1WAMANGI 8:32 - Bibilia Kui Mdedie fo Kimochi

³² Uicho ui ruwehu, nodumbuo kyake, naawo uwemwaanduya hamu na wose. Icho okoya owingo nomhoṟuo kihianyi na madeko hake, na icho alawode tewe nomlekie kochimiichika kya wusumhanyi woke.

1WAMANGI 8:32 ပူးပေါင်းရင်းမြစ်များ

2SAMWELI 22:21

“Ruwa kanjiinenga mboṟa kipfa kya wuhendeli woko; Kanjiinenga mboṟa kipfa kya wusumuhanyi woko.

1WAMANGI 2:32

Kipfa Ruwa nechimbihiṟia samu yake huya mdo foke amonyi, kipfa nalewaha wandu wawi wasumhanyi, na wecha kota o, kawawaha na oshu, ma wande oko Dawidi alemanya mbonyi i pfo, nawo nyi Abneri, mana o Neri, mnene o wandu wa mbahanyi oichekeṟo lya Israeli, na ‘Amasa’ mana o Yethari, oichekero lya Yuda.

1WAMANGI 2:33

Nyi wudo samu yawo yechiwawuya mdohu fo Yoabu, na mdohu ya oshari loke mlungana, indi ko Dawidi na oshari loke, na ko mba yake, na loṟika loke lo wuitoṟi nyi lochiwada ofoṟo mlungana luwuka ko Mndumii.”

ESTA 9:25

Kyaindi Esta kiheri alehendia Mangi, nao mangi kawuta iwawaso kui mṟeho ke mtambo fulya Hamani awewode fowaha Wayuda fumkoye o amonyi, na ke o na wana wake wawoho wechimaso ikidihu lyewahia.

SHIIMBO SHA DAWIDI 18:25

Ko mndu awode osaṟio nyi ochiwa menyi osaṟio, Ko mndu asumhanyi nawo ukuloṟe mndu asumhanyi.

SHIIMBO SHA DAWIDI 7:9

Wuwicho wo walai na wukiilohi wutsitse, Indi uhoṟotse menyi wukiilohi. Kipfa mohesha mrima ya wandu na shitsi Nyi Ruwa menyi wusumhanyi.

IWUKA 23:7

Manya kulawute wuṟingishi wo wongo ko mndu ose, manya iwonyia owingo ko kindo kyose kundu nawoho nao alawode mti. Kipfa kowuta kudo njechikuhooṟiapfo.

IWUKA 34:7

ekeichio makulili wandu shiku shiku, ekehoṟia wuwicho na madeko na wunyamaṟi; manya ekeitalia mndu mmbicho ke nalawode mti manyalepfo; msa eketaa wana kiṟache kya wuwicho wo wandeawo, na wachuku na njukuṟi daa, tane ufee wo kaṟaṟu na wo kaana.

MFANANO 1:31

Wechilya ndunda tsa ohendo lowo, Wechiihuda chila tsawo wawenyi.

MFANANO 17:15

Ichu mohamba alai msumhanyi nyi ai msumhanyi na ichu mohamba ai msumhanyi awode wusumhanyipfo, wose wawawi nyi wasuiṟie Mndumii.

YESAYA 45:25

Kiidi kya Mndumii oshari lose lo Israeli wechiinengo wulohi na kiṟumi.

EZEKIELI 18:13

nawei mndu ekeakuya wandu kundu nawone ngeria. Ngesa mndu cha ichu neidima ikaa na moo? Echiidima ikaa na moo pfo. Kipfa kya mawuto ho hose mawicho owutie nechipfa kyaindi nyio amonyi akuendie opfulo.”

EZEKIELI 18:20

Mndu mowuta mawicho nechipfa. Mana echikapo kipfa kya wunyamaṟi wo ndeepfo, manya mfee echikapo kipfa kya wunyamaṟi wo mana pfo, kyamba wusumuhanyi woichu wusumuhanyi nyi woke amonyi, na wuwicho wo ichu mowuta mawicho nyi woke amonyi.

EZEKIELI 18:30

“Koikyo njikerihenda ikuanduya iyo mba ya Israeli, orio mndu mbutie foke, nyi wudo Mndumii-Ruwa ahamba. Dumbuyenyi muhaluke, muhende ida mawicho hanu hose kundu njonyamaṟo tso tsanu tsilahende imunyamaṟa.

EZEKIELI 9:10

Kyaindi inyi njewaichio wukiwa ma iwasaṟiapfo, njechiwataa kya isho shose walewuta.”

MAITALA 5:27

Kamemaa inyo, kokoya nawekuterefutsie kui iṟuhuya, mṟingafo fokeende oseso fochimwendie mawawio hang'anyi mnu; mbihunyi foke, fochishimba na wusu woke wochinyamaṟika. Mndu mkacho nechiwa oseso ipfo ko wandu wake.

WAROMA 2:13

Kyamba chi iwo waicho wuwawaso wawa wahoṟotsu ipfo sumhana na Ruwapfo, shila nyi iwo wai wewuta wuwawaso wechitano wahoṟotsu.

WAROMA 7:9

Na inyi njiwewekukerye-ho na moo kacha kulaweiho wuwawaso; indi wuwawaso woikicha na wunyamaṟi wukaaluka.

NGUMBUO YA MAWAWASO 25:1

“Ko koya wandu wawi waloyana wakaduo mondufo mengenyi ko wedumbuo mondu, umu kakooyo alawode mti na ungi kawingo,

1SAMWELI 2:25

Mndu kadekio odoe, neidima iterewio ko Mndumii - Ruwa, kundu Ruwa namhooṟie. Kyaindi mndu kadekio Mndumii-Ruwa nyiu eidima imterewia mhooṟie.” Kyaindi wanawo waleadanyia ndeawopfo, kipfa Mndumii-Ruwa awemedumbuo kya iwawaaha.