho kundu mushifole-fole mochilisiṟa nasho lango tsanu.

YAKOBO 5:16

Kyasia tochianenyi njonyamaṟo muwenyi-na wenyi mochiterewiana kundu muhende ichia. Iterewa lya mndu asumhanyi lyaidima kindo king'anyi liwe li-iwike na mrima msanze.

1YOHANE 2:3

Na hando lokuwutya-ho imanya ke lomemmanya o nyi ili luihendelya mawawaso ha Ruwa.

1YOHANE 5:14

Na wulalutsu lukuwodye nawo ipfo oshangunyi lo Ruwa nyi wukeri wu-le, ke kokoya luimterewa kisumhanye wuchili woke nyi ailuicho.