1WAMANGI 8:61 - Bibilia Kui Mdedie fo Kimochi

⁶¹ Nalyo muwe wahendeli ko Mndumii-Ruwa, Ruwa odu mochiosha shiloshio shake na iindiya mawawaso hake hose cha inu.”

1WAMANGI 8:61 ပူးပေါင်းရင်းမြစ်များ

MAWOOKIONYI 17:1

Kiheri Abramu awei mndu o maaka makumi kenda na kenda, Mndumii-Ruwa kachea Abramu, kambia, “Inyi nyi Ruwa. Menyi wuitoṟi, chumia oshangunyi loko, kulawode tewe.

1WAMANGI 11:4

Kekikuo, waka wo wakamdetsa kaemmbeṟukia maruwa hengi kahaindia, ma alewa mhendeli ko Mndumii-Ruwa, Ruwa oke mantapfo, chandu ndee Dawidi awei mhendeli pfo.

1WAMANGI 15:14

Indi handu ha huye halepaayo-pfo, mrima fo Asa fuwei fusumhanyi mfiri yose ya moo foke.

1WAMANGI 15:3

Kaosha njonyamaṟo tsose tsa ndee, aletsiwuta numa yake, mrima foke fulewada wuhendelyi oshangunyi lo Mndumii, Ruwa oke cha mrima fo sahuye Dawidi pfo.

1WAMANGI 3:3

Solomoni kakunda Mndumii, kaweosha njotende tsa ndee Dawidi, kawewuta shichihiṟie Ruwa, kyaindi kawewika kidaso handu hakuirie, kawepfamiṟa handu hakuirie.

2WAMANGI 20:3

“Hoi Mndumii-Ruwa ngakuterewa ukumbuo chandu njilekuṟundia kui wuhendeli wose na kui mrima foko fose na iwuta chandu uwekundi sumuhana na iyo.” Hezekia kafihiṟa amsokie nyi fowa.

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

1MBONYI TSA MAHERI 29:9

Kyasia wandu wose wakachihiyo, kipfa walewutia Mndumii-Ruwa ko ikunda lyawo na mrima fowo wawenyi; na mangi Dawidi kachihiyo ko sia ing'anyi mnu.

YOBU 1:1

Kuwewode mndu umu o oruka lo Usi, rina lyake nyi Yobu. Mndu chu nawei o wusumhanyi, naweowoye Ruwa kakuletsanatsana mawicho.

YOBU 1:8

Mndumii-Ruwa kawia Satana, “Kofia na uichi mṟundi oko elaho nyi Yobu. Ipfo wuyanenyi kose kuwode mndu chaopfo. O nyi mndu mhoṟotsu, aowoye Ruwa na ikushowa na orio mbaṟi yose ya wuwicho.”

SHIIMBO SHA DAWIDI 37:37

Ambuya mnu mndu mhoṟotsu, noambuye mnu mndu msalari, kipfa ifurumia lyake nyi luwa.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

NGUMBUO YA MAWAWASO 18:13

Muwe wandu waawukie oshangunyi lo Mndumii-Ruwa, Ruwa onu.”