1YOHANE 2:27 - Bibilia Kui Mdedie fo Kimochi

²⁷ Nanyo, mshimbuo-fu momwambya fuwukye ipfo koke mfo fookaa nanyo. Nanyo muwuṟye mndu mompfundapfo. Kya indi chando mshimbuo foke fuimlosha kya shose nafo fui lohi fulai wongo, na chando fulemlosha nyo kaenyi nafo.

1YOHANE 2:27 ပူးပေါင်းရင်းမြစ်များ

MFANANO 28:5

Wandu wawicho waichi mwaanduye - pfo, Indi walya weshiha Mndumii waichi shose.

WALEWI 7:35

Ifu nyifo mooko fo Aroni, na mooko fo wana wake, kuwukia ishimbuo kyawo, ipfo mwanonyi yekesembeṟio Mndumii kui modo, mfiri fulya alewawika kundu waṟundie Mndumii kiidi kya iṟunda lya wukohanyi.

MAITALA 7:43

Mwano foke fuwei; sahanyi imu ya pesa iwode wulemeri wo kilo kimu na kienga na ipongo limu lya pesa wulemeri wolyo nyi gramu mahana nyanya, shihianyi na shihesho sha ihema liele; sahanyiyo na ipongolyo shiweichuo mso mmamiri fumlongelonge na mafuda fuwe mwano fo mso;

MATAYO 13:11

Nao kawavia, “Wandu wa wainengye imanya mbonyi tsa wumangi wo ruvehu tsii njiṟike nyiwo nyo, kya indi walya wa wanengyepfo.

YOHANE 14:16

Na inyi njechiterewa Wande nao echimwenenga Mtarami ungi nawe mokaa nanyo itane mlungana.

YOHANE 14:17

Nyio Mumuyo o wukilohi, ichu wuyana wu wulaidima imbada kipfa wulawode meso hembona ma wuṟango wommanya. Nyo nyi mommanya kipfa nyi aimukaya kechitsinda mrimenyi yanu.

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

YOHANE 16:13

Indi kiheri ichu echicha ai Mumuyo o wukilohi, o echimuwiia mateteṟa momwitsa wukilohinyi wose, kyamba alechideda kui wuitiki woke amonyi, kya indi shilya aicho nyisho echideda, na shilya shirie iwa nyisho echimwongoya.

YOHANE 4:14

Indi mndu kanyo mṟinga fu njechimnenga inyi ewado nyoda ma indipfo shika mlungana. Kya indi mṟinga fu inyi njechimenega ipfo koke nyi fochiwa soka ya mṟinga fuwode moo, na fochimnenga moo fo mlungana.”

YOHANE 6:45

Waikimbi waleṟehya, ‘Wandu wose wechilosho nyi Ruwa.’ Nahong'u orio mndu ose aadanyia kiwuka ko Wande na ikulosha nyi aicha na koko.

1 WAKORINTO 2:12

Natso lulaleambya mumuyo fo wuyana, kya indi nyi Mumuyo awukye ko Ruwa kundu lukuwutye-ho imanya shilya luiwasumbe nyi Ruwa chando shii.

1 WAKORINTO 2:13

Nasho nyisho luideda kyasho chi kui madedo ha-masungusie na wuṟango wo kiwandu, kya indi ha-mawike nyi Mumuyo, lochiṟinganyisha shilya sha Mumuyo na mweke fo Mumuyo.

2 WAKORINTO 1:21

Kyasia ichu aluwanzye Kristo-hu handu hamu nanyo na ilushimbuo nyio Ruwa.

WAEFESO 4:21

mleicho napata kyake na iloshyo mui nao, ke kilya kii lohi kikeri kiidi kya Yesu.

WAKOLOSE 2:6

Na wulalu chando muleambya Kristo Yesu Mndumii muhendeke mukuwode nao.

1WATESALONYIKYE 2:13

Nakyo nyi kimaduma na so lotsinda lochiana Ruwa cha kipfa dedo lyo lya Ruwa momambya moicho kodu muleliwada chi cha dedo lya wandupfo kya indi chando likeri kya lohi cha dedo lya Ruwa. Nalyo likuwode nanyo mui waidiki lyechiṟunda.

1WATESALONYIKYE 4:9

Indi kilya mulawuṟie muhende iṟehio kyakyo nyi kikundana, cha kipfa nyo muwenyi mui wapfunde nyi Ruwa kya ikundana muwenyi na wenyi.

1TIMOTEO 2:7

Na inyi njiimbike-ho mwongoyi oyo na msu, ngamba mlosha molosha mkambo ya wandu kui wuidiki na wo-kiilohi ngahamba njido kya lohi njilawongisha kindo.

1PETRO 1:23

Kyamba mui-wafee lya kawi feo lilawukie ndeo echikaa napfe kya indi ipfo ko ndeo elechipfa, nyi kui dedo lya Ruwa lii na moo lyechikaa mlungana.

1YOHANE 2:28

Na wulalu, wana, kaenyi mukuwode na Mndumii kundu mandi echiwoneka, lukae-ho na wulalutsu lulahutsyo sonu nyio ipfo machee hake.

1YOHANE 3:24

Na mokihendelya mawawaso ha Ruwa nyi aka amlunge na Ruwa, nao Ruwa alunganyi nao. Na kilya kyalutarama imanya ke luiwalunge na Ruwa nyi mumuyo fu Ruwa ameluenengya.

2YOHANE 1:2

Wawakundi kimaduma kya kii-lohi kii naso na ikaa kyechika naso mlungana.