1WAMANGI 8:1 - Bibilia Kui Mdedie fo Kimochi

¹ Kyasia Mangi Solomoni kasanza wanene wa wandu wa Israeli, na shishari na wasongoru wawo kundu wawute isanduku lya Mkundana lya Mndumii-Ruwa liwuke mṟinyi fo Dawidi fui Sioni.

1WAMANGI 8:1 ပူးပေါင်းရင်းမြစ်များ

2SAMWELI 6:6

Kyasia, kiheri waleshika handu wekehuya Ngano kolaho Nakoni; mapung'a halya hawekuruo ikari lilya lirie isanduku lilya lya Ruwa, hakateṟeshuka, na Uza kaleshia owoko loke iṟihika isanduku lilya lya Mndumii lilaomboke.

1WAMANGI 2:10

Kiidima Dawidi kapfa na wandee wake, kaṟiko mṟinyi fo Dawidi.

1WAMANGI 3:15

Naho Solomoni kakure, ate nyi ndodo. Kahenda Yerusalemu, kahoṟoka sumuhana na isanduku lya mkundana lya Mndumii; kawika kidaso kemaya modonyi, na mwano ya ofoṟo; kasungusia waṟundi wake mfuho.

1MBONYI TSA MAHERI 11:7

Nahong'u Dawidi kahenda ikaa kulya mṟinyi na kipfa kya ikyo mṟi fulya fukalaho nyi, “Mṟi fo Dawidi.”

1MBONYI TSA MAHERI 15:25

Kyasia Dawidi, na wameku wa Waisraeli, na wasongoru wa shiku, wakahenda ionduo isanduku lilya lya mkundana lya Mndumii-Ruwa kanyi ko Obed-edomu, wai na sia ing'anyi.

1MBONYI TSA MAHERI 15:29

Kiheri isanduku lilya lya mkundana lya Mndumii-Ruwa, liwekeriida na Yerusalemu, Mikali mana o kika o Sauli, kaambuya itiṟishenyi lyake, kawona Dawidi kechishina na ichihiyo mnu, mana ulya kasuo kipfa kya Dawidi na immina mrimenyi foke.

1MBONYI TSA MAHERI 15:3

Kyasia, Dawidi kasanyia Waisraeli wose wache na Yerusalemu, kundu naende isanduku lilya lya Mndumii-Ruwa handu aweteseheṟie lyikae.

1MBONYI TSA MAHERI 28:1

Kyasia, mangi Dawidi kawawasa ke wanene wose wa Israeli, wakoyane kulya Yerusalemu. Nahong'u wanene wa njoshari tsose, wanene wehoṟokia maṟunda ha wumangi wose, wanene wa shishari shose, walya wehoṟokia masaa hose na mbe tsose tsa mangi na wana wake, handu hamu na wasongoru wose wa mba ya mangi, wasongoru wa wasikari, na wandu wose wamanyikie kulya orukenyi, wakakoyana kulya Yerusalemu.

2MBONYI TSA MAHERI 30:1

Mangi Hezekia kaduma ndumi ko wandu wose wa Israeli na wa Yuda, kaṟehia na paruo ko wandu wose wekekaa Efraimu na Manase, kawalaha wose wache na mbenyi ya Mndumii-Ruwa ipfo Yerusalemu, kundu wachewika mfuho fo Pasaka ko kiṟumi kya Mndumii-Ruwa, Ruwa o wa Israeli.

EZRA 3:1

Meri mfungade yamsia wokia walewuya wusingenyi, Waisraeli wawemmaa isamia mṟinyi yawo, wakakusanza handu hamu kulya Yerusalemu.

SHIIMBO SHA DAWIDI 102:21

Wandu waonguo rina lya Mndumii ipfo Sioni, na kiṟumi kyake ipfo Yerusalemu.

SHIIMBO SHA DAWIDI 9:11

Imbienyi Mndumii ai kulya Sioni, Onguonyi mbonyi tsake masangenyi kose.

YESAYA 28:16

kipfa kya isho Mndumii-Ruwa nahamba adi, “Ambuya ngawika iho kiidi kya Sioni, liwe otende, iho lii liheshe, iho lya ndumbenyi liwode wuhuru, otende lukahari lulechisingida; mwidiki echidima-dimapfo.

YESAYA 46:13

Inyi njiende wukiilohi woko hafui wochikaa haleshepfo, okiṟo loko lochikeleopfo; inyi njechiwika okiṟo loko ipfo ko Sioni kipfa kya Israeli wuitoṟi woko.

MAITALA 1:4

Kingise mndu-msoṟo umu o orio kishari nechikaa hamu nanyo, orio umu ai msongoru ipfo mmbenyi ya kishari kyake.”

YOSHUA 23:2

Kyasia, Yoshua kalaha Waisraeli wose na wanene wawo, wachili wawo, na wasongoru wawo kawawia, “Ambuyenyi inyi ngakuo, mmeku o maka sa ifoi;

YOSHUA 24:1

Kyasia, Yoshua kasanyia handu hamu shishari shose sha Waisraeli kulya Shekemu. Kalaha wameku, wanene, wachili, na wanene walya wengi wa Israeli wose wakacha na oshangunyi lo Mndumii-Ruwa.

1PETRO 2:6

Nkyo kiikiṟehye ipfo Biblienyi kehamba, “Ambuya. Ngawika ipfo Sioni iho liwanzi yose; iho lii-isale lii-iwikye wuindi. Na mndu moidikya-ho akuwode nalyo echihoyo sonupfo.”