1YOHANE 1:8 - Bibilia Kui Mdedie fo Kimochi

⁸ Kokoya lokehamba ke lulai wanyamaṟi nyi lokulemba luwenyi na kilya kii-lohi kikeri nasopfo.

1YOHANE 1:8 ပူးပေါင်းရင်းမြစ်များ

1WAMANGI 8:46

“Kokoya wakudekio kipfa kulawode mndu alakedeko na iyo koicho nyashi, kowadambika ko wakituwa wakadao wapfungo orukenyi lo kuleshe ang'u hafui.

2WAMANGI 20:15

Kiidima kambesa, “Nyi kiki wawona kiidi kya mba i yapfo ya wumangi?” Hezekia kamhaluo, “Wawona shose shii kiidi kya mba yako ya wumangi. Ma kuwode kindo kyose kii kiidi kya shikumbi shako shing'anyi njilawaloṟapfo.”

2MBONYI TSA MAHERI 6:36

“Kuwode mndu alekewuta wunyamaṟipfo. Kyaindi wandu wa wapfo wakakudekio na iwuta wunyamaṟi, na iyo kosuo mnu koinenga waturi wawo momu fowakapa na iwaduo wusingenyi orukenyi tsawo tsa kufui ang'u tsa kuleshe;

YOBU 14:4

Nyiu echiidima iwuta kindo kicha kiwuke kiidi kya kindo kifanyi? Kuwode echiidima pfo.

YOBU 15:14

Mndu nyi kiki itane awa mwele? Ang'u ulya amfee nyi mndumka naidime iwa mcha?

YOBU 25:4

Kyasiang'u mndu nyi wuda echidima iwada wusumhanyi, oshangunyi lo Ruwa? Ang'u naidime iwa mndu chu amfee nyi mndu mka?

YOBU 9:2

“Ikyo na lohi da, kyaindi nyi wuda-mndu echiidima iwada wusumhanyi oshangunyi lo Ruwa?

SHIIMBO SHA DAWIDI 143:2

Manya kulaanduye mṟundi opfo, kyamba kopfo kuwode msa ai na moo awode wusumhanyipfo.

MFANANO 20:9

Nyiu echiidima ihamba, “Njisanjie mrima foko; Njii mwele na wunyamaṟi woko?”

KOHELETI 7:20

Kya lohi, kuwode mhendeli kunu wuyana sa ekewuta mecha kiheri kyose alawute wunyamaṟi malepfo.

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

YESAYA 64:6

Kipfa so lose lui cha mndu afanyi, na mawuto hadu hose hai cha nguo ifanyi ngafu; so lose luinaa cha maṟa na mawicho hadu hakaluwuta chandu otanu lokewiwita.

YEREMIA 2:35

Kyaindi na kulewehamba ke, ‘Inyi njiwode kita-pfo; kofia nyashi yake ihutsie kawenjida. Ambuya, njehenda kianduyonyi hamu na iyo,’ kipfa nuihamba, ‘Njilewuta wunyamṟi inyi-pfo.

WALEWI 13:12

Na kokoya sakayo ikamchea njonyinyi yake, na saka ikamdung'ana njonyinyi yose, wokia mdohu tane madendenyi, chandu mkohanyi awona;

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

WAROMA 3:10

Chando kuu-kuṟehye, “Kulaipfo ai mhoṟotsu manya umu.

WAROMA 3:23

Kyamba wandu wose wawenyamaṟie na iwuṟa wawewuṟye ngeela ya Ruwa.

1 WAKORINTO 3:18

Kulakae-pfo echikulemba amonyi. Kokoya kwiipfo konu akuwona amonyi ke aa mṟango na maindi ha kiwulalu, nakuwiie tondo nakuwutie-ho ihenda ṟanguo.

WAGALATIA 6:3

Cha kipfa ipfo kundo mndu aikumbwo ke amba mndu nao alai kindo lohi nyio akulemba amonyi.

1TIMOTEO 6:5

na masingano ha kitsitsi ha wandu wai wafurunjie mhie waiwasoke wukilohi, nyiwo wehamba ke wuindi wulya wowa woikapa nawo mbucha.

2TIMOTEO 3:13

Indi wandu walya wawicho na walembi wo wechiitika ihenda wichuo wechilemba wandu nawo wawenyi wai walembe.

YAKOBO 1:22

Na idedo lyo lii iwaye konyu lyo muliwade muwe watanyi wa idedo, mulakae weliadanya tupu mochikulemba muwenyi.

YAKOBO 1:26

Kokoya mndu ahamba ke ai menyi-wuindi nao alaapfinya olimi loke indi alemba ngoo yake, wuindi wu woke wukeri wo wulya.

YAKOBO 3:2

Kyamba so lose piu lokedeko kafoi. Kokoya kwipfo aladeko ili echideda ichu awei msoṟo msanze na kamu aidima yaapfinya na mbihu fose.

2PETRO 2:13

Wuṟundi wechikudaya nyi wusumhanye wumbafu wowo. Sia yawo nyi iwuta napata mfiri kui na sa ikyo kyose kya wuseṟeṟi wo wo kimbihu. Wo nyi walaala na wusutsu konu ili wechikaa nanyo ili wakeri ilya nanyo.

1YOHANE 1:10

Kokoya so lokehamba ke lulawenyamaṟye hando, nyi hondo lomtana o Ruwa mowongo na idedo lyake likeri nasopfo.

1YOHANE 1:6

Kokoya luhambie ke luwode kita nao, indi luhendekye hando hai meema nyi luihamba wongo na kilya kii lohi luikiwutapfo.

1YOHANE 2:4

Mndu kahamba, “Njimwichi,” na mawawaso halya hake alahahendelye, nyi ai mowongo, na kilya kii-lohi kikeri naopfo.

1YOHANE 4:20

Kokoya kwipfo mohamba, “Njikundi Ruwa”, nao asuo manomae, nyi mndu mowongo. Kipfa mndu ada alakunda manomae awonyo, eidima ikunda Ruwa alambonyi-pfo.

2YOHANE 1:2

Wawakundi kimaduma kya kii-lohi kii naso na ikaa kyechika naso mlungana.

3YOHANE 1:3

Kipfa ngamechihio mnu necha iliindi wanawawama walecha wakaṟingishya kya wuhendeli wopfo kya kii-lohi, chando iyo ukuwode na kilya kii-lohi.