1WAMANGI 7:2 - Bibilia Kui Mdedie fo Kimochi

² Kiidima kawika mba ilelaho, “Mmba ya ngeṟa ya Lebanoni.” Wuleshe woyo nyi wuwei meta (44), wulandari woyo meta (22), na wuleshe wohenda huye meta (13:5) iwei njiwike kiidi kya njotasa tsiṟaṟu tsa ngo tsa meresi, ngo-tso, tsilewadia mriti ya meresi ko ora lo huye.

1WAMANGI 7:2 ပူးပေါင်းရင်းမြစ်များ

1WAMANGI 10:17

Kasungusia ngawo njitutu 300 ko sahabu injisanje orio ngawo kilo 1:5, kiidima Mangi katsiwika kiidi kya mba injilahe mba ya Ngeṟa ya Lebanoni.

1WAMANGI 10:21

Shihia shose shenyo mvinyo sha Mangi Solomoni shiwei sha sahabu, na shihiya shose shiwei mbenyi Ngeṟa ya Lebanoni shiwei sha sahabu njicha, kuwewode kindo kiwei kisungusie kui maho ha fesa-pfo kipfa maho ha fesa hawei kindo kya wuhuru wung'anyi mandi-ho-pfo.

1WAMANGI 7:3

Orio otasa luwewode ngo (15), Kyasia tsose kotsisanza tsiwei ngo (45). Shiṟiha shilewiko huya ngo tso, kashiwikia makai ha mbau tsa meresi.

1WAMANGI 9:1

Mangi Solomoni kekimarisa iwika mba ya Mndumii-Ruwa na mba ya Mangi hamu na mba tsose awelangie itsiwika,

1WAMANGI 9:19

Na mṟi yake yose ya shikumbi, magari hake hekuruo na wedoya frasi wake, na orio kindo awekundi iwika kiidi kya Yerusalemu, Lebanoni ang'u handu hengi kiidi kya wumangi woke.

2MBONYI TSA MAHERI 9:16

Nalewesungusia na ngawo tsingi njitutu (300) tsa sahabu sa tsiwewode wulemeri wo kilo tsiwi tsa sahabu, na iwika ngawo tsilya tsose mbenyi yake ya wumangi sa iwekelaho nyi kiṟiha kya ngeṟa ya Lebanoni.

SHIIMBO SHA SOLOMONI 7:4

Nzingo yapfo ifananyi na mnaṟa fo ndumba; meso hapfo cha shinduwa sha Heshboni, kufui na mongo fo Beth-rabi; mbuo yapfo ifananyi na mnaṟa fo Lebanoni. Fuambuyanyi na Dameski.

YESAYA 22:8

Kikashika kawuta - ho kipfinyiko kya Yuda, na iyo noleambuya shisha shilya sha shida kiidi kya mba ya ngeṟenyi.