1WAMANGI 8:30 - Bibilia Kui Mdedie fo Kimochi

³⁰ Adanyia shiterewo shako inyi mṟundi opfo na sha wandu wapfo Israeli ili mandi wechiterewa, wahalukie handu ha uicho shiterewo kui kulya ruwehu, komeicho noluhoṟie.

1WAMANGI 8:30 ပူးပေါင်းရင်းမြစ်များ

1WAMANGI 8:34

Naho uwaicho ukeri ruwehu, uhoṟie wandu wapfo Israeli wunyamaṟi wowo, kiidima uwawihiṟe na orukenyi ulewawasia wasahu wawo.’

1WAMANGI 8:36

Hoi uicho ui ipfo ruwehu, uhoṟie njonyamaṟo tsa waṟundi wapfo, wandu wapfo Israeli, kunu kochiwalosha iosha njia njihoṟotsu, nolekie mvuo inose oruka lu uleinenga wandu wapfo luwe kyoṟa kyawo.

1WAMANGI 8:39

Kyasia uadanyie ipfo kopfo ruwehu, nohooṟie na ilekia, uwewawutia orio mndu chandu kimbaṟi (kipfa nyi iyo kumonyi uichi mahio ha mrima ya wandu wose)

1WAMANGI 8:43

hoi na hoi umuadanyie ipfo kopfo ruwehu, umtarame shose mhenu cho akuterewa, kundu wandu wose wai kunu orukenyi wamanye rina lyapfo na ikuowuo, na wana wa Israeli naawo, wamanye ke mba ii njilewika injisende kui rina lyapfo.

1WAMANGI 8:49

Kewaicho kukeri ipfo ruwehu handu okekaa, kiterewo na kieṟeṟo kyawo na iwanza ikunda lyapfo kowo nowainenge wuwinzi.

2MBONYI TSA MAHERI 20:6

katerewa ko ṟu kahamba, “Ee Mndumii-Ruwa, Ruwa o wasahuya wadu, iyo nyi Ruwa ukeri ipfo ruwehu! Iyo nokeitoṟia wumangi wose wuyanenyi; nuwode wuidimi na pfinya, ma kuwode pfo sa echiidima ihenda kihadi na iyo pfo.

2MBONYI TSA MAHERI 6:21

Inyi nyi mṟundi opfo, na wandu wa Waisraeli nyi wapfo, nyilokuterewa oicho kiterewo kyadu kiheri lochihalukia hekalu li na ikuterewa. Idikia kiterewo kyadu iwuka kanyi kopfo ipfo Ruwehu, na iluhoṟia madeko hadu.

2MBONYI TSA MAHERI 7:14

Kokoya wandu wawalahe ko rina lyako wechikunyiṟa wamenyi, na iterewa, na iwalia kyamu kyako, na ida njia tsawo njiwicho, njechiicho shiterewo shawo kulya ruwehu. Njechiwahoṟia madeko hawo, na ioṟase oruka lowo.

SHIIMBO SHA DAWIDI 123:1

Njilekuiria meso hako, Iyo udamie ruwehu.

SHIIMBO SHA DAWIDI 28:2

Uicho ṟu lya kiterewo kyako mandi njikuterewa Ilyi njechiiria mawoko hako handu hapfo haele.

SHIIMBO SHA DAWIDI 85:2

Kulehoṟia wuwicho wo wandu wapfo, kuleowisha wunyamaṟi wowo wose.

IWUKA 34:6

Mndumii-Ruwa kasonguo mbele yake, kaedia, Mndumii-Ruwa, Mndumii-Ruwa, Ruwa aichuo woloru, awode makulili, elekeicho nyashi owinyi, aichuo isaṟia na wukilohi;

IWUKA 34:7

ekeichio makulili wandu shiku shiku, ekehoṟia wuwicho na madeko na wunyamaṟi; manya ekeitalia mndu mmbicho ke nalawode mti manyalepfo; msa eketaa wana kiṟache kya wuwicho wo wandeawo, na wachuku na njukuṟi daa, tane ufee wo kaṟaṟu na wo kaana.

KOHELETI 5:2

Kuladede madedo ha wusembo kui dumbu lyapfo ma mrima fopfo fulawe mwangu ideda oshangunyi lo Ruwa: Kipfa Ruwa nyi ai ruwehu, na iyo nyi iya wanda ui, ko ikyo madedo hapfo hawe maangu.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

DANIELI 6:10

Danieli kekimanya ke mṟeho fometeseheṟo na kichano kyamemaa iwiko, kakuidya na ipfo kanyi koke matiṟisha ha mba yake ha kiṟihenyi haweambuyanyi na Yerusalemu. Kapfira ndi kaṟaṟu orio mkonu kechiterewa na iana Ruwa oke, chandu awekewuta wokia mbooko.

DANIELI 9:19

Hoi Mndumii-Ruwa uadanyie, hoi Mndumii-Ruwa, uhooṟie; hoi Mndumii-Ruwa uicho, uwute, kulakeleo, kipfa kyapfo iyo, Hoi Ruwa oko; kipfa kya mṟi fopfo na wandu wapfo wailaho kui rina lyapfo.

DANIELI 9:9

Osaṟio na ihoṟio lyii ko Mndumii-Ruwa odu ma chandu lulemdekio;

MATAYO 6:12

Uludeye sile tsṞafo luwode, chaso luwedeya wasile wadu.

MATAYO 6:9

Indi terewenyi mule, ‘Nde-yadu ukeri ipfo ruwehu, Rina lyafo litano yele.

1YOHANE 1:9

Indi lukatocha manyamaṟo hadu o Ruwa ai mhendeli asumhany nechiluhoṟya manyamaṟo-ha na ilusanja hando hose lufanyi.