1YOHANE 3:12 - Bibilia Kui Mdedie fo Kimochi

¹² Lulawe cha Kain awei o ichu mbicho kahenda iwaha manomae. Na kitewe alembaha nyiki ngesa? Nyi kipfa mawuto hake halewichuo indi halya ha manomae ho hawei mecha.

1YOHANE 3:12 ပူးပေါင်းရင်းမြစ်များ

MAWOOKIONYI 4:25

Adamu kamanyase mka oke; kafee mana o womi kamdumbuya rina lyake nyi Seti; kipfa nalehamba, “Ruwa amenjiwonyia wufee wungi handu ha Abeli; kipfa Kaini alembaha.”

2SAMWELI 13:22

Absalomu kasuo Amnoni manaomaye mnu kipfa kya wukika fulya alewutia Tamari mshiki oke, ma alededa na Amnoni ma idedo limu liwicho ang'u lichapfo.

SHIIMBO SHA DAWIDI 37:12

Walawode wulohi wekyekusaṟa mawicho ko wasumhanyi, na imadya ngamru.

SHIIMBO SHA DAWIDI 38:20

Ee, wechitaa shiwicho ko shicha shako, nyi wai wakituwa wako kipfa njileosha kilya kii kicha.

MFANANO 27:4

Nyashi nyi njiwicho, na nduika nyi mfu; Indi nyiu echiidima ihoṟoka oshangunyi lo wunyenyi.

MFANANO 29:10

Wepusuo samu wasuo mndu o wusumhanyi, Indi wahendeli wekeringa moo foke.

MFANANO 29:27

Mndu o ngafu nyi asuiṟye wenyi wusumhanyi; Na iwa msalari nyi kisuiṟye wewuta mawicho.

MATAYO 13:19

Orio mndu ose ili ekeicho dedo-lyo lya mbonyi tsa wumangi nalamanye, nyi ichu mbicho acha napfo karakuo-ho kilya kii kiwaaye ipfo mrimenyi koke Nyio ichu ambaye oo mbarinyi ya njia.

MATAYO 13:38

Na dema nyi wuyana-wu. Na mambuṟo-ho nyi wana wa ichu mbicho.

MATAYO 23:35

Nanyo kundu mochicheo nyi samu yose ii nyiole kunu masangenyi ya wandu walawode kindo wanyamaṟye, iche huye yanu iwokia samu ya mndu ulya o wusumuhanyi Abeli ukoe samu iya ya Sakaria ai mana o Barakia ulya mulewaha o makiidi hawi ha hekalu lya Ruwa na kitaṟa kyedasia.

MATAYO 27:23

Nao kahamba, “A nkiki kiwicho alewuta?” Wakaengeṟa ifahya wakahamba, “Nawambyo msalabehu!”

MATAYO 5:37

Indi kidedo kyanu kiwe nyi, ‘Ee, Ee,’ anu, ‘Ote, Ote!’ Kidie ikyo, nyi ko mbicho kicheye.”

LUKA 11:51

Wokya samu ya Abeli itane samu ya Sakaria ulya alewoohio makiidi ha kitaṟa kilya kedasia na omombo. Nyi kya lohi ngamuwia; Wandu waoshari lu nyi wechiiweso!

YOHANE 10:32

Yesu kawahalwo, “Maṟunda hafoi sa mecha ngamaa imbonesya nyo hawuka ko Wande. Ipfo kiidi kyaho nyi liki lyemtewa munjikape na maho ngesa?”

YOHANE 8:40

Inyi ngamuwia wukiilohi njilewuicho ko Ruwa; na ma kudo mukundi injiwaha. O Abrahamu alewika adipfo!

YOHANE 8:41

Nyo nyi mokewuta mawuto halya halya ha waku wanu walewuta.” Wakambia, “Chi lui-wafee wa njapfo. So luwode Wande umu da nao nyio Ruwa.”

MAWUTO HA WASU 7:52

Nyi ku kuwei mwikimbi waku wanu wakada walamterengya. Ee lae na iwaha wakawewaha walya weesongwo ihamba mbonyi tsa macheenyi ha ichu mhorotsu, ichu nyo mlewa wulalu watwaṟi wake na wawahi.

1WATESALONYIKYE 2:14

Kipfa nanyo, wanawawama, momba waoshi wa siṟi tsa Ruwa tsiwodo nyi Kristo Yesu tsii ipfo Yudaya ili momeliso wukiwa wumu natso nyi washari wanu wenyi chando wo waleliso nyi Wayuda.

WAEBRANIA 11:4

Nyi wuidiki wuleenenga Abeli adambikye Ruwa kidaso kichihianyi nao kota kya Kain, kashika ihenda iṟingishyo ke nyi ai mndu asumhana kimaduma kyawo. Kiṟingishyo ki nyi Ruwa aweṟingishye kikuwode na njodambiko tsake. Nawo (wuidiki wo) womenenga aideda-se mandi alemshikahenda ipfa.

WAEBRANIA 12:24

Na Yesu moende owiko lulya luhya na samu iya ya maolya ikeri ideda kuichyo kota iya ya Abeli.

1PETRO 4:4

Lyo liwaṟihishye wandu wo Walaichi Ruwa wechimruma-ruma ili mulaichumia-se nawo ipfo wumelukinyi wowo.

1YOHANE 3:8

Mokiwuta wunyamaṟi apaṟikye ko Satana, kyamba Satana akeri monyamaṟa wokia mawokyonyi. Kiletewa Mana o Ruwa kacha wuyana nyi kundu nafunje iṟunda lya Satana.

YUDA 1:11

Ochia lowo! Wandu wamhenda njia ya Kain wakaeko nyi wulembi wo weri wo Bileamu wakawerumara wai walemi cha Kora.

OTAMBAHALUO LO YOHANE 17:6

Na inyi ngawona mka cho amnanzi samu ya wandu wa Ruwa, na ya waṟingishi wa Yesu. Ngamembona njido ngaṟihiyo mnu na kamu.