1YOHANE 1:9 - Bibilia Kui Mdedie fo Kimochi

⁹ Indi lukatocha manyamaṟo hadu o Ruwa ai mhendeli asumhany nechiluhoṟya manyamaṟo-ha na ilusanja hando hose lufanyi.

1YOHANE 1:9 ပူးပေါင်းရင်းမြစ်များ

1WAMANGI 8:30

Adanyia shiterewo shako inyi mṟundi opfo na sha wandu wapfo Israeli ili mandi wechiterewa, wahalukie handu ha uicho shiterewo kui kulya ruwehu, komeicho noluhoṟie.

1WAMANGI 8:47

Wakakumbuo mrimenyi yawo ipfo kiidi kya oruka lulewaduo wapfungo, wakadumbuya na ikueṟeṟia ipfo orukenyi waledao wupfungonyi wechihamba, ‘Lonyamaṟa, lukahenda mpuria na iwuta sha mkika.’

NEHEMIA 1:6

Inyi mṟundi opfo, njikeri ikuterewa kio na mfiri kya waṟundi wapfo wana wa Israeli. Kyeambuya wo inyi nyi ngakutochia wunyamaṟi wo Waisraeli luletsiwuta oshangunyi lopfo. Inyi na wandu wako wa Israeli nyi lulekudekio.

SHIIMBO SHA DAWIDI 19:12

Nyiu echiidima imanya madeko hake? Unjiilishe na shindo sha kiṟika.

SHIIMBO SHA DAWIDI 32:5

Njilekuwia wunyamaṟi woko, Ma njileṟika deko lyakopfo. Njilehamba njechitocha wunyamaṟi woko ko Mndumii. Na iyo konjihoṟia wunyamari woko wose.

IWUKA 34:7

ekeichio makulili wandu shiku shiku, ekehoṟia wuwicho na madeko na wunyamaṟi; manya ekeitalia mndu mmbicho ke nalawode mti manyalepfo; msa eketaa wana kiṟache kya wuwicho wo wandeawo, na wachuku na njukuṟi daa, tane ufee wo kaṟaṟu na wo kaana.

MFANANO 28:13

Moṟika wunyamaṟi woke echitaramo-pfo; Indi motsitocha na ida nechiwona osaṟio.

YESAYA 45:21

Onguonyi mbonyi, hambenyi oloho; ee da! Wadenyi chila kimu; nyiu aleloṟa ishi wokia mboko? Nyiu aleonguo mbonyi oo mawookionyi? Chi inyi Mndumii? Manya kulawode Ruwa kota inyi; Ruwa menyi wulohi, mkiṟa; kulawode ungi ngoseṟa yako.

YEREMIA 3:13

Tocha njoyamaṟo tsapfo tsose ke nyi uledekio, Mndumii-Ruwa opfo, na njia tsapfo ihendia wahenu, wanda ya orio ikidi liwode maṟa mawishi ma ulakunde iicho ṟu lyako.” Mndumii ahamba.

YEREMIA 33:8

Njechisanja njonyamaṟo tsawo tsose na iwahoṟia wuwicho wowo na imina lyawo.

SHILIO 3:23

Kyamba orio ngamenyi nyi injihya mnu, wusumhanyi woke nyi wung'anyi mnu.

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

EZEKIELI 37:23

Kyamba wechiidimase ikufanyitsa na sanamu tsa maruwa hawo manya mbonyi tsilya tsawo tsiwichuṟie manya ko madeko hawo sepfo. Ambuya njikeri ihenda iwakiṟa walakiwese wandu wenjidicha, chakipfa wahenda iwa wandu wako na inyi njiwewa Ruwa owo.

ZEKARIA 9:9

Chihiyo iyo mana o Sioni Kapa ngululu iyo Yerusalemu Ambuya mangi yapfo nyi akuchea Nyi o wusumhanyi nyi arie okiṟo Ai mwoloru ambawe nyi nzoi Lii ihache lya nzoi.

MATAYO 3:6

Wakahenda ipatisio alya mṟingenyi fo Yordanyi wechitochia-ho njonyamaṟo tsawo.

MARIKO 1:5

Wakamhendia wandu wose wa isangenyi lyose lya Yudaya na Wa Yerusalemu wose wakapatiso nyio alya medenyi fo Yordani, wechitocha njonyamaṟo tsawo.

LUKA 22:57

Kakana kahamba, “Wai, njimanya, njimwichipfo mae!”

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

MAWUTO HA WASU 19:18

Na waidiki wafoi wakacha wakatocha njonyamaṟo na ihamba shindo shilya wawekewuta.

WAROMA 3:26

Nyiho naho Ruwa alewa mokukarishya kyaho kundu namanyishye-ho wuhoṟotsu wu woke, kiheri kya wulalu kumanyike-ho ke nyio amonyi ai mhoṟotsu kawewa motana na ichu aidikye Yesu mhoṟotsu.

1 WAKORINTO 1:9

Ruwa ai mhendeli, nao nyio amemlahya kilunganyonyi kyelungana na Manoke Yesu Kristo Mndumii odu.

1 WAKORINTO 6:11

Na wa mbaṟi itsi muwekeri maata wanu. Kya indi momesanjo. Kya indi momeilisho. Kya indi momesumhantso kui rina lya Mndumii Yesu Kristo na kui Mumuyo o Ruwa odu.

WAEFESO 5:26

Kundu naitane njele echiihaṟamisha kisambyonyi kilya kya mṟinga furianyi na idedo.

NGUMBUO YA MAWAWASO 7:9

Ko ikyo, manyenying'u ke Mndumii-Ruwa, Ruwa onu, nyio Ruwa; nyi Ruwa mhendelyi ekewada mkundano foke; na iloṟa woloru woke ko wana wafoi wa wandu walya wekeindia mawawaso hake.

1TIMOTEO 1:15

Dedo liṟamtsu lisumuhanyi iindyo nyi wose likeri lile, ke Kristo Yesu amcha wuyana kundu nakiṟe wanyamaṟi, na inyi njii msongoru owo.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 10:23

Lutsinde lochiṟi ngishya kilya luiweda ma lulalemo, kyamba mokiteṟya nyio m mhendeli.

WAEBRANIA 11:11

Nyi wuidiki nawo wukaenenga Sara alewada pfinya yeembeṟa mbeu amekuo wuku wulakiwona-se katana moteṟya kiteṟyo kilya mokusirio.

WAEBRANIA 6:10

Kyamba Ruwa alai mlemeshi awechihadima wina lyanu na kunda lyanu muwewonye rina lyake ili indi muweipfuṟukanya waele walya, na iwapfuṟukanya mui.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.

OTAMBAHALUO LO YOHANE 15:3

Wakaimba kiimbo kya Mose awei singa lya Ruwa wakaweimba kiimbo kya kidahina ki wehamba, “Mawuto hapfo, Hoi Mndumii, hoi Ruwa Menyi-pfinya tsose, hai manene haṟihishye. Njia tsapfo, hoi Mangi ya mkambo ya wandu, tso tsiende mdumbuye isumhanyi tsimanyishye kilya kii-lohi.