1WAMANGI 4:25 - Bibilia Kui Mdedie fo Kimochi

²⁵ Kiheri kyose kya wuitoṟi woke, wandu wose wa Yuda na wa Israeli wawei kipuo, orio mndu kakaa kanyi koke wanda ya mashidi mecha na madema hake ha msabibu.

1WAMANGI 4:25 ပူးပေါင်းရင်းမြစ်များ

2SAMWELI 17:11

Ngakuterewa nosanyie wandu wa oruka lose lo Israeli, handu hamu nohende nawo uwasongoye shidenyi iyo kumonyi.

2SAMWELI 24:15

Kyasia, Ruwa kadika ndaṟe injiwicho kulya Israeli ngamenyi iya; ikakaaho mfiri iṟaṟu. Ikawaha Waisraeli shiku makumi mfungade (70,000) orukenyi kose lo Israeli kuwuka Dani mṟasa Beer-sheba.

2WAMANGI 18:31

Mulaadanyie Hezekia, kipfa o mangi o Ashuru nahamba, ‘Muwade ofoṟo na inyi, kudambikienyi koko. Mukawuta mudo orio umu onu nechiidima ilya ndunda tsa msabibu foke na ndunda tsa mashidi ha mkuyu foke amonyi na mṟinga fo ṟungu lyake amonyi,

1MBONYI TSA MAHERI 22:9

Njechikuinenga mana o womi, nao nechiwa mangi, nachilie oruka lose ko ofoṟo. Rina lyake nyi echilaho nyi Solomoni, kipfa kiheri kya wumangi woke njechitana Israeli yose iwe na ofoṟo na olele.

YESAYA 36:16

Mulaadanyie Hezekia;’ kipfa mangi ya Ashuru nahamba adi, “Wadenyi mbuya na inyi, kurenyi muche injisahiya, mulye orio mndu ndunda tsa msabibu yake, na ndunda tsa mkuyu yake, muwenyo orio umu mṟinga fo nduwa yake amonyi;

YESAYA 60:18

Wulang'a na mtambo shechiwonose orukeni lopfo-pfo, Inyamaṟika na fowa shechisia kopfo. Indi nochilaha mawanda hapfo, “Okiṟo,” Na mongo yapfo, “Kiṟumi.”

EZEKIELI 38:11

ochihamba njikeri ihenda ikapa oruka lulawode njomombo na wandu waipfo nyi wakeri na ofoṟo. Iwo wose nyi wakuleye mṟinyi ilawode njomombo; manya mongo manya ilawode kyepfunga.

EZEKIELI 39:26

Kyamba ili mandi wechikaase orukenyi lowo kui ofoṟo na olele, manya walawonyi se mndu mowaowesha, ambuya nyi wechihadima sonu tsawo na mawicho halya walenjiwutia.

MIKA 4:4

Orio mndu nechikukaya kwi olele wanda ya mashidi ha msabibu yake, alechiowesho nyi mndu oose. Mndumii-Ruwa ahamba isho amonyi.

ZEKARIA 3:10

Kiidi kya mkonu fulya mochilaha orio mndu na wamṟasa oke wanda ya msabibu na ikidi lya ndunda.

WACHILI 20:1

Wandu wose wa Israeli, wokia Dani itane Beer-sheba, hamu na wandu wa oruka lo Gileadi, oshari lose walekusanzia ipfo Mispa, oshangunyi lo Mndumii-Ruwa.

1SAMWELI 3:20

Wandu wose orukenyi kose ko Waisraeli wokia Dani, ora lo mtsudu, ushikye Beer-sheba, ora lo nuka, wakamanya ke Samweli nawei mwikimbi mhendeli o Mndumii-Ruwa.