1WAMANGI 8:6 - Bibilia Kui Mdedie fo Kimochi

⁶ Kyasia wakohanyi wakaende isanduku lya mkundana lya Mndumii-Ruwa, wakaliwika handu halyo kiidi kya mba ya Mndumii-Ruwa alya handu haele ngoseṟa wanda ya makungo ha kerubimu.

1WAMANGI 8:6 ပူးပေါင်းရင်းမြစ်များ

2SAMWELI 6:17

Wandu walya wakawika isandukuu lilya ihemenyi lilya Dawidi aweliteseheṟie; kyasia, Dawidi kawuta shidaso shechihiṟa Ruwa na ioloṟa mondu na Ruwa.

2SAMWELI 6:2

Kawaduo mṟasa Baal-Yuda ihenda ionduo isanduku lya Mndumii, Mangi ya Ruwehu adamie huye ya malaika wose waringi.

1WAMANGI 6:16

Kiṟiha kya kyamba kelaho handu haele mnu, kilewiko ora lo nduma lo mba, kiwei kiwike na mbau tsa meresi wokia wanda itane kai, na wuleshe wokyo nyi meta (9).

1WAMANGI 6:19

Makidi hawi ha mba ya Solomoni naweṟeheṟie kiṟiha kya kyanya handu hewika sanduku lya mkundana lya Mndumii-Ruwa.

1WAMANGI 6:27

Njofano tso tsiwei mbaṟimbaṟi, tsitambaṟuye makungo; ikungo limu likakoya omombo lumu, na ikungo lingi omombo lo kawi, halya hengi hakakoyana makidi hawi ha kiṟiha.

1WAMANGI 8:3

Wasongoru wa wandu wa Israeli wakacha, Wakohanyi na Walewi wakaira isanduku lilya.

1WAMANGI 8:4

Wakasamiṟa isanduku lya Mndumii na shihia shose na ihema lilya lya chila na shihia shiele shose.

1WAMANGI 8:7

Kipfa makungo ha makerubimu hawekualie huya isanduku lyo-ko-ikyo makerubimu wakashikia isanduku hamu na ngo tsalyo.

1MBONYI TSA MAHERI 22:19

Wulalu, indienyi Mndumii-Ruwa onu na mrima, na ngoo yanu yose. Michikenying'u, wokenyi imsungusia hekalu, kundu isanduku lyake lya mkundana, na shindo sheindia Ruwa shiwiko pfo.”

2MBONYI TSA MAHERI 5:7

Kyasia Walewi na Wakohanyi wakaira isanduku lilya lya mkundana lya Mndumii-Ruwa, wakaliduo handu hake haele mnu, na iliwika wanda ya makungo ha makerubi.

SHIIMBO SHA DAWIDI 80:1

Iyo okelisiṟa Israeli, adanyia, iyo oketeteṟa Yosefu cha ipo, iyo odamie huye ya makyerubi, waa sa.

SHIIMBO SHA DAWIDI 80:2

Oshangunyi lo Efraimu, na Benyameni, na Manase, noamtse pfinya tsapfo; uche, ulukiṟe.

SHIIMBO SHA DAWIDI 99:1

Mndumii naikolonyie, wa mkambo waidedema! Nadamie huye ya makerubi, oruka lukasingida.

IWUKA 37:9

Na makerubi ho hakahoruo makungo hawo huye, hakashikia kitima kyo kya osaṟio na makungo hawo, na shamu shawo shiweambuyanyi ilyi na ilyi; shamu sha makerubiwo shiweambuye kitimakyo kya osaṟio.

YESAYA 37:16

“Hoi Mndumii menyi Matorito, Ruwa o Israeli, ukeri huya makerubi, iyo da iyo kumonyi nyi iyo Ruwa o wamangi wose wa wuyana. Nyi iyo ulewika ruwehu na oruka.

EZEKIELI 10:5

Na ṟu lya Makerubi walya likaichio kulya hekalunyi mṟasa kulya nja ya hekalu likafanana na ṟu lya Mndumii-Ruwa ili mandi akeri ideda.

EZEKIELI 41:4

Kipimo kya kiṟiha kyo nakyo nyi kiweṟinganyi njora tsose ko wulandari wo mita (10). Kiṟihaki nyi kiwei kufui na kiṟiha kilya king'anyi nao kanjiwia handu ha nyi hai haele mnu.

1SAMWELI 4:4

Naho waleduma waṟundi kulya Shilo, wakaende isanduku lya mma lya Mndumii-Ruwa menyi matorito adamie cha mangi huye ya makerubi; Wanakye walya wawi wa Eli, Hofni na Finehasi walecha handu hamu na isandukulyo lya mma lya Ruwa.