1WAMANGI 8:60 - Bibilia Kui Mdedie fo Kimochi

⁶⁰ Wandu wa mkambo yose wuyanenyi wechimanya ke Mndumii-Ruwa nyio Ruwa kulawode se ungi.

1WAMANGI 8:60 ပူးပေါင်းရင်းမြစ်များ

1WAMANGI 18:39

Wandu wose wekiwona chandu kyawa, wakaoloka wanda na kyamu wakahamba, “Mndumii nyio Ruwa, Mndumii nyi Ruwa.”

1WAMANGI 8:43

hoi na hoi umuadanyie ipfo kopfo ruwehu, umtarame shose mhenu cho akuterewa, kundu wandu wose wai kunu orukenyi wamanye rina lyapfo na ikuowuo, na wana wa Israeli naawo, wamanye ke mba ii njilewika injisende kui rina lyapfo.

1WAMANGI 8:59

Kyasia, madedo ha hako hai kiterewo kyako oshangunyi lo Mndumii-Ruwa, lukae hafui, na Mndumii-Ruwa, Ruwa odu, mfiri na kio, nao natarame mṟundi oke, na wandu wake Israeli, kundu waiṟimiṟe kiidi kya shilya wahuṟi orio mkonu.

2WAMANGI 19:19

Na wulalu, hoi Mndumii-Ruwa, Ruwa odu, ngakuterewa nolukiṟe ipfo njaenyi tsa Senakeribu, kundu mangi tsose tsa wuyana tsimanye ke iyo kumonyi tichi nyi iyo ui Mndumii-Ruwa, ui Ruwa.”

IWUKA 6:7

na inyi njechimuira muwe wandu wako, njechiwa Ruwa konu, nanyo mochimanya ke inyi nyi Mndumii-Ruwa, Ruwa onu, njimuwutie mkure kiidi kya maṟio ha Wamisri.

YESAYA 37:20

Kyasia wulalu Mndumii, Ruwa odu ulukiṟe na owoko loke, wamangi wose wa wuyana waidime imanya ke iyo nyi iyo Mndumii, iyo kumonyi tupu.”

YESAYA 44:24

Mndumii ai mkiṟa opfo nyio alekuumba wusunyi, o nahamba adi; “Inyi nyi Mndumii njeketana shindo shose; njialie ngina yose, ngamanyika orukenyi, nyiu ai na inyi?

YESAYA 44:6

Mndumii, Mangi o Israeli, mkiṟa opfo, Mndumii menyi Matoṟito nahamba adi, “Inyi nyi Mawokioonyi na Inyi nyi moinutsia; ngoseṟa yako kuwodepfo ma kuwode Ruwa ungipfo.

YESAYA 44:8

Mulaowuo, mulawuko madima; ngesa njileonguo na iloṟa ishi wokia mbooko? Nanyo nyi wangochi wako. Ngesa kuwode Ruwa ngoseṟa yako? Nkya lohi kuwode Iṟaṟa-pfo; inyi njiichi ungipfo.”

YESAYA 45:22

Njiambuyenyi inyi mukiṟo, nyo njora tsose tsa wuyana; kipfa inyi nyi Ruwa kulawode ungi.

YOELI 2:27

Nyi lyondi mochimanya ke njikeri kiidi kyanu, nyo wandu wa Israeli; mochimanya ke inyi Mndumii-Ruwa, nyio Ruwa onu, manya kuwode Ruwa ungi-pfo. Wandu wako wechikaa waminose nyi mndu malepfo.”

NGUMBUO YA MAWAWASO 4:35

Nyo mulesaṟio iwona isho, kundu muidime imanya ke Mndumii-Ruwa, nyio amonyi ai Ruwa manya kuwode ungipfo.

NGUMBUO YA MAWAWASO 4:39

Kyasia, kumbuonyi inu na iwika mrimenyi yanu, ke Mndumii-Ruwa nyio Ruwa huye ruwehu na wanda orukenyi; kuwode ungipfo.

YOSHUA 4:24

nyi kilewutika kido kundu wandu wose wa wuyana wawone ke owoko lo Mndumii-Ruwa nyi luwode pfinya, nanyo muwuteho iindiya Mndumii-Ruwa onu mlungana.”

1SAMWELI 17:46

Mkonu fo inu, Mndumii-Ruwa nechikuwika mawokonyi hako. Njechikukumba wanda, njechikudumbuo mdo fopfo; mbihu yaolemali lo Wafilisti njechiinengya malehe ha nginehu, na mando ha ngeṟenyi. Nlyondi wuyana wose wochimanya ke Ruwa nakeri ko Waisraeli.