1YOHANE 2:16 - Bibilia Kui Mdedie fo Kimochi

¹⁶ Kyamba ishi shose shii sha wuyana shikeri shidi, nyi lango tsa nyamenyi na lango tsa meso na useṟeṟi wo moo. Nasho shiwukye ipfo ko Wandepfo, indi nyi ipfo wuyana.

1YOHANE 2:16 ပူးပေါင်းရင်းမြစ်များ

MAWOOKIONYI 3:6

Kyasia mndu mka ulya kaambuya ikidi lilya kawona lyii lyicha iambuya na lyekulia, lyichihiṟie meso, lya kiweṟe kipfa liweṟangusha; kyasia katowuo ho ndunda kalya; kainengaho na mii oke kawekulia.

MAWOOKIONYI 6:2

wana wa Ruwa walewona wanawo wa kika wa wandu ke nyi wawecha; wakakudaya waka, chandu wakukundia isambuṟa.

YOBU 31:1

Njilelya mma na mesao hako wulalu njechiidima njida iambuya mana o waka.

SHIIMBO SHA DAWIDI 73:6

Orikiki lui shilukuta nzingonyi kowo, ikudosa likawa cha nguwo.

SHIIMBO SHA DAWIDI 78:18

Wakahesha Ruwa mrimenyi yawo, kui ikunda kelya kui lango tsawo.

SHIIMBO SHA DAWIDI 78:30

Ma chandu kelya kiwei madumbunyi hawo, walelekana na lango tsawopfo.

MFANANO 27:20

Ko waṟumu na inyamaṟika shekeihuda-pfo; Manya meso ha wandu haihudapfo.

MFANANO 6:25

Ulalange wucha woke mrimenyi fopfo, Ma kulaidikie nakuwade na mbawa tsa meso hake.

DANIELI 4:30

Mangi kadeda kahamba: “Mṟifu fo Babeli fung'anyi njilefuwika inyi fuwe mṟi fo wumangi, kui pfinya tsako, kundu fuwade kiṟumi kya wuitoṟi woko!”

MAITALA 11:34

Koikyo handu halya kukalaho rina nyi Kibrothhataavi, kipfa npfo kundu wandu walya wawei wakuwu waleṟiko.

MAITALA 11:4

Kiidi kya Waisraeli kuwewode wahenu maata waleduana nawo sa wawewode lango tsing'anyi mnu. Waisraeli wakanunuwase lyingi wehamba, “A kima luweidima iinengo nyama lulye!

MATAYO 4:8

Kyasia Satana kawuya kamduo kundu ko fumvu lileshe, kamloṟa masanga ha wuyana hose na wusuṟi woho.

MATAYO 5:28

Indi inyi nyi ngambia, ‘Orio mundu oose echiambuya mndu mka womlanga, nyi ama iruhuya nao mrimenyi.’

LUKA 4:5

Naalyo kamduo kamdosia handu, kamloṟa mawumangi hose ha wuyana-wu limu waṟu.

WAROMA 13:14

Kya indi kuṟaaenyi Mndumii Yesu Kristo, mfo mṟaae fonu, mukuṟise kundu iwetesya moo lilawone lyechiamtsa lango mbicho.

1 WAKORINTO 10:6

Ishi nyi shilewa sha mbetesa yadu kundu so lulawe welanga shiwicho chando wo wawelangie.

WAGALATIA 5:17

Cha kipfa kilya kii nyama nyi kilehanyi na Mumuyo, na mumuyo nyi alehanyi na kilya kii nyama. Isho shi shiwi shewikyana kitumuo kikatewa mulawute iki murie iwuta.

WAGALATIA 5:24

Indi iwa wai wa Kristo Yesu wo wekekapya shii nyama shawo msalabeny hamu na wulang'a na wulanga.

WAEFESO 2:3

Natso loose luwei chawo luweichumia lui na lango tsa nyama tsadu lochikupaya na wuitiki wo nyama na wo mahio, naso luwei wandu wapfulutsye nyashi kui mbaṟi cha walya wengi.

TITO 2:12

Wolutoṟisha so, kundu lulehane na mbaṟi ii ya imina Ruwa na lango tsilya tsa ki-wuyana, lupfudie lui na moo fo chile na wuhoṟotsu na wuindi mandi ha kiwulalu.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

YAKOBO 3:15

Iwu wukeri wudi chi wuṟango wuwukye ipfo huyepfo, indi wukeri wo shi, wo ki-wandu, wo ki-waṟupfu.

YAKOBO 4:16

Na wulalu mokekushela na maseṟeṟi hanu. Orio ikushela lya mbaṟi ii lii liwicho.

YOSHUA 7:21

Kiheri njilewona nguo njicha iwukie Shinani kiidi kya shindo shilya shilewado shidenyi na shekeli mahana (200) hawi ha fesa na mnaṟa fo sahabu fulemeri cha shekeli makumi hatanu (50), nalyo ngashilanga ngashiduo, ambuya nyi njishiṟikie, ngashisumia terinyi ipfo ihemenyi lyako, na fesa yo ngaiṟika wanda ya shindo sho.”

1PETRO 1:14

Mui wana wa Ruwa wawode wuindi, mlakioshe-se manyale lango njiwicho tsilya muwewode kacha lilya muwei watondo.

1PETRO 2:11

Wanawawama, ngamtutuma mui cha wahenu wakuidya-iya wuyana ke mukuotoye lango tsa nyamenyi tsikeri ikapana na mrima.

2PETRO 2:10

Ngoseṟa mnu nyi walya wewingya seko tsa mbihu wawodo nyi wulangi wuterefutsie wakapiṟa wunene. Wo wandu waami, wakahakaha walaowuo iruma waapfinya wa ipfo huye na iwaisalucha.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.