1WAMANGI 8:44 - Bibilia Kui Mdedie fo Kimochi

⁴⁴ “Wandu wakahenda shidenyi ikapana na wakituwa wawo, kui ora lose ochiwaduma, nawo wakaterewa Mndumii kiidi kya mṟi fu kulefusambuṟa na mba ii njilewika kui rina lyapfo.

1WAMANGI 8:44 ပူးပေါင်းရင်းမြစ်များ

2SAMWELI 5:19

Kyasia Dawidi kadeda na Mndumii kammbesa, “Ngahenda ikapana na Wafilisti wa? Ngesa ochinjitarama njiwawinge?” Ruwa kamhaluo, “Ee, henda kapana nawo. Njechikukapanyia nowawinge.”

2SAMWELI 5:23

Nahong'u Dawidi kahenda iwesa se Mndumii nambie chandu echihendia Wafilisti walya, na Ruwa kamhaluo na immbia, “Makulawahendie ko kusonguo kowo, henda nduma yawo nowaṟingichie na iwakapa iwuka ora lulya lo kawi handu mashidi halya ha miforosadi hakeri.

1WAMANGI 8:16

‘Wokia kiheri kilya inyi njileende wandu wako Israeli wuka Misri, inyi njilesambuṟa mṟi fose kiidi kya Israeli handu njewika mba yelaho kui rina lyako pfo, indi njilesambuṟa Dawidi naitoṟie wandu wako Israeli.’

1WAMANGI 8:45

Uicho shiterewo shawo na shieṟeṟo shawo, na iwanza ikunda lyapfo nowainenge wuwinzi.

2MBONYI TSA MAHERI 18:31

Kiheri kikaida, na wasongoru walya wakawona Yehoshafati, wakahamba, “Aichu mangi ya Waisraeli.” Ko ikyo, wakamhendia na impufukia; kyaindi, Yehoshafati nalekapa kieṟeṟo king'anyi, na Mndumii-Ruwa kamashuo. Mndumii-Ruwa, katana wandu walya wawei kufui nao sa wawei impufukia, wahaluke na ihenda kuleshe na Yehoshafati.

2MBONYI TSA MAHERI 20:5

Yehoshafati kahoṟoka kiidi kya kisanzio kilya kya wandu wa Yuda na Yerusalemu osehu lo mba njihya ya Mndumii-Ruwa,

2MBONYI TSA MAHERI 32:20

Nyilyondi mangi Hezekia na mwikimbi Yesaya mana o Amozi, waleterewa Ruwa na imfihiṟia nawatarame kipfa kya mbonyi tso.

2MBONYI TSA MAHERI 6:34

“Kokoya nowawasa wandu wapfo wapufukie na ikapa waturi wawo ko mbaṟi yose owaduma, nawo wakaterewa wechihalukia mṟi fu ulesambuṟa, na hekalu li njilekusungusia;

DANIELI 6:10

Danieli kekimanya ke mṟeho fometeseheṟo na kichano kyamemaa iwiko, kakuidya na ipfo kanyi koke matiṟisha ha mba yake ha kiṟihenyi haweambuyanyi na Yerusalemu. Kapfira ndi kaṟaṟu orio mkonu kechiterewa na iana Ruwa oke, chandu awekewuta wokia mbooko.

WACHILI 4:6

Mkonu fumu kalaha Baraka mana o Abinoamu o Kadeshi orukenyi lo Naftali. Kechicha kambia, “Mndumii-Ruwa, Ruwa o Israeli, nakuwia adi, ‘Henda usanyie wandu wapfo fumvuhu lya Tabori, nosambuṟe wandu shiku ikumi (10,000) kiidi kya shishari sha Naftali na Zabloni.

WACHILI 6:14

Mndumii-Ruwa kamhalukia kambia, “Henda kui wuidimi-wo uwode, uhende ikiṟa Waisraeli uwawute ko Wamidiani. Nyi inyi njikuduma.”

1SAMWELI 15:18

Lyilya mandi Mndumii-Ruwa alekuduma kechikuwia, ‘Henda kombetsa kombi Waamalekiwo wai wanyamaṟi, kapana nawo tane owawaaha wose!’

1SAMWELI 15:3

Wulalu, henda wasaṟikie na ikombetsa shindo shawo shose. Kulawade wakae na moo, wawaahe wose: womi na waka, wana watutu na waionga; mmbe, machondi, ngamia na nzoi.’”

1SAMWELI 30:8

Dawidi katerewa Mndumii-Ruwa kyechimmbesa, “Ngesa, ngawingia ichekerolyi Na ngesa njechilikooya.” Mndumii-Ruwa kambia, “Liwingie kipfa nochilikooya nokiṟe na wanduwo walewado wai wapfo wa shida.”