1YOHANE 3:20 - Bibilia Kui Mdedie fo Kimochi

²⁰ Kipfa kokoya ngoo yadu yalusesa, luichi Ruwa ang'anye ngoo tsadu kemanya shindo shose.

1YOHANE 3:20 ပူးပေါင်းရင်းမြစ်များ

YOBU 27:6

Wulalu wuhorotu-wo njiwuwode mnu, manya njechiwulekiapfo, mrima foko fochinjikapa mang'ang'o njii na moo pfo.

YOBU 33:12

Ambuya, Yobu njikuhaluo, kiidi kya idedo-lyi uwode wusumhanyi-pfo kyamba Ruwa nyi ang'anyi kota mndu o wandu.

SHIIMBO SHA DAWIDI 90:8

Noleṟie mawicho hadu oshangunyi lopfo, kiṟike kyadu osehu lo kyamu kyapfo.

YEREMIA 17:10

Inyi Mndumii njekeṟisa mrima ngawehesha pfinya, tsa mbihu ngaweinenga orio mndu, ohawi lo njia tsake na kiheo kya mawuto hake.

YEREMIA 23:24

Ngesa kuwode mndu echiidima iowa handu ha kiṟika njilechimmbona? Mndumii ahamba. Ngesa muichi ke inyi Mndumii-Ruwa njii handu hose ruwehu na wuyanenyi?

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

YOHANE 8:9

Nawo wamicho wado wakawoka ituṟuka-ho umu umu wakawokia na wameku wakatana wasia-ho. Na Yesu kadeo-pfo amonyi na mka ulya ahoṟoki oo kiidi.

MAWUTO HA WASU 5:33

Wekiicho wado kikawakoṟa ngoo tsawo wakakusaṟa kewawaha.

WAROMA 8:34

Ichu echihutsya owingo nyi wu? Kwipfo-pfo? Kristo Yesu aiho, nyio sa alepfa na kya ngoseṟa nyi aleṟutso, awuka ko wapfu, o akukerye ipfo ko kulyo ko Ruwa Kawa moluterewya-ho so!

1 WAKORINTO 4:4

Kyamba njilaichi kitewe. Kya indi ki kyansumhantsakyo, modumbuo kyako nyi Mndumii.

TITO 3:11

Nomanye mndu ai adi amekuṟuka echinyamaṟa amekuwonya owingo amonyi.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

WAEBRANIA 6:13

Kyamba Ruwa alewikya Abrahamu kyasa, nao ili alawewode ungi awechiidama ilya nyamu kui ilya lyake kahenda kulia nyamu koke amonyi.

1YOHANE 3:19

Na hondo lochikuwutya-ho imanya ke lukeri wandu wa kii-lohi. Na ipfo oshangunyi lo Ruwa nyi lochikarishya-ho ngoo tsadu.

1YOHANE 3:21

Wakunde wako, kokoya ngoo ilalusesa lui na wulalutsu oshangunyi lo Ruwa.

1YOHANE 4:4

Nyo, wana, mupaṟikye ko Ruwa mulemmaa iwinza waikimbi. Kipfa ichu akeri nanyo nyi ang'anyi kota ichu ai kunu wuyana mulemmaa iwinza waikimbi-wo wa wongo.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.