1YOHANE 3:10 - Bibilia Kui Mdedie fo Kimochi

¹⁰ Nyihondo komanyika na pata iwa wai wana wa Ruwa na iwa wai wana wa Satana, orio mndu ose ada alawa mowuta wusumhanyi apaṟikye ko Ruwapfo ang'u alakundi manomae.

1YOHANE 3:10 ပူးပေါင်းရင်းမြစ်များ

2SAMWELI 13:22

Absalomu kasuo Amnoni manaomaye mnu kipfa kya wukika fulya alewutia Tamari mshiki oke, ma alededa na Amnoni ma idedo limu liwicho ang'u lichapfo.

MATAYO 13:38

Na dema nyi wuyana-wu. Na mambuṟo-ho nyi wana wa ichu mbicho.

LUKA 6:35

Kyaindi kundenyi wakituwa wanu, muwewawutia na mecha, muakuye mulakundi iwihiṟio-se kindo; mukawuta mudo nlyodo woṟunda wonu wochifo, nanyo nyi mochiwa wana wa ulya ai huye ya shose; kipfa o nyi aololye wandu wechimwana na walya wawicho.

YOHANE 1:12

Indi iwo walemwambya na imwidikia kawaenengya wulimbi wo itano wana wa Ruwa wose.

YOHANE 11:52

Ma chi kyekiṟa mkambo fu fo wandu tupupfo kya indi kundu na wana wo wa Ruwa wanyanyaṟikye wo nawasanze wawe wamu.

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

YOHANE 8:47

Ichu apaṟikye ko Ruwa o nekeadanya madedo ha Ruwa. Nanyo muinjiadanyiapfo kipfa nyo chi wana wa Ruwapfo.”

MAWUTO HA WASU 13:10

“Iyo mndu uichuo mtambo na wuporu wose ui mana o Satana, mkituwa o wusumhanyinyi wose ulada ilemalema njia tsa Mndumii tsii njihoṟotsa

WAROMA 13:8

Mulakae na sile ya mndu ma iwe ya iki, shile na iya ya ikundana; kyamba icho mokunda odoe nyio aawutsye wuwawaso.

WAEFESO 5:1

Kikawa kido muwe mokuwaakisha na Ruwa cha wana wakunde.

WAKOLOSE 3:14

Indi mwengeṟia fo isho shose nyi kikunda, kipfa kikunda nkyo kilunga kya orio mbika ikawa imu itoṟikye.

1TIMOTEO 1:5

Indi mṟasa fo wuikimbi wulya nyi ikunda liṟukye ngooyi tsiharami na mrimenyi mcha fuu na ngo tsii teṟe na wuindikinyi wulakulembetseṟye.

1YOHANE 2:29

Mukamanya ke o ai menyi wusumhanyi, kuwutyenyi-ho imanya ke orio ose awa momanyisha wusumuhanyi wu kui iwuta lyake, o amefeo nyio.

1YOHANE 3:1

Ambuyenyi kunda lya Ruwa chando ling'anyi, likaluenenga lusendo wana wa Ruwa, na lui wana. Nkyo kimaduma wuyana wu wulalumanya so, kipfa wulalemanya Ruwa.

1YOHANE 3:2

Nyo mui wakunde wako, lukeri wana wa Ruwa wulalu. Indi mbika lochikaa nayo ilemewonekye-pfo. Luichi ke iliindi Kristo echicha nyi lochifanana nao, kyamba nyi lochimbona mbuka yake yose.

1YOHANE 4:21

Nalyo nyi iwawaso luwode liwukye ko Kristo, Mokunda Ruwa nawekunda na manomae.

1YOHANE 4:6

So nyi ipfo ko Ruwa lupaṟikye. Mokimanya Ruwa nyi aluicho. Ichu alapaṟikye ko Ruwa ekeluichopfo. Lyo nyilyo lyaluinengya imanya Mumuyo o kii-lohi na mumuyo fo wongo.

1YOHANE 4:8

Mndu alawode mkundye aichi Ruwapfo. Kipfa Ruwa nyi ikunda.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.

1YOHANE 5:2

Hando lokuwutya-ho imanya ke lukundi wana wa Ruwa, nyi iliindi lukundi Ruwa lochiwuta shilya aluwawasye.

3YOHANE 1:11

Mkunde oko, kulaoshe kilya kii kiwicho kya indi kilya kii kicha. Mowuta kii kicha nyio apaṟikye ko Ruwa. Mowuta kii kiwicho o alembone Ruwapfo.