1YOHANE 2:18 - Bibilia Kui Mdedie fo Kimochi

¹⁸ Wana, saa ifurumi iipfo. Iki muleicho ke iimakristo echicha. Na wulalu komba wafoi wai mai makristo. Nyihondo lokuwutyaho imanya ke saa ifurumi iipfo.

1YOHANE 2:18 ပူးပေါင်းရင်းမြစ်များ

MATAYO 24:11

Na waikimbi wehamba sha wongo wawekurepfo wafoi waduo wandu wafoi ipfo kidekyonyi.

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MATAYO 24:5

Cha kipfa nyi kochikaa kuche sa wafoi wache kui rina lyako wahambe, ‘Inyi nyio Kristo. Wadetse wandu sa wafoi.’

MARIKO 13:6

Koekaa kuche sa wafoi, wache kui rina lyako, wahambe, kye, ‘Inyi nyio!’ Wadetse wandu wafoi.

YOHANE 21:5

Nalyo Yesu kawawia, “Alewo, shiwana shako, momewona makunga ma lyimu?” Wakamhalwo, “Ote mbee, manya lyimu.”

WAROMA 13:11

Wikenyi mudo mui wandu waichi heri ke saa yamshika yekure-ng'u madonyi; kyamba oletso lodu wulalu nyi lui afui na kota lyandi lulewoka iidikya.

WAROMA 13:12

Kio kyaitika ihenda mfiri nyi icha fukeri. Ili kii kido lukuatwo mawuto hose ha meema luṟae shisha sha sa.

WAEBRANIA 1:2

Ili lyefurumia lya suku tsi alededa naso kui Mana, chu alembika mokyoṟya echioṟa shose. Nao nyio alembika nao na mandi halya.

1PETRO 1:20

Nyio awemsambuṟe nyi Ruwa matika wuyana-wu wulawendewiko, indi nyi alemanyishio iheri li lifurumi lya maheri hose kimaduma kyanu.

1PETRO 1:5

Mui-waringe muwodo nyi pfinya ya Ruwa kui wuidiki, muhendewonyo okiio luiluteseheṟe iwoneka kiheri kyefurumya.

1PETRO 4:7

Mainutsyo ha shindo shose hamcha afui. Ko ikyo kaenyi na osaaṟe mochikuotoya kundu muidime iterewa.

2PETRO 2:1

Indi kuweipfo na waikimbi wa wongo ipfo kiidi kya wandu. Chando na ipfo konu kochiwa wai walosha wa wongo. Wechilosha moshie mbicho fonyamaṟa na ikana Ruwa-alewakiṟa. Na Mnene ichu alewatalaa nyi wechimkana wekutumukishya wadi kiwadetsa owinyi.

2PETRO 3:3

Kisongoye shose manyenyi kiheri kyefurumia kochicha wandu wetaluo, mchumie yawo inchilie nyi lango tawo njiwicho. Kochicha-pfo wetaluo wai wapirisi wenyi-wupiṟi wechichumia waiwaṟaishe nyi lango tsawo wawenyi.

1YOHANE 2:22

Nyi o ku ai mowongo chila ichu ai mokana Yesu ai Kristo? Nao nyio iima-kristo-chu mokana Wande na Mana.

1YOHANE 4:1

Wakunde wako, ma mulaidikye orio mndu mohamba nawode mumuyo mliwe, kya indi mutume mnu kokoya mndu-chu nario nyi Mumuyo fo Ruwa ang'u ote. Kyamba waikimbi na wongo wafoi wamecha kunu wuyana.

1YOHANE 4:3

Na orio mndu alaiṟingishia ke Yesu Kristo alecha kui nyama, ario nyi Mumuyo fo Ruwapfo. Nyio akeri mkituwa o Kristo. Kake nyi mulemwicho nyi echicha. Na wulalu alemmaacha kunu wuyana.

2YOHANE 1:7

Kyamba walembi wafoi waipfo; walechikunda ihamba Yesu Kristo amecha kui nyama. Nyipfo kundo mdetsi aipfo iimakristo.

YUDA 1:18

Ili walembia. “Maheri hefuṟumya kochiwoneka wandu wechimupiṟa nyo; wechikuhendya wai-waitike nyi lango tsawo njiwicho tupu.”