1WATESALONYIKYE 4:9 - Bibilia Kui Mdedie fo Kimochi

⁹ Indi kilya mulawuṟie muhende iṟehio kyakyo nyi kikundana, cha kipfa nyo muwenyi mui wapfunde nyi Ruwa kya ikundana muwenyi na wenyi.

1WATESALONYIKYE 4:9 ပူးပေါင်းရင်းမြစ်များ

SHIIMBO SHA DAWIDI 133:1

Keambuya, chandu kii kicha, na kichihiṟie, washari wakae handu hamu, kui wumu.

YESAYA 51:13

Kohadima Mndumii, ichu alekuwika iyo, aleala ngina na iweha otende lo oruka; na iyo koowuo mfiri puti kipfa kya nyashi ya ichu mowonyia, ili akuṟeheṟie inyamaṟa; nyashi yake yewonyia yeeku?

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

YEREMIA 31:34

Ma kechiwa iloshana wehamba manya Mndumii-Ruwa pfo, kipfa wose watutu na wang'anyi wechinjimanya inyi Ruwa. Kipfa njechiwahoṟia madeko hawo, ma njechikumbuo se manyamaṟo hawo pfo.”

WALEWI 19:8

na icho molya nyamayo kimbaṟi naduo wuwicho woyo cha kipfa nateṟefutsa kindo kiele kya Ruwa Menyipfinya. Mnducho nechiletsano na wandu wake.”

MATAYO 22:39

Na lya kawi lifananyi nalyo nyi likeri li-ile, kunda odoo chando ukukundi moo fopfo kumonyi.

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

MAWUTO HA WASU 4:32

Na mfoheṟa ya waidiki walya wawei ngoo imu na mrima fumu. Nawo kulakae-ho ma umu kehamba shindo shilya awode nyi shake amonyi, kya indi wawewode shindo shose kyando.

WAROMA 12:10

Mkundana fonu fokundana fuwe fo wakanyi kamu, ngapano moira iwe yewikyana wuindi.

2 WAKORINTO 9:1

Imṟehia nyo kya kitarama kilya kyetarama waele walya lyo liwewa ikapa lya kawi.

WAFILIPI 3:15

Kyasia so lui waholotsi na iki luwe lochikihia. Kokoya kwipfo ma kingi muihiahia kyakyo na Ruwa echikimtambahaluya.

1WATESALONYIKYE 5:1

Indi kya maheri halya na mwaanya iya muwuṟye muhende iṟehyopfo.

WAEBRANIA 10:16

“Ilo nyilo owiko njechiwawikya mkonu iya iya yamsia”, nyi Mndumii ahambie, “Njechihomoya njowawaso tsako ipfo ngoon tsawo, na iṟehya njechitsiṟehya ipfo mhienyi yawo.

WAEBRANIA 13:1

Kaenyi mochikundana na wanawawama.

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

1PETRO 4:8

Ngoseṟa ya shingi shose kundanenyi nyo muwenyi na wenyi kui mrima fose. Mukuwade tsee kipfa ikunda li lishikye na mfeṟa fo manyamaṟo.

2PETRO 1:7

Na ipfo wupfudinyi muende-ho ikundana na wana wa wawama, na ipfo ikundanenyi na wanawawama muende-ho ikunda lilya ling'anyi.

1YOHANE 2:10

Mokikunda manomae awa mokaapfo senyi, na kilahutsa kilarianyi nao.

1YOHANE 3:11

Kyamba ndumi-ii momwicho wuka mawokyonyi nyi ikeri ii-le: Lukaundane luwenyi na wenyi!

1YOHANE 3:23

Na iwawaso lyake nyi lii-le ke luidikye rina lya Manoke Yesu Kristo luwekundana luwenyi na wenyi chando o ameluwawasya.

1YOHANE 4:21

Nalyo nyi iwawaso luwode liwukye ko Kristo, Mokunda Ruwa nawekunda na manomae.