1WATESALONYIKYE 2:9 - Bibilia Kui Mdedie fo Kimochi

⁹ Kekumbuonyi-ng'u-wo ngatara tsadu na wawina, wanawawama. Luweiṟunda kio na mfiri, kundu lulawewona lochirohya ma umu onu iliindi luwemwongoya ndumi ya sia ya okiio iya ya Ruwa.

1WATESALONYIKYE 2:9 ပူးပေါင်းရင်းမြစ်များ

2WAMANGI 6:2

Kyasia loterewa luhende mṟasa Yordani, orio mndu naende ikidi limu, luteseheṟe handu hekaa.” Elisha kahaluo “Hendenyi.”

NEHEMIA 5:15

Wanene walenjisongoya wawei mhanda mlemeri ko wandu kyamba nyi wawekewawesa shelya na mvinyo, wakawewawesa wawatae fesa tsilemeri tsiwode shekeli makumi haana (40) tsa fesa. Waṟundi wawo wakawewonyia wandu. Kya indi inyi njilewuta njidopfo, kyamba nyi njiweowoye Mndumii-Ruwa.

NEHEMIA 5:18

Kundu wandu wa waidime ihuda nyi njiwekeshinjio ipung'a limu na suwa tsiṟandaṟu handu hamu na nguku. Orio mfiri fo ikumi nyi njiwekewuta shisoṟo shifoi sha mvinyo. Kyamba wandu wa nyi wawekudikie mhanda mlemeri mnu njilewawesa ngoseṟa ya ishi pfo.

SHIIMBO SHA DAWIDI 32:4

Kipfa mfiri na kio; owoko lopfo lulenjiwiia lulemeri. Mbiṟuko foko fukaumia ngawa Cha teri njiumu kiheri kya kwari.

SHIIMBO SHA DAWIDI 88:1

Eewo Mndumii, Ruwa o okiṟo loko, mfiri na kio njilekufihiṟia oshangunyi lopfo.

MFANANO 31:18

Nekeambuya mbucha yake kokoya na iwode kiira, Ekerumisha taa yake ilyi kio-pfo.

YEREMIA 9:1

Kima mdo foko fuwechiwa ṟungu lya mṟinga, na meso hako hakawa soka ya mchenyeṟe, kundu njiidime ifihiṟa mfiri na kio, kipfa kya walya walewoho, wai wandu wako.

LUKA 18:7

Aka Ruwa awechidumbuo mondu fo iwo awasambuṟie, iwo wekemfuhia mfiri na kio? A ngesa nyi echiwawetesa?

LUKA 2:37

Kawekaa-se ai mkusu itane ashitsa maka makumi nyanya na iina, nao alawekelekana ipfo hekalunyi; kahenda kewuta shindo sha Ruwa tupu kekuotoya na iterewa kio na mfiri.

MAWUTO HA WASU 18:3

Nawo nao ili wupfuru wowo wuwei wumu kakaa kowo wechiṟunda handu hamu. Kyamba wei waarya wesungusia mahema.

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

MAWUTO HA WASU 20:31

Nkyo kimaduma kelaenying'u dembo na itamwo mbekutamuya chando njileikimba orio mndu chandu mukeri ose njechimutonyitsya mchenyeṟe ngamaa maka iṟaṟu kio na mfiri njilalekane-ho.

WAROMA 1:1

Nyio inyi Paulo njii isinga lya Yesu Kristo msu msambuṟe nji-mdahuye Ndumi ya Ruwa ya Sia ya okiio.

WAROMA 15:16

Mumanye ke inyi njii mwongoi o Kristo Yesu a-mdume ko mkambo ya wandu mhenu njiwe mowoongoya Ndumi ya Sia ya Ruwa ya okiio, kundu wa mbaṟi tsingi tsa wandu wawe odambiko luchihianyi na Ruwa lui-uheṟemtse nyi Mumuyo Mwele.

WAROMA 15:19

Kikawa kui pfinya ya shichano na maṟiho shiweiwiko nyi Mumuyo Mwele, fo Ruwa. Kui ichumia lyako orio handu, wokia Yerusalemu ngashika Iliriko, ngaonguo Ndumi ya Sia ya Kristo kui Wusalari.

1 WAKORINTO 4:12

Luiwina lochiluya moo kui maṟunda ha mawoko hadu luwenyi. Hando lohenda irumo nyi lowika-ho ona, hando lohenda iterengyo nyi lokutirisia.

1 WAKORINTO 9:15

Indi inyi njiwekutambye na pfinya i ma kya kimupfo. Manya chi ngaṟehya isho kundu kinyiwiie kidi inyipfo. Nanga njikupfie! Kuwode mndu ma kawa wu echifurunja kiṟumi kyakopfo.

1 WAKORINTO 9:18

Ngashika oo woṟunda woko nyi wo iki? Nyiwo iwu, ke ili nyonguo ngalekya ndumi ya sia ya okiio njilatao, ndawese-ho kilya kimsumhanye kya kiheo kya ndumi ya sia yo.

1 WAKORINTO 9:4

Alae chi lui na pfinya yehenda ilya na inyo?

2 WAKORINTO 11:27

Njiwei mfoye m maṟunda na mawina njewelaa dembo kafoi, njiwewodo n njaa na nyoda, njiwekuotoya keengi njiwei mrohye m mbeo na iwuṟa maṟao.

2 WAKORINTO 11:9

Na mandi mbekeri konu njiwewuṟye njilawelemeṟa mndu. Kyamba iwuṟa lyako wanawawama walya wachee Makedonyia waleliichuṟa wakamaa. Kya shindo shose nyi njilekuṟisa njilamlemeṟe ma kitutu na njechikuṟisase.

2 WAKORINTO 6:5

Kiwe luikapo, kiwe luipfungo, kiwe lui maponganonyi, kiwe lui shifotsyonyi, kiwe lulaa dembo kiwe lukuotoya.

WAFILIPI 4:16

Na lyandi njiwei ipfo Tesalonyikye mulenjidikya tseluya moo ma limu na kawi lang'u?

1WATESALONYIKYE 1:3

Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo.

1WATESALONYIKYE 2:2

Indi ili luwemewawiṟo na ituro ipfo Filipi chando muichi lukawekukahaṟa na Ruwa chu odu luwehenda ihamba ipfo konu ndumi ya sia ya okiio na ngapano ing'anyi.

1WATESALONYIKYE 2:6

Manya lulelalakya kiṟumi kiwukye wandunyipfo, ma kya konu ma kya ko wengipfo.

1WATESALONYIKYE 3:10

Lukaeri iterewa kio na mfiri lochiwika matu matu kundu luwone oshangu lonu na imarisa wuidiki wu wonu hando wowuṟa-se mwengeṟia.

1TIMOTEO 1:11

na kya kingi-se kyose iki kikeri ikapana na kiloshyo kyechiṟa mrima kisumhanye ndumi ya okiio iwukie wuitoṟinyi wo Ruwa ichu menyi sia, nayo njileiwawasyo.

1TIMOTEO 4:10

Nalyo lyaluenenga lokuwinyisha loira-ho ngapano kipfa lokusirya na Ruwa chu menyi moo ai mkiṟi o wandu wose, kya ngoseṟa o walya wamwidikye.

1TIMOTEO 5:5

Indi ichu ai mka mkusu o lohi aimdee amonyi o akusirie na Ruwa echitsinda shiterewionyi na shifuhionyi kio na mfiri.

2TIMOTEO 1:3

Ngaana Ruwa ichu njiweimfuṟukanya na mrima fuwode ngo tsiharami chandu waku wako walerunda njekyeana Ruwa ili njiikusenda iyo shiterewyonyi shako mfiri na kio.