1WATESALONYIKYE 1:3 - Bibilia Kui Mdedie fo Kimochi

³ Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo.

1WATESALONYIKYE 1:3 ပူးပေါင်းရင်းမြစ်များ

MAWOOKIONYI 29:20

Yakobo kaṟunda maaka mfungade kundu nainengo Raheli. Koke kikawa cha nyi mkonu njiangu tupu kipfa kya ili awemkundi.

KOHELETI 2:26

Kipfa Ruwa nekeinenga ulya amchihiṟie wuṟango, wulaanyi na sia; indi mdeko nekemneenga wukiwa, kasanyia na iwika kikumbinyi kundu nainenge ichu Ruwa amteseheṟiye. Isho nasho nyi wulya na maai.

SHIIMBO SHA SOLOMONI 8:7

Mṟinga fufoi fochiidima irumisha modo fo ikunda pfo, ma meda yechiidima ifusoṟowitsia pfo; kokoya mndu awechiwuta handu ha ikunda masaa hose ha kanyi koke, Nawechimino piu.

YOHANE 14:15

"Kokoya monjikunda nyi mochiwada mawawaso ho hako.

YOHANE 15:10

Kokoya moringa mawawaso ho hako nalyong'u mochikaa mukuwode na ikunda lyo lyako. Chando na inyi njileringa mawawaso ha Wande chu oko ngawekaa njikuwode na ikunda lyo lyake.

MAWUTO HA WASU 10:31

kanjiwia, ‘Kornelio, shiterewo shapfo shamhenda yadanyo na shilekio shapfo shamekumbuyo ipfo oshangunyi lo Ruwa.

MAWUTO HA WASU 3:19

Dumbuyenyi muilachike mrima yanu kundu njonyamaṟo tsanu tsiwuto-ho.

WAROMA 12:12

Ipfo kikusihyonyi kyanu mbechihio, ipfo shiwirenyi mukuhode, ipfo wuindinyi woiterewa mukae-pfo kiheri kyose.

WAROMA 15:13

Nao Ruwa-chu mokusihyo adi nawe mombonya nyo mfeṟa fo orio msiha fose na ofoṟo shirianyi na mwidikye fomwidikya kundu mukusuṟye necha mui na mkusihye kui pfinya ya Mumuyo Mwele.

WAROMA 15:4

Kyamba shilya shileṟehyo mbooko nyi shilemmaa iṟehyo shelulosha-so, kundu lukuwutye ikaa lochikusihya ipfo kundo mṟeho-yo ihambye ikukarishya lya waidiki wa kacha yechiluwihiṟya nalyo moo.

WAROMA 16:26

Indi kikahenda imanyisho kiheri kya wulalu na mweeke fo Mṟeho iya ya waikimbi, kui iwawasa lya Ruwa-chu o mlungana lyewawusa yanguya wuidiki madu, iwu wuu-wuṟingishye mkambo mhenu yose.

WAROMA 16:6

Munjiiṟikiṟye Maria icho alekuwinyisha mnu kelupfuṟukanya.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

1 WAKORINTO 13:13

Na wulalu mwidikye na mukundie na mbedie, isho shiṟaṟu nasho shechikaa. Kya indi mkundie nafo fung'anyi kiidi kyasho.

1 WAKORINTO 15:58

Nkyo kimwenenge, wanawawama mui wakunde, mukae mui wawanzi mulechisingida, muitike itana kyando kya Mndumii kui mwengeṟya mfiri yose ochimanya owino lonu lulai lo maai mukukerye Mndumii-hu.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

WAGALATIA 1:4

Nyio ichu alekudambika opfunyi amonyi kya manyamaṟo hadu kundu naluturuchwo iya iwuyana ili liwicho lidi lya kiwulalu ilyo likeri ihenda. Ekiwutye adi kyeidikyana na kiteṟyo kya Ruwa odu Wande.

WAGALATIA 5:13

Nyo mui walahe kundu mochikuachia muwenyi, wanawawama. Ikuachia lyo manya lilawe lyewikya mbaṟi ya kii nyama pfinya, kya indi muhoneryane muwenyi na wenyi mochikundana.

WAGALATIA 5:6

Cha kipfa ipfo Kristo-hu mbikye fochiapfinya-ho chi ifu fo mndu kokoya ai mdine ang'u alai mdinepfo, indi nyi ifu fo wuidiki wokusirya na Kristo wochikuhamba kui makundano.

WAGALATIA 6:9

Kyasia luhende iwuta kilya kii kicha lulalemo. Lukaakaa ludo lulawuya numa naso na lochikusambuya kii kyadu ilindi matika halya ha mateṟye heshika iwoneka.

1WATESALONYIKYE 3:6

Na wulalu ili Timoteo amcha kodu ewuka konu kaweluchihiṟa eluongoya wuidiki wulya wonu na kikunda kilya na mkumbuye mcha muwode fo ilukumbuo so kiheri kyose, mui na macha heluwona so chando na so luwodo nyi hanu.

2WATESALONYIKYE 1:11

Nakyo nyikyo kimaduma luimterewya kiheri kyose. Kundu Ruwa odu namsumhantsie ndaho ii naweawutsya chila yose ya wucha na iṟunda lya wuidiki kui pfinya.

2WATESALONYIKYE 1:3

Wanawawama, nyi kiluwaṟi iana Ruwa kiheri kyose kipfa kyanu. Na wudo kisumhanyi kipfa kya wuidiki wu wonu wong'ana mnu na kikunda kilya mukundanyi nakyo kikaingiki mnu kya orio mndu onu mose.

1TIMOTEO 1:14

Indi wutonga wo Mndumii odu wulefo mnu kui wuidiki na kui kunda lilya likeri Kristo-hu Yesu.

1TIMOTEO 2:3

Ikyo kii kicha kyeidikya ipfo ko Ruwa mkiṟi odu.

WAEBRANIA 10:36

Nyi muwuṟie ikaa na mrima msanze kundu muhende iduo kilya kii kiteṟye mukamaa iwuta kilya Ruwa akundi.

WAEBRANIA 11:17

Nyi wuidiki wukaenenga Abrahamu aleshika idasa Isaki ilindi aweihesho kadambikya-ho ichu oke kimumu mfi. Nao nyi awei mteṟye shiteṟyo shilya.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

WAEBRANIA 4:11

Nakyo kiluitike luwinye ikuangya ipfo hando kuwode olele lulya, kundu ma kulakae-ho echihutso nyi kitewe kya wulemi wulya.

WAEBRANIA 6:15

Nao kakutirisia ado kashika ikoya kyasa kilya kyaawutsyo.

1PETRO 3:4

Kya indi wuwe wo mndu o mrima achia ora lo kya mba aṟee wuchopi wu wulechisia wo mumuyo mhoo fupfudie, nyifo fui na kiweṟe oshangunyi lo Ruwa.

1YOHANE 3:18

Wana wako, lulakundane kui dedo ma kui olimi, kya indi lukundane kui mawuto na kui kii-lohi.

1YOHANE 3:21

Wakunde wako, kokoya ngoo ilalusesa lui na wulalutsu oshangunyi lo Ruwa.

1YOHANE 3:3

Na orio ose akuwode nao kui owedi-lu nyi aikuilisha amonyi naile chando Kristo amwili weṟu.

1YOHANE 5:3

Kipfa ikunda Ruwa lii-pfo ipfo kundo luihendelya mawawaso hake. Na mawawaso hake hai malemeripfo.

OTAMBAHALUO LO YOHANE 2:19

Njiichi mawuta hapfo hose na mkundie fopfo, na mwidikye na mpfuṟukanye na mkukarishie, fopfo. Njiweichi na mawuta hapfo ha wulalu hamecha kota halya ha kuwoka.

OTAMBAHALUO LO YOHANE 3:10

Kyamba iyo uleringa na iwawaso lyako lya ikutirisia, na inyi njechikuiṟicha necha saa iya ya kihesho kilya kyechichea wuyanawu ihesha wandu waipfo kunu wuyanenyi.