1WAMANGI 4:26 - Bibilia Kui Mdedie fo Kimochi

²⁶ Solomoni nawewikie matengo shiku makumi hana (40,000) kipfa kya frasi tsekuruo magari hake, na waskari wewikia mteṟa na frasi shiku ikumi na shiwi (12,000).

1WAMANGI 4:26 ပူးပေါင်းရင်းမြစ်များ

2SAMWELI 8:4

Dawidi kaduo masinga waskari wa frasi kiku kimu mahana mfungade (1,700) na waskari wa madende shiku makumi hawi (20,000). Dawidi kafunja madende ha frasi tsekuruo makari ha shida, kakutsuhaṟia frasi tsishikie ikuruo magari ha shida ihana (100) tupu.

1WAMANGI 4:27

Wandu walya wake ikumi na wawi (12) orio umu alehawio meri foke, kaweduo kando kashike kipfa kya Mangi na walya wa kanyi koke. Orio umu kawona kimshikie.

1WAMANGI 9:19

Na mṟi yake yose ya shikumbi, magari hake hekuruo na wedoya frasi wake, na orio kindo awekundi iwika kiidi kya Yerusalemu, Lebanoni ang'u handu hengi kiidi kya wumangi woke.

2MBONYI TSA MAHERI 1:14

Solomoni kasanyia handu hamu, makari hekuruo, na frasi; nawewode maaskari wa shida (1,400) na makari hawo, na frasi (1,200). Nalekaa na maata kulya Yerusalemu, na wengi kawaṟaṟanja mṟinyi ingi.

2MBONYI TSA MAHERI 9:25

Mangi Solomoni nawewode shiṟiha (4,000), shewika frasi tsake na magari hake hekuruo. Nawewode frasi (12,000), na nawetsiwikie kulya Yerusalemu na mṟi ingi ya oruka loke.

SHIIMBO SHA DAWIDI 20:7

Iwa wahamba magari, na iwa frasi, Indi so losenda Rina lya Mndumii, Ruwa odu.

NGUMBUO YA MAWAWASO 17:16

Ma kudo, mangi nalawade frasi tsifoi tsii tsake amonyi, manya nalawihiṟe wandu na Misri ihuṟapfo frasi; kyamba Mndumii-Ruwa namututuma, ‘Mulawuyese na Misri manyale.’