1WATESALONYIKYE 4:1 - Bibilia Kui Mdedie fo Kimochi

¹ Iki kyamsia, wanawawama, luimterewa na imwikimba kui Mndumii Yesu kundu muitike ichumia mochihenda mbele chando muleambya kiwewukye kodu kiimtutumya mchumie ichihianyi na Ruwa, nanyo na muichumia mudo.

1WATESALONYIKYE 4:1 ပူးပေါင်းရင်းမြစ်များ

2MBONYI TSA MAHERI 17:4

Naleshiha Ruwa o ndeye, na iindia mawawaso hake, ma aleosha mawuto ha wandu wa Israeli pfo.

YOBU 17:9

Indi mndu o lohi nechichumia njienyi tsake, na awode mecha neengeṟa iwada pfinya.

SHIIMBO SHA DAWIDI 92:14

Wechikumbia ndunda tane kiheri kya wuku, wechiwada poru na ing'ana necha.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

YOHANE 15:2

Orio iṟamba lipaṟikye koko likada lilawika ndunda lyo alirawuyaho. Na ili lii-pfo lyose liwika ndunda lyo alitasana liengeṟe iwika ndunda.

MAWUTO HA WASU 20:27

Kyamba njilekushowa nde ndamwongoya kya chila ya Ruwa yosepfo.

WAROMA 8:8

Indi iwo wakukerye-ho mkao ya nyama waidima ichihiana na Ruwapfo.

1 WAKORINTO 11:23

Kyamba nyio Mndumii amenjienenga imanya shilya njilemmaa imudambikya nyo, nasho shii shidi, ke Mndumii odu Yesu kio kilya aleṟingyo nyi alewada mkate.

1 WAKORINTO 15:1

Indi ngamkumbuṟa, lanye wanawawama, ndumi ya sia ya okiio ndemuongoya nyiyo muleiambya mukuilikye nayo.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 10:1

Nao inyi Paulo ili njiimhambe wai ke ipfo oshangunyi njimkerye mmamiri indi ngamuwia ngolohoda ngamshika aleshe, nyi njikuwode na wuhoo na wuwongoya wo Kristo njemtutuma.

2 WAKORINTO 13:11

Kyefurumya, wanawawama, kaenyi-pfo na sia, mukunde iikimbo, muwe mochikumbuo kilya kimu, mukae na ofoṟo, nao Ruwa menyi ikunda na ofoṟo echikaa hamu nanyo.

2 WAKORINTO 5:9

Nkyo kimaduma imchihiṟa o ma lui na kikaya ma lulai na kikaya lyo lulikutanya kiṟumi.

2 WAKORINTO 6:1

Indi ili lukeri wa kyando-ki nyi lomututuma, ma mulawone mochiambya wutonga wo Ruwa kya wulya.

WAGALATIA 6:1

Wanawawama, kokoya kwipfo sa arendemka kaho, kembihiṟyenyi kambenyi kui mumuyo mwoloṟu nyo mui wenyi Mumuyo. Kekuṟise-wo kulawone ochitewo kumonyi.

WAEFESO 4:1

Na wulalu inyi ili njii mpfunge kipfa kya iṟundia Mndumii ngamwikimba ke muchumie mchumie fusumhanye ndaho i mui walahye.

WAEFESO 4:20

Indi chi wudo mui wapfunde Kristo-pfo,

WAEFESO 5:17

Nkyo kimaduma mulawe cha ili mui wadumbwo mdo, kya indi muidikyane na kilya Mndumii akundi.

WAFILIPI 1:27

Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

WAFILIPI 1:9

Na kindo njiimterewya na iki tupu ke, kunda lyanu lihende ifeṟyo mwengeṟya fo wulaanyi fo orio mtambahaluye fose.

WAFILIPI 3:14

Njikambia njekuṟungamisha wowinza wulya wo ndaho iya iwukie ipfo huye ikeri ya Ruwa kui Kristo Yesu.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAKOLOSE 2:6

Na wulalu chando muleambya Kristo Yesu Mndumii muhendeke mukuwode nao.

1WATESALONYIKYE 3:12

Na Mndumii namwengeṟye kikunda kyekundana muwenyi na wenyi na ikunda wose nakifeṟe mnu kimu na kilya so lumkundi na kyo.

1WATESALONYIKYE 4:2

Nanyo muichi mawawaso lulemwenenga na mweke fo Mndumii Yesu nyi maki.

1WATESALONYIKYE 5:12

Indi lomterewa, wanawawama, ke manyenyi iwa waimuwinya nyo na iwukaya kui Mndumii na imtutuma.

2WATESALONYIKYE 1:3

Wanawawama, nyi kiluwaṟi iana Ruwa kiheri kyose kipfa kyanu. Na wudo kisumhanyi kipfa kya wuidiki wu wonu wong'ana mnu na kikunda kilya mukundanyi nakyo kikaingiki mnu kya orio mndu onu mose.

2WATESALONYIKYE 2:1

Lomterewa nyo, wanawawama, kya icha lya Mndumii odu Yesu Kristo na kyadu so ikuwumbya handu hamu nao.

2WATESALONYIKYE 3:1

Luterewienyi ko Ruwa Lyefurumia, wanawawama, keluterewyenyi kundu dedo lya Mndumii lidungane na iambio liweindyo cha ipfo konu.

2WATESALONYIKYE 3:13

Indi nyo, wanawawama, mulalemo iṟunda mecha.

1TIMOTEO 5:21

Ngakututuma na kamu njii oshangunyi lo Ruwa na lo Kristo Yesu na lo wasu waele wasambuṟe ke uringe ishi kulawone kosuya mndu ma kulawute kindo ochikundia mndu.

2TIMOTEO 4:1

Ngakuwawasa oshangunyi lo Ruwa na lo Kristo Yesu moanduya walya wai na moo na walya wapfie, ngaṟingishia ishi shiwi ke nyi echikuloṟa amonyi ai na Mangi.

WAEBRANIA 11:6

Indi kundo kulawode wuidiki koidima ichihianapfo. Kyamba kiwaṟi mndu motikirya Ruwa nawe mwidiki moidikya ke o aiho na walya waimpfula nyi echiwasumba.

WAEBRANIA 13:16

Indi mulahadime ilekia na ihawya wengi, kyamba njodambiko tsa mbaṟi ii tsichihiṟye Ruwa.

WAEBRANIA 13:22

Indi ngamtutuma nyo wana wa wama ke ambyenyi necha idedo li lya wuikimbi, kyamba njilemṟehya nyo njido ngamdumbuo owinyi.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

1YOHANE 3:22

Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.