1WAMANGI 9:7 - Bibilia Kui Mdedie fo Kimochi

⁷ Kyasia njesamiṟa wandu wako Israeli wuka oruka lu njilemuinenga, na mba njileishimbuo kipfa kya rina lyako, njechiikumba kuleshe na inyi, na yechiwa kindo kemino na ipiṟo kiidi kya wandu wa mkambo yose.

1WAMANGI 9:7 ပူးပေါင်းရင်းမြစ်များ

1WAMANGI 11:10

na imbawasa nalawone kechiindia maruwa mahenu, Solomoni nalakunde iindia wuwawaso wo Mndumii-Ruwa.

1WAMANGI 9:3

Mndumii-Ruwa kambia, Ngaicho kiterewo kyapfo na kilya ukundi. Ngailisha mba ii ulenjiwikia kundu wandu wako waindie rina lyako iya mlungana. Njechiiringa na iikunda kiheri kyose.

2WAMANGI 25:21

Mangi Nebukadneza o Babeli kakapa wandu wo kawawahia ipfo kiidi kya oruka lo Hamathi. Ko ikyo wandu wa Yuda waledao wapfungo nja ya oruka lowo.

2WAMANGI 25:9

Nalekoṟa mba ya Mndumii-Ruwa, mba ya mangi na mba tsose tsa Yerusalemu, orio mba ing'anyi naleikoṟa modo.

2MBONYI TSA MAHERI 36:19

Karumatsa ko modo mba iya ya Mndumii-Ruwa na mṟi fulya, na mba tsose tsa wumangi na masaa hatso tsose, naiwunduo omombo lo mṟi fulya.

2MBONYI TSA MAHERI 7:20

njechimukuṟuo njimuwute kunu orukenyi sa njilemuinenga. Njechiwa kuleshe na hekalu li, handu njilehamba njiwe moindio, kundu wandu wa oruka lose wahambe iki nyi kindo kya kitohio na ili salucha oshangunyi lo wandu wa mkambo yose.

SHIIMBO SHA DAWIDI 44:14

Nyi uleluhaluo oṟaayo ko wandu wa mkambo, kipfa kya isingitsa mdo ya wandu wa oruka.

SHIIMBO SHA DAWIDI 44:15

Mfiri puti ngasuka oshangunyi lo wandu, na Sonu tsako tsanjishikiya.

SHIIMBO SHA DAWIDI 69:11

Kiheri njilehaluo masaṟa ha mkunja; hawe nguwo tsako, ngawa oṟaayo kowo.

YESAYA 65:15

Nanyo nyi mochida rina lyanu liwe oseso ko wasambuṟe wako.” Na Mndumii-Ruwa nechikuwaha; nao nechilaha waṟundi wake kui rina lingi:

YEREMIA 24:9

Njechiwahaluo kindo kewichuṟa oshangunyi lo wamangi wose wai wuyanenyi. Wechiwa kindo kitalukie, kindo kekapa mang'ang'o, iseko na iseso orio handu wechidichia.

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 26:18

Mikaya Mmorashti, nyi aleonguo kiheri kya Hezekia mangi ya Yuda. Kadeda na wandu wose wa Yuda, ke Mndumii o matorito nahamba adi: “Sayuni yedemo cha dema lyedema, na Yerusalemu yewa mrapu na fumvu, lya mba lyechiwa cha hando kukuirie ngeṟenyi.

YEREMIA 26:6

Njechihaluo mba i iwe cha Shilo, na mṟi fu njifuhaluo fuwe oseso njoshari tsose tsa oruka.”

YEREMIA 44:8

Nki ili munjitewa njisuo kipfa kya ihoneṟia sanamu muletsisungusia muwenyi na ipfaamiṟia ubani maruwa hengi kiidi kya oruka lo Misri ilu mulecha napfo isamiya? Ngesa, mukundi irumatso na iwa oseso na kindo kya sheeṟe oshangunyi lo mkambo ya wuyana?

YEREMIA 52:13

Nalekoṟa modo mba ya Mndumii-Ruwa, mba tsose tsa Yerusalemu hamu na mba ya mangi; orio mba iweng'anyi ilekoṟo na modo.

SHILIO 1:8

Yerusalemu nyi ulewuta wunyamaṟi sa wuwicho, fukokufanyitsa kipfa kya wunyamaṟi wofo. Wose wawefuṟumishie wakafumina, kyamba nyi walewona fui kitaṟe. Wakawesumukia na ikuṟika kipfa kya sonu.

SHILIO 2:17

Kyamba Mndumii-Ruwa nyi awuta kilya awekusirie, nyi aawutsia shilya awehambie, chando aweikusirie wokia mboko, cha kipfa nyaṟumatso kulawode osaṟio lose; nyi ainenga wakituwa wachihiyo kipfa kya ngapo yapfo, kyamba nyi aṟumisha ngohoda tsa wakituwa wapfo.

EZEKIELI 24:21

Wia mba ya Israeli, nyi wudi Mndumii-Ruwa ahamba; ambuya njihenda ifanyitsa haele hako, mba yo ikeri kiṟumi kyapfo na pfinya yapfo, nayo nyi ichihiṟie mesonyi hapfo. Kyamba wana wanu wa kiumi na wa kika mulewada nduma wechiwoho ko oshu.

EZEKIELI 5:15

Ili mandi nyashi yako na ngapo tsako tsechikuhoya, walya wakuṟingichie wechikuambuya kinyeri wechikusalucha na ikutaluo.

HOSEA 9:3

Ambuya wechikaa orukenyi lo Mndumii-Ruwapfo, Ee wana wa Efraimu nyi wechiwuya wusingenyi kulya Misri, wechihenda ilya shelya sha ngafu kulya Ashuru.

YOELI 2:17

Makuhanyi na waṟundi wa Ruwa, wahoṟoke kiidi kya wandu na rasionyi wechifihiṟa na iterewa: ‘Saṟia wandu wapfo, hoi Mndumii-Ruwa odu. Kulaleke wandu walaichi Ruwa wawachilie, kipfa nyi wandu wapfo. Makulalekie wandu walaichi Ruwa wawamine na iwataluo wechihamba, ‘Oku Ruwa owo? Nai mfafa na awode pfinya pfo.’”

MIKA 3:12

Kyasia! Kwi kipfa kya ikyo, Sioni yechidemo cha mdemi. Yerusalemu yechisamo na ifumvu, lya hekalu lyechiwa ngeṟa.

MATAYO 23:38

Aii mba yanu momeideyo ilawode kindo.

MATAYO 24:2

Nao kahaluo kawawia, “Nyi mulawonyi iho hose? Nyi kya lohi ngambia, ‘Iya handu hakeri nyi koekaa kuleedeoho ma iho likuhekye huye ya iho lingi lide lilawunduo-hopfo.’”

LUKA 21:24

Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

NGUMBUO YA MAWAWASO 28:37

Mochiwa cha kindo kiporu, kindo kipiṟe na kiṟiha ipfo kiidi kya wandu wose wa orukalo Mndumii-Ruwa aimuduo.

NGUMBUO YA MAWAWASO 4:26

kyasiang'u, inyi inu ngalaha ruwehu na wuyana shiṟingishie kyanu; ngamuwia napata ke mochirumara nakamu ipfo orukenyi kundu muihenda ichilia mataya ya meda fo Yordani. Mochikaapfo kiheri kileshe, mulakombetso nakamupfo.

YOSHUA 23:16

Kokoya mowumbuya mawawaso hake na itehiya mma fulya mulie nao mukawoka iindia maruwa hengi na ihaṟundia, nyi wudo ng'u nyashi ya Mndumii-Ruwa yechimusokia muhende isaramaya ko oweṟe muwuke kunu orukenyi luilucha alemwinenga.”

1SAMWELI 15:11

Ngawado nyi fowa ili njilewika Sauli nawe mangi o naleda injiosha inyi na ameawutsia mawawaso hakopfo. Samweli kawado nyi nyashi, kaeṟeṟia Mndumii-Ruwa kio taṟaṟaa.