1WATESALONYIKYE 3:3 - Bibilia Kui Mdedie fo Kimochi

³ Kulawone kochiwoneka afafaa shiwirenyi ishi. Kipfa nyo muwenyi muichi ke luiwawike kya ikyo.

1WATESALONYIKYE 3:3 ပူးပေါင်းရင်းမြစ်များ

YOBU 23:14

Kipfa o nechiinutsia kilya kiteseheṟe; kake, mbonyi tsifoi cha itso tsii kimu nao.

SHIIMBO SHA DAWIDI 112:6

Kyamba echiwutoho manyalepfo; awode wukiilohi nechisendo mlungana.

LUKA 21:12

Kyaindi kuwooka, isho shose shilameshika, nyi wechimuitsa kiterengionyi wamukape na imufuna, wawemduo masinagogenyi na mengenyi, wamuhoṟotse oshangunyi lo wamangi na lo wachili waitoṟi, nakyo nyi kipfa kya rina lyako.

YOHANE 16:2

Wandu nyi wechimbuta siṟinyi yawo ipfo masinagoginyi hawo. Ee da, kushikye kiheri na orio mndu amuwaha nahambe ke nyi awuta ado kindo kichihianyi na Ruwa.

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

MAWUTO HA WASU 2:25

Kyamba Dawidi amsenda kehamba kyake, ‘Njiwonyi Mndumii oshangunyi loko mkonu yose, kyamba ai awokonyi loko lo kulyo njilasingide.

MAWUTO HA WASU 21:11

Kaluchea so kawada ngometa ya Paulo kakupfunga nayo amonyi madende ho na mawoko ho kahamba, “Mumuyo Mwele ahamba adi, mndu menyi ngometa ii Wayuda nyi wudong'u wechimpfunga ipfo Yerusalemu na imdambika mawokonyi ha wandu wa mbaṟi njihenu.”

MAWUTO HA WASU 21:13

Paulo kahaluo, “Muiwika muda, ifuha na injifunya ngoo? Kyamba inyi njikuteseheṟye kya ipfungo na njiwekuṟeheṟye ma ihenda iwoho kyewikya rina lya Mndumii Yesu wuindi.”

MAWUTO HA WASU 9:16

Kyamba njechikaa njimloṟe shilya shimwendye nahende iwawiṟo kimaduma kya rina lyako chando kimbaṟi ishiwona shose.”

WAROMA 5:3

Ma chi kya ikyo tupupfo, kya indi lui wakesi ipfo shiwirenyi kipfa nyi luichi shiwira shekeende ikuhoda.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

1 WAKORINTO 4:9

Kyamba ngahamba ke Ruwa alutanye so wasu luwe wandu wakinga numa luwe wepfa lukamewiia wuyana ṟiho lyeṟihisha wamalaika na wandu.

WAEFESO 3:13

Ikyo nyikyo ngaterewa mulahende iwichuyo kipfa kya shiwira shako ngalisyo kipfa kyanu, nasho shikeri imwendye kiṟumi.

WAFILIPI 1:28

Ma mulawone mochiowesho nyi wakituwa ma kindo ma kihya. Nakyo nyi kyo kyawawiia kichano kya odetso kiwembiia nyo kyo okiio, na wudo kii-kiwike nyi Ruwa.

WAKOLOSE 1:23

Kimuwaṟi nyo ikaa mukuwode tupu wuidikinyi mukuilikie-ho mui na kidembo kiwanzi mulechiwa iteshuo ipfo owedionyi lo Ndumi ya Sia, ii momwicho iwemwongoyo mbika iikeri shi ya ruwehu yose; na inyi Paulo ngamba mṟundi o Ndumi ya Sia.

1WATESALONYIKYE 5:9

Kipfa Ruwa aleluteseheṟya nyashipfo kya indi kundu lukuwade na okiio kui Mndumii odu Yesu Kristo.

2WATESALONYIKYE 1:4

Nakyo kyaenenga so lokuṟumisha kipfa kyanu ipfo siṟinyi tsa Ruwa kya otirisi lonu na wuidiki wo ipfo shiterengyonyi shanu shose na shiwirenyi shilya mulekukarishia kyasho.

2TIMOTEO 1:8

Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

1PETRO 2:21

Isho nsho muiwalahie; kipfa nao Kristo alewawiṟo kipfa kyanu kamdea mtaato mpfunge kundu muoshe njayo tsake.

OTAMBAHALUO LO YOHANE 2:10

Ma kulaowuo manyale ishi shekuendie iwawyo. Ambuya! Mbicho ulya nakundi ikumba wanu-ho maata kipfungonyi kundu muhende ihesho. Nanyo mochihenda iliso wukiwa mfiri ikumi. Wenyi wahendeli mtaane mopfa na inyi njechimuinenga aambo lya moo.

OTAMBAHALUO LO YOHANE 2:13

Njiichi handu okekaa, nyi alya kidembonyi kya Satana. Kya indi iyo ukuwodie na rina lyako kowekaa kulawekana wuidiki wonjiidikya ma ilindi Antipa, mringishi oko sa mhendeli aleshika iwoho ipfo kidembonyi kya Satana.