1WAMANGI 4:29 - Bibilia Kui Mdedie fo Kimochi

²⁹ Ruwa kainenga Solomoni wulaanyi na wuṟango wukaingiki; wuṟango woke wukaingika cha msanga fo wambaṟa ya ipalyipalyi fulawode kiheo.

1WAMANGI 4:29 ပူးပေါင်းရင်းမြစ်များ

MAWOOKIONYI 41:49

Yosefu kasanya Ngano cha msanga fo mbai ya ipalyi palyi, shifoi mnu, tane ada alaitala, kyamba shilawewode iitala.

1WAMANGI 3:12

ambuya njechiwuta chandu oterewa; ngakuinenga mrima fo wuṟango na wulaanyi wulalemewono ko walya wawesonguo na walya wechikuosha wechikukoyapfo.

1WAMANGI 3:28

Waisraeli wose wekiicho mbonyi i na chandu aledumbuo mondufu, wakaowuo Mangi; kipfa walewona ke wuṟango wo Ruwa wuwei kiidi kyake kundu naanduye wandu.

1WAMANGI 4:20

Kyasia, wandu wa Yuda na Israeli wawefoi cha msanga fo mṟingenyi, wakalya, wakanyo, wakachihiyo.

SHIIMBO SHA DAWIDI 119:32

Njechichumia faṟa kiidi kya njia ya mawawaso hapfo. Kometambaṟuo mrima foko.

SHIIMBO SHA DAWIDI 119:34

Kenjimanyisha na inyi njechiwada iwawaso lyapfo, ee da, njechiindia na mrima foko fose.

MFANANO 2:6

Kipfa Mndumii nekeinenga wandu wuṟango; Dumbunyi lyake kuwode wulaanyi na imanya shose,

KOHELETI 1:16

Ngawekusaṟa njechihamba, njiwode wuṟango kota wose wawenjisongoe kiidi kya Yerusalemu; ee da! Mrima foko fumonyi mfoeṟa fo wuṟango na wulaanyi woko.

KOHELETI 2:26

Kipfa Ruwa nekeinenga ulya amchihiṟie wuṟango, wulaanyi na sia; indi mdeko nekemneenga wukiwa, kasanyia na iwika kikumbinyi kundu nainenge ichu Ruwa amteseheṟiye. Isho nasho nyi wulya na maai.

YESAYA 60:5

Na lyondi ochiwona na iwikio saa, Na mrima fopfo fochidedema na iharama; mamiingi ya ipalyipalyi yechihalutsio kopfo, Na wusuṟi wo mkambo ya wandu wochikuchea.

YEREMIA 33:22

Chando nyenyeri tsa nginehu na msanga fo mbai ya ipalyipalyi fulechiwa itala, nyi wudo njechiengeṟa itala lya wufee wo mṟundi oko Dawidi na wakohanyi wa kishari kya Lewi na wudo wechiengeṟeka.”

DANIELI 2:21

O nyi ekeilacha maheri na chila yake; nekewuta wamangi, kawewika-ho, Wamangi na iwainenga wuṟango na wulaanyi, kainenga waṟango wusalari.

HABAKUKI 1:9

Wose wecha kundu wawute mkika; shaamu shawo shiembeṟutse cha otanu lo ora lo ngamenyi, nawo wekesanyia wapfungo wa shida cha msanga.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

YAKOBO 1:5

Indi kokoya ipfo konu kwipfo atoṟowae wuṟango, o naterewe Ruwa chu ekenengya wose alasambuṟa alechideda mndu na echienengo.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

WACHILI 7:12

Wamidiani, Wameleki na wandu wose wa ora lo ngamenyi walelaa pichinyi cha nzihe, na ngamia tsawo tsilechiwa italo, tsifoi cha msanga fo wambaṟa lya ipalyipalyi.