1WATESALONYIKYE 2:4 - Bibilia Kui Mdedie fo Kimochi

⁴ Kya indi chando lulekundo nyi Ruwa naludambikye ndumi ya sia ya okiio nyi wudo luideda, chi kundu luwe lochichiana na wandu indi na Ruwa ichu ametunga ngoo tsadu.

1WATESALONYIKYE 2:4 ပူးပေါင်းရင်းမြစ်များ

1WAMANGI 8:39

Kyasia uadanyie ipfo kopfo ruwehu, nohooṟie na ilekia, uwewawutia orio mndu chandu kimbaṟi (kipfa nyi iyo kumonyi uichi mahio ha mrima ya wandu wose)

2WAMANGI 16:16

Na Uria kaosha iwawaso lilya lya Mangi.

1MBONYI TSA MAHERI 29:17

Njiichi Ruwa oko ke iyo nokeṟisa mrima ya wandu, na nokechihiṟo nyi mrima mheṟemtsu; Ko wuhendeli wo mrima foko ngakuwutia shindoshi shose; na wulalu ngamewona ke wandu wa wose wakuwutia walaiwaitike na ko sia ing'anyi.

SHIIMBO SHA DAWIDI 139:23

Hoi Ruwa, kenjitiichia, nomanye ngoo yako, unjiheshe, nomanye mahio hako;

SHIIMBO SHA DAWIDI 17:3

Nyi ulehesha ngoo yako; ulenjichea kio; Omenjitiichia kulawone kidedo Njikuteseheṟye dumbu lyako lilaashe.

SHIIMBO SHA DAWIDI 44:21

Ngesa Ruwa echiambuya idedo-lyo? Kipfa nyio aichi shiṟikenyi sha mrima.

SHIIMBO SHA DAWIDI 7:9

Wuwicho wo walai na wukiilohi wutsitse, Indi uhoṟotse menyi wukiilohi. Kipfa mohesha mrima ya wandu na shitsi Nyi Ruwa menyi wusumhanyi.

MFANANO 17:3

Modo ko fesa na okaa ko sahapu; Indi Mndumii nekehesha ngoo tsa wandu.

YEREMIA 17:10

Inyi Mndumii njekeṟisa mrima ngawehesha pfinya, tsa mbihu ngaweinenga orio mndu, ohawi lo njia tsake na kiheo kya mawuto hake.

YEREMIA 32:19

Iyo nokesaya kwi wuṟango na nyi okewuta ṟiho; njia tsa wandu tsi kitaṟe oshangunyi lopfo, noketaa orio mndu kihianyi na mawuto hake.

MAITALA 27:16

“Hoi Mndumii-Ruwa, Ruwa ui menyi moo ya wandu wose, ngakuterewa nosambuṟe mndu mohoṟokia mamiingifu fose,

LUKA 12:42

Mndumii kahamba, “A nyiu ichu mokalia kanyi awei mwidiki mṟango, mndumii oke awemhaluye mnene o waṟundi wake, nawe mowahawia kando ili kiheri kyashika?

LUKA 16:11

Na ichu atahacha kindo sa kitutu, nechiwa motahacha na kindo king'anyi?

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

WAROMA 8:27

Indi msa motichya ngoo tsa wandu nyio sa aichi chuṟe tsa Mumuyo ai moterewya wandu wa Ruwa akundi.

1 WAKORINTO 7:25

Kya marokya kyo njiwode iwawaso lya Mndumii-pfo, indi ngahamba mhie yako njii mtane mhendeli kui isaṟia lya Mndumii.

1 WAKORINTO 9:17

Cha kipfa ngatana iki kui ikunda lyako njiwode woṟunda woko. Kokoya kilai nyi ikunda lyako, kya indi wukaṟa wu na njimdambikye.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

2 WAKORINTO 5:11

Kyasia ili luichi wowu wo yowuo Mndumii nyi lokeisima wandu indi Ruwa nyio luimtambahalukya na kamu; indi njikusihye ke nyi lutambahalukye na konu mrimenyi ipfo kundo ngo tsa mrimenyi tsi njiilikishe.

2 WAKORINTO 5:16

Nkyo kyanenga wokia wulalu lukiichi mndu kui nyama tsake ma kawa upfo. Ma kikawa so luweichi Kristo kui nyama tsake, kya indi wulalu lulakimwichise ludi.

WAGALATIA 1:10

A ngadeda iki kyekulopa na wandu ang'u Ruwa ngesa? Njiwelanga ikukundishya wandu? Kima njiweikukundisha wandu njiwekikaa-se mṟundi o Kristo-pfo.

WAGALATIA 2:7

Kya indi ili wawewonyi ke inyi njimdambikye ndumi ya sia ya okiio kya walya walaiwadine-cha Petro kya walya wai wadine.

WAEFESO 3:8

Inyi njii mtutu o wandu wose wa Ruwa. Indi njimwinenge wutonga wu woongoya wa mkambo ingi Ndumi ya Sia ya wusuṟi wo Kristo iwu wulawa itumo,

WAEFESO 6:6

Mulakae na wuindi woringa meso ha mndu cha ili mokunda ichihiana na wandu, indi cha masinga ha Kristo mochiwuta kui mrima kilya Ruwa akundi.

WAKOLOSE 3:22

Nyo masinga, idikyenyi wanene wanu iya wuyana kya shindo shose, chi kui wuindi wo oshangu kya ichiana na wandu-pfo, kya indi kui ngoo yose mochiowuo Mndumii.

1TIMOTEO 6:20

Hoi Timoteo, ringa kilya ulekidambikyo, dicha sumu tsa msaṟakambo tsa melemele na maambikyano ha wulaanyi wulya wuisendo wulaanyi wongo.

2TIMOTEO 1:14

Kilya kicha ulemsumbo kewekiringe-wo necha kui pfinya ya Mumuyo Mwele ichu ai kiidi kyadu.

2TIMOTEO 2:2

Ambia kiloshio kilya uleicho koko oshangunyi lo wangochi wafoi sho ualie wandu waidikye iwa wasumuhanyi sa wechiidima ilosha wengi.

TITO 1:3

Kya indi matika halya haweshikie nyi alemanyisha idedo lyake kui mwongoye njiimdambikye inyi na wuitiki wo iwawasa lya mletsi odu Ruwa.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

1PETRO 4:11

Kuwode modeda lyo liwe lya mbiia tsa Ruwa, kuwode mopfuṟukanya lyo liwe lyechiwutika kui pfinya ii injiende nyi Ruwa, kundu Ruwa nakuwutie-ho iṟumisho na ishi shose kui Yesu Kristo. O ai menyi wuitoṟi na wukolonyi wochikaa mlungana! Amenyi.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.