1WATESALONYIKYE 4:3 - Bibilia Kui Mdedie fo Kimochi

³ Kipfa kilya Ruwa akundi nyi wuilishi wonu, mudiche wuṟuhui.

1WATESALONYIKYE 4:3 ပူးပေါင်းရင်းမြစ်များ

SHIIMBO SHA DAWIDI 143:10

Kenjilosha iwuta isho ukundi, kyamba nyi iyo ui Ruwa oko; Mumuyo fopfo mcha funjiteteṟe orukenyi lo lohi,

SHIIMBO SHA DAWIDI 40:8

Iwuta shilya ukundi, Hoi Ruwa oko, iyo sia yako; Ee mawawaso hapfo hai mrimenyi foko.

WALEWI 15:18

Mndu mkacho nao mndu msoṟo alaa nao kamshia maachi, wo wawawi wechisamba na mṟinga, nawo wechiteṟefuka tane kyukanyi.

MATAYO 12:50

Kipfa mowuta shechihia Wande kulya ruwehu, nyi-ong'u anjikerye manowama na mshiki ang'u wama.”

MATAYO 15:19

Cha kipfa ipfo kiidi kya mrima nyi kokedo-pfo mahio mawicho na wuwahi na mbonyi tsa iṟuhuya na tsa wulala na wuiwi na madedo ha wongo hewonya mndu owingo na shirumo.

MATAYO 5:32

Kyaindi inyi nyi ngambia ke, ‘Orio mndu molekana na mka oke kulawode kitewe kya isokombo, nyi amtana mokisokombo; na mndu kaalika ichu amde nyi aruhuya.’”

MATAYO 7:21

“Ma chi orio mndu ose monjiwia, ‘Mndumii Mndumii echiida wumanginyi wo Ruwapfo, shile nyi ichu mowuta shichihianyi na Wande o ifo ruwehu!’

MARIKO 3:35

Msa awuta shilya Ruwa akundi, nyio ai manowama oko na mshiki na wama.”

YOHANE 4:34

Yesu kawawia, kelya kyako nyi ihenda iwuta kilya kikundyo nyi ichu alenjiduma na inutsya iṟunda lyake.

YOHANE 7:17

Mndu akundi iṟunda shilya Ruwa akundi nyio echimanya kya mloshye yo yako kokoya nyi ipfo ko Ruwa iwukye ang'u kokoya nyi ngadeda kiwukye koko inyi njimonyi.

MAWUTO HA WASU 15:20

Kya indi luwaṟehye paruo yehamba, ke wakuletsane na isho sha ngafu shii shidambikye mafanano wawekuletsana na waṟuhui na shindo shi shiotsuo na samu.

MAWUTO HA WASU 15:29

Mukae mochilehana na shindo shii shidasye mfanano na samu na shindo shii shiotsuo na wuṟuhui. Mukakuima isho le nyi mowuta necha. Kekaeny na kipwo.”

MAWUTO HA WASU 20:32

“Kyasiang'u wulalu le ngamudambikyang'u Ruwa mukae wawanze nyi idedo lyo lya wutonga woke. Nyio Ruwa aidima imupfunga muwe mba na imwenenga kyoṟa kimu ipfo kundo wailishe wake wose walṟe.

MAWUTO HA WASU 26:18

Nowaambuṟe meso hawo, waindukye sa, wawuke wuitoṟinyi wo Satan wahalukye Ruwa, waambye mhoṟye fo manyamaṟo na iwada kyoṟa, kii kya walya wai wailishe kui mwidikye fonjiidikya inyi.’”

WAROMA 1:29

Wakaichuo wutahachi wo orio mbaṟi na wunyenyi na wuwahi na isohuo mondu na yoka mtambo na maupahapaha na maweweda.

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

WAROMA 6:22

Indi wulalu ili momeletso na wunyamaṟi mukatano masinga ha Ruwa; nyi muwode-ng'u kiira wulalu kimwendie iilisho na kiheṟi kyefurumia nyi moo fo mlungana.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

1 WAKORINTO 7:2

Kya indi kyeringa wuṟuhui orio mndu nawade mka oke amonyina orio mka nakae na mii oke amonyi.

2 WAKORINTO 12:21

Kulawone Ruwa oko echinjinyiṟa ipfo konu ili njechicha-se lingi njishike ililia wafoi wanyamaṟie kacha manya walamhenda shika yeweṟo kya mkuteṟefutsye na kya mameluka na kya wulala waweshitanye.

WAGALATIA 5:19

Mawuto ha kii nyama ho hamanyikye na pata chando hakeri. Naho hai cha iha, wuṟuhui, mbutie iterefutsye mrima, wukuwu.

WAEFESO 5:17

Nkyo kimaduma mulawe cha ili mui wadumbwo mdo, kya indi muidikyane na kilya Mndumii akundi.

WAEFESO 6:6

Mulakae na wuindi woringa meso ha mndu cha ili mokunda ichihiana na wandu, indi cha masinga ha Kristo mochiwuta kui mrima kilya Ruwa akundi.

WAKOLOSE 1:9

Nkyo kitewe wokia mkonu luleicho naso luimterewya kitsitsi lochiomba kundu Ruwa namuinenge wuṟango wose wo kilya akundi, namuichuṟe osaṟe na wuṟango wo Mumuyo foke.

WAKOLOSE 3:5

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

WAKOLOSE 4:12

Odoyanu Epafra amwiṟikiṟa ai o konu, na isinga lya Kristo Yesu echimkapanya nyo kiheri kyose ipfo shiterewonyi shake kundu muhoṟoke-ho mutimie mui wawanzie orio kindo Ruwa akundi kyose.

1WATESALONYIKYE 4:2

Nanyo muichi mawawaso lulemwenenga na mweke fo Mndumii Yesu nyi maki.

1WATESALONYIKYE 4:4

Orio mndu onu namanye ikuwonya iṟahembe lyake kui wuilishi na wuindi.

1WATESALONYIKYE 5:18

Muwike-ho mwaano kya shindo shose. Kyamba nyi iki Ruwa akundi kiwiko nyo kui Yesu Kristo.

1WATESALONYIKYE 5:23

Nao Ruwa menyi ofoṟo amonyi namuilishe wuilishi wuchie wose. Na mumuyo fonu fuawukie na mrima na mbihu ilawade pari ikae mbedienyi yewedya iwuya lya Mndumii odu Yesu Kristo.

2WATESALONYIKYE 2:13

Indi kyalukoya so iana Ruwa kiheri kyose kimaduma kyanu, nyo wanawawama mui wakunde nyi Mndumii, kyamba Ruwa alemsambuṟa nyo wokia mawokyonyi mukiṟo mochiilisho nyi Mumuyo muwe wandu muidikyo kii-lohi kilya.

TITO 2:14

Nyio alekudambika amonyi hando hadu, kundu naluletse na msefu fo mrima fose nakuhaṟamishie mkambo fui foke amonyi fuiaaka iwuta mawuto mecha.

WAEBRANIA 10:36

Nyi muwuṟie ikaa na mrima msanze kundu muhende iduo kilya kii kiteṟye mukamaa iwuta kilya Ruwa akundi.

WAEBRANIA 12:16

Kulakae-pfo ai mndu o melumelu ang'u mndu mtaicho cha Esau alekumba wuwee woke kya kilayo kimu.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

1PETRO 1:2

Kui kyama kya Ruwa Wande kiwesongoe kilemnenga kamusambuṟa moilisho nyi Mumuyo Mwele kyemwidikishya Yesu Kristo na imwolya samu yake. Wutonga na ofoṟo shimuwelukie welu.

1PETRO 4:2

Nkyo kimwenenge mulakikapye-se moo kui wuitiki wo lango tsa ki-wandu, kya indi muwe mofukapya kui wuitiki wo kilya Ruwa akundi matika-ha hamtsuhae.

1YOHANE 2:17

Indi wuyana-wu wochisia na lango tsawo daa. Indi ichu awa mowuta iki Ruwa akundi o echikaa mlungana.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.