1YOHANE 2:29 - Bibilia Kui Mdedie fo Kimochi

²⁹ Mukamanya ke o ai menyi wusumhanyi, kuwutyenyi-ho imanya ke orio ose awa momanyisha wusumuhanyi wu kui iwuta lyake, o amefeo nyio.

1YOHANE 2:29 ပူးပေါင်းရင်းမြစ်များ

YEREMIA 13:23

Ale, Mkushi naidima iilacha fana ya mbihu foke, ang'u rumu matoṟetoṟe halyo? Kokoya echiidima, manya nyo mochiidima iwuta mecha, nyo muichiwie iwuta mawicho.

ZEKARIA 9:9

Chihiyo iyo mana o Sioni Kapa ngululu iyo Yerusalemu Ambuya mangi yapfo nyi akuchea Nyi o wusumhanyi nyi arie okiṟo Ai mwoloru ambawe nyi nzoi Lii ihache lya nzoi.

YOHANE 1:13

Nawo nyiwo walefeo nyi Ruwa chi kui wuidimi wo mndu o wandupfo ma kui pfinya tsa mbihu-pfo, ma kui idumbwo lya msoro mliwe pfo kya indi Ruwa amonyi nyio ndeawo.

YOHANE 7:18

Ichu ekyekuhambia kyake tupu o apfula iwikyo kiṟumi o amonyi. Indi mndu atambahanya iwonya ichu alemduma kiṟumi o akeri mhendeli alawode mtaambo, o lohi.

MAWUTO HA WASU 10:35

Kya indi orio mbaṟinyi ya wandu yose mndu aiho amowoye na iwuta sha wusumhanyi nyi echikundikya koke.

MAWUTO HA WASU 22:14

Nao kahamba, “Ruwa o waku wadu nyi akusangye nomanye chila yake na iwona mhoṟotsu ulya na iicho ṟu liwukye dumbunyi lyake.

MAWUTO HA WASU 3:14

Nyo mlekana ichu Mwele ai na o Wusumhanyi mkakunda mwinengo mbahi ulya.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

WAEBRANIA 7:2

Nyio Abrahamu kahenda imlekia kilya kyeshitsa ikumi kya shindo shilya shose. Nao asonguo ihambo mangi menyi wuhoṟotsu kawehambo lingi mangi ya Salemu lyo lihambye mangi menyi ofoṟo.

WAEBRANIA 7:26

Na mkohanyi mnene ai ado nyio alusumhanye kawa menyi wuindi mkeha ose, alawode huya maruwehu.

YAKOBO 1:18

Nyio alekunda kalufee so kui idedo lya kii-lohi kundu lukae-pfo lui odambiko lulya lo wuwee lusongoe mawumbe hake.

1PETRO 1:23

Kyamba mui-wafee lya kawi feo lilawukie ndeo echikaa napfe kya indi ipfo ko ndeo elechipfa, nyi kui dedo lya Ruwa lii na moo lyechikaa mlungana.

1PETRO 1:3

Kuichiko Ruwa ichu ai Nde o Mndumii odu Yesu Kristo! Ili amelusaṟya osaṟio lung'anyi kalufee feo lya kawi luwedye owedi luende moo kui iṟuka lya Yesu Kristo lya ipfo ko wafu.

1PETRO 3:18

Kipfa nao Kristo alepfa limu kipfa kya manyamaṟo hadu. Ichu asumhanyi alekaya walasumhanyi kundu naluduo ko Ruwa alewoho kui nyama indi kawewanzio moo kui mumuyo.

2PETRO 1:4

Sho shatewa luinengo shasa sa shing'ianyi shiwode macha, kundu shimtane muwe wa-kita kimu mbika ya ki-Ruwa muweturuchukye odetso luwukye ipfo wulangenyi wo wuyana.

1YOHANE 2:1

Shiwana shako, ngamṟehia isho kundu mulahende iwuta wunyamaṟi hando. Na kokoya kwipfo mndu anyamaṟa hando, luwode mombele ipfo ko Wande, nyio Yesu Kristo asumuhanyi.

1YOHANE 3:5

Nanyo muichi ke Kristo nalecha kundu nawute-ho manyamaṟo hadu, na wunyamaṟi wukeri naopfo.

1YOHANE 3:7

Wana, wako, mulahendedetso nyi mndu. Mokiwuta wusumhanyi nyio asumhanyi arianyi na Kristo menyi asumhanyi.

1YOHANE 4:7

Wakunde wako, luitike ikundana luwenyi-na-wenyi. Kipfa mkundye fumenyi nyi ipfo ko Ruwa fupaṟikye. Na orio menyi-mkundye amefeo nyi Ruwa na imanya kamanya Ruwa.

1YOHANE 5:1

Orio mndu ose aidikya ke Yesu ai Kristo nyi alefeo nyi Ruwa. Na orio ose ili akundi ichu momfee awa mokunda na ichu alemfeo nyio.

1YOHANE 5:18

Luichi ke oṟyo amfee nyi Ruwa awuta wunyamaṟipfo. Kya indi ichu amfee nyi Ruwa akuringa amonyi, na mbicho aimpayapfo.

1YOHANE 5:4

Kyamba orio kii-kifee kipaṟikye ko Ruwa kikeri iwinza wuyana-wu. Na kiwinza kilya kyechiwinza nakyo wuyana-wu nyi mwidikye fodu.

3YOHANE 1:11

Mkunde oko, kulaoshe kilya kii kiwicho kya indi kilya kii kicha. Mowuta kii kicha nyio apaṟikye ko Ruwa. Mowuta kii kiwicho o alembone Ruwapfo.