1WAMANGI 7:21 - Bibilia Kui Mdedie fo Kimochi

²¹ Hiramu kahoṟotsa ngo kiidi kya mba ya hekalu, kahoṟotsa ngo ora lo kulyo kailaha rina nyi Yakini (nechiwanza), kahoṟotsa na ora lo kumoso, kalaha rina ni Boazi (kui na pfinya).

1WAMANGI 7:21 ပူးပေါင်းရင်းမြစ်များ

2SAMWELI 7:12

Kiheri ochipfa na iṟiko handu hamu na wa oshari lopfo wasonguo, njechidambikia wumangi wopfo ko mana opfo na njechiinenga wumangi woke pfinya ing'anyi.

1WAMANGI 6:3

Kawewika na kiṟiha ipfo mmbenyi wulandari wokyo meta (4:5) wokia ora lumu lo mba mṟasa ora lungi. Na kosoka ipfo osehu lo mba luwei meta (99).

1WAMANGI 7:12

Kiṟiha kya Mangi, kiṟiha kya mba ya Hekalu, na kiṟiha kya osehu kya Hekalu, shiwewode njomombo tsitsihekie njotasa tsa mriti ya mbau tsa meresi orio mbanga tsiṟaṟu tsa maho matsane.

1WAMANGI 7:22

Ngo tso tsikachopo kui ofano lo shiwaṟo shelaho yungiyungi. Na wudo iṟunda lya ngo lyikamarisika.

2MBONYI TSA MAHERI 3:17

Solomoni kawika ngo imu oralu lo nuka lo kichumi kya hekalu; kailaha nyi Yakini . Na ngo iya yakawi naleiwika oralu lo mtsudu lo kichumi kilya, kailaha nyi Boazi.

2MBONYI TSA MAHERI 4:13

kawesungusia mbanga tsiwi tsa shindo mbari ya makongomanga (400), kashilunga kui mbaṟi ya mnyoṟoṟo, shechopa ngo tsilya.

YESAYA 45:24

Umu nechinjiwia ko Mndumii amonyi, kuwode wulohi na pfinya; ee wandu wechihenda koke, na wose walemsuuya wachiṟeenze.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

MATAYO 16:18

Kyasia na inyi ngakuwia, “Iyo nyi Petro (mndu ai iho) na iho nyilyo njechilihekya siṟi yako. Nayo na shichumi sha Gehena shechiidima ifoyapfo.

WAGALATIA 2:9

Wakawemanya kya wutonga wo Ruwa njimsumbe, nawo nyi Yakobo na Kefa na Yohane iwo wawewodo cha ngo tsa mbedia wakaweluenenga owoko lo kulyo so na Barnaba lo mbadano. Nafo fuwei fuile, ke so luhende ko walya walai wadine, nawo wawehenda ko walya wadine.

OTAMBAHALUO LO YOHANE 3:12

Walya wechiwinza nyi njechiwamtana ngo tsa ipfo Hekalunyi lya Ruwa oko wechiwukapfo manyalepfo. Na inyi njechirehya huya yawo rina lya Ruwa oko na rina lya mṟi fo Ruwa oko, nyi Yerusalemu iya njihya yechisoka iwukye ipfo ruwehu ko Ruwa oko, Njechiṟehya-ho na rina lyako lilya lihya.

RUTI 2:19

Nahong'u mamii kambesa, “Inu nku ohenda itola. Nyi hanga oṟunda. Nawikio ona ichu akumanya.” Nao kaongoya mamii oke kya ichu aleṟunda koke, kahamba, “Mndu chu ngaṟunda koke inu rina lyake nyi Boazi.”

RUTI 4:21

na Salmoni kafee Boazi; na Boazi kafee Obedi;