1WAMANGI 8:12 - Bibilia Kui Mdedie fo Kimochi

¹² Solomoni kahamba “Mndumii nalewika mnengeṟi nginehu, kyaindi kahamba nechikaa kiidi kya mema rambatanyi.

1WAMANGI 8:12 ပူးပေါင်းရင်းမြစ်များ

2SAMWELI 22:10

Kaaramitsa Ruwehu, kasokia wanda, mtima fo mema fuwekeri wanda ya madende hake.

1WAMANGI 8:11

Kikatewa wakohanyi walaidime iṟunda kipfa kya ipuchi, kipfa wuitoṟi wo Mndumii wuleichuṟa mba iya ya Mndumii.

NEHEMIA 8:5

Ezra kahoṟoka alya mimbaṟenyi oshangunyi lo wandu wose, nawo wakamwadanyia ko wuhodi wung'anyi. Kyasia Ezra kekipfunguo kitapu kilya kya mawawaso mamingi fulya fo wandu fukahoṟoka.

SHIIMBO SHA DAWIDI 97:2

Mapuchi na meema shimtengetia; wusumhanyi na mwanduye nyi otende lo kidi kyake.

IWUKA 20:21

Kyasia, wanduwo wakahoṟoka haleshe, nao Mose katikiria meema fulya fung'anyi kundu Ruwa awei.

YESAYA 45:15

Nyi lohi iyo nyi Ruwa ulya ekeṟika mbihu fopfo, Hoi Ruwa o Israeli mkiṟa.

WALEWI 16:2

Mndumii kawia Mose, “Deda na manomayo Aroni, ke nalaide kiheri kyo kyose na handu haele ipfo isulienyi, oshangunyi lo kidi kya osaṟio, kii huya isanduku, nalashike ipfa; kyamba njechikuloṟa kulya ipuchinyi huya kidi kya osaṟio.

NGUMBUO YA MAWAWASO 4:11

“Kyasiang'u, muletikiria mkahoṟoka wanda ya fumvu lilya lyiweaka modo kiherikyo sa fuleshika huye ruwehu fukarumbalala mema na ipuchi ling'anyi.

NGUMBUO YA MAWAWASO 5:22

“Iha nyiho mawawaso Mndumii-Ruwa alemuinenga nyo mose kui ṟu lying'anyi lyiwuka kiidi kya modo na ipuchi lying'anyi na meema fuputikanyi puti. Nalemuwia mandi muwekuwumbie kulya fumvuhu, manya aleengeṟiaho mawawaso hengipfo. Nahong'u kahaṟehia maṟaṟonyi hawi ha maho, kanjiinengia.”

WAEBRANIA 12:18

Kyamba nyo mulaweshika itikiria hando hepaya kuwei na modo foaaka na nruwe na meema na otanu.