1WAMANGI 9:8 - Bibilia Kui Mdedie fo Kimochi

⁸ Mba ii yechiwunduka iwe mrapu, orio moidaho nechikangaṟika na isingitsa mdo, na iwesa, “Nkiki kitewe Mndumii-Ruwa alewutia oruka lu na mba ii kudi?”

1WAMANGI 9:8 ပူးပေါင်းရင်းမြစ်များ

2WAMANGI 22:17

Kipfa walenjida na ipfaamiṟia maruwa hengi ubani kundu wandu wanjipfulutse nyashi kui maṟunda ha mawoko hawo, kyasia, nyashi yako yechiakia Yerusalemu ma yechiwa ihutsopfo.

2WAMANGI 25:9

Nalekoṟa mba ya Mndumii-Ruwa, mba ya mangi na mba tsose tsa Yerusalemu, orio mba ing'anyi naleikoṟa modo.

2MBONYI TSA MAHERI 29:8

Kipfa kya ikyo, Mndumii-Ruwa nalesuo mnu Yuda na Yerusalemu, na kilya alewatana kileṟihisha na iowesha wandu wose, itane walewakapa manga'ang'o. Ishi shose momeshiwona nyo muwenyi na meso hanu.

2MBONYI TSA MAHERI 36:19

Karumatsa ko modo mba iya ya Mndumii-Ruwa na mṟi fulya, na mba tsose tsa wumangi na masaa hatso tsose, naiwunduo omombo lo mṟi fulya.

2MBONYI TSA MAHERI 7:21

Wulalu hekalu li liwode kiṟumi king'anyi mnu. Kyaindi kiheri shindo shechihaluka na iwichuo, orio mndu echiida kufui nalyo, nechiṟihiyo na ikapo nyi ngoo na iwesa, ‘Nki ili Mndumii-Ruwa awuta kindo kiwicho kidi ko wandu wa wake na ko hekalu li lyake?’

YESAYA 64:11

Mba yadu njiele, na njicha, kulya wandeadu walekuṟumisha, yasaramaya na modo; shindo shadu shiweipfo shicha shanyamaṟika.

YEREMIA 16:10

Na iyo ili ochiwia wandu-wa madedo ha hose wo wechikuwesa! Kitewe Mndumii-Ruwa nahambe madedo mawicho hadi kipfa kyadu nki? Deko lida lulewuta? Nyi wunyamaṟi wuda lulewuta. Mndumii-Ruwa Ruwa odu?

YEREMIA 18:16

Wahaluo oruka lowo kiṟihisho, naitaluka lilatsitsa, orio mndu moida kufui nalo nyi echiṟihio, na iwada dumbu na isingisa mdo foke.

YEREMIA 19:8

Njechihaluo mṟi fu fuwe kindo keṟihisha; wandu na italuka orio moida kufui nechiṟihio na italuo kipfa kya ngapo yafo.

YEREMIA 22:28

Mnducho Konia, nyi kihia kimine kifunjikie. Nyi kihia kilachihiṟie. Kitewe wakumbo o na oshari loke kuleshe, orukenyi walaluichi nki?

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 44:8

Nki ili munjitewa njisuo kipfa kya ihoneṟia sanamu muletsisungusia muwenyi na ipfaamiṟia ubani maruwa hengi kiidi kya oruka lo Misri ilu mulecha napfo isamiya? Ngesa, mukundi irumatso na iwa oseso na kindo kya sheeṟe oshangunyi lo mkambo ya wuyana?

YEREMIA 49:17

“Edomu yechiwa kiṟihisho na orio mndu echiida kufui nao nechiṟihiyo, na ikapa mang'ango kipfa kya mawicho hechimhoya,

YEREMIA 5:19

Nakyo kechiwa ilindi mochiwesa, “Mndumii naleluwutia ishi shose kipfa kya iki? Nalyong'u mochiwawia, ‘Chandu mulenjida inyi na iṟundia maruwa hengi kiidi kya oṟuka lonu muwenyi, nyi wudo mochiṟundia wahenu kiidi kya oruka lulai lonu.’”

YEREMIA 50:13

Kipfa kya nyashi yako inyi Mndumii-Ruwa, Babeli yechilao nyi mndu pfo, yechiwa mrapu; orio mndu echiida hafui nayo nechiṟihio, nechiikapa mang'ango kipfa kya shifaṟe shake.

YEREMIA 52:13

Nalekoṟa modo mba ya Mndumii-Ruwa, mba tsose tsa Yerusalemu hamu na mba ya mangi; orio mba iweng'anyi ilekoṟo na modo.

SHILIO 2:15

Walya wose waweida na njia wakakusalucha na ikukapia mang'ang'o iyo Yerusalemu, wakadihintsa mdo yawo wakakumina wakahamba: Ngesa ifu nyi mṟi fulya fuwei mcha fudi? Mṟi fuwekeri sia ya wuyana wose?

DANIELI 9:12

Nao nainutsia madedo hake, halya awehambie kyadu, na walya waleluletsa wakaluendie mawicho hang'anyi; kipfa kunu shi ya ruwehu kuwode kindo kilemeutika cha iki kilewutika Yerusalemu pfo.

NGUMBUO YA MAWAWASO 28:37

Mochiwa cha kindo kiporu, kindo kipiṟe na kiṟiha ipfo kiidi kya wandu wose wa orukalo Mndumii-Ruwa aimuduo.

NGUMBUO YA MAWAWASO 29:23

luichuo kiberiti na monyo, luhiiye lukowa lo wulya, kukuwae mbeupfo ma kwipfo kindo kechialukahopfo. Nyi lui cha kiheri kilya Mndumii-Ruwa alerumatsa Sodoma na Gomora, Adma na Seboimu, ko nyashi yake njiwawo.