1WAMANGI 4:24 - Bibilia Kui Mdedie fo Kimochi

²⁴ Ee naweitoṟie oruka lose lo meda Eufrarte kya ora lo kyukanyi wokia Tifsa mṟasa mṟi fo Gaza, iwei kiidi kya wumangi woke, kawekuwadia ofoṟo na njoruka tsa mṟasenyi.

1WAMANGI 4:24 ပူးပေါင်းရင်းမြစ်များ

MAWOOKIONYI 10:19

Mṟasa fo Wakaaanani fuwewokie Sidoni kya wohenda Gerari tane Gaza; na kya wohenda Sodoma, na Gomora na Adma, na Seboimu, tane Lasha.

1WAMANGI 4:21

Wumangi wo Solomoni wukawokia meda fo Eufrate mṟasa oruka lo Wafilisti, kashika mṟasenyi na Misri. Wandu wose wakaṟundia Mangi, wakataa okamba kiheri kyose kya moo foke.

1WAMANGI 4:23

Mmbe nnoru ikumi (10) na mmbe tselisa makumi hawi (20), machondi ihana (100) handu hamu na sariha, sumbuda, mburu tsa nja na nguku njinoru.

1WAMANGI 5:4

Kyaindi wulalu Mndumii-Ruwa, Ruwa oko amenjinenga ofoṟo njora tsose, njiwode-se mkituwa ma wukiwapfo.

1MBONYI TSA MAHERI 22:9

Njechikuinenga mana o womi, nao nechiwa mangi, nachilie oruka lose ko ofoṟo. Rina lyake nyi echilaho nyi Solomoni, kipfa kiheri kya wumangi woke njechitana Israeli yose iwe na ofoṟo na olele.

2MBONYI TSA MAHERI 9:26

Nalechilia wamangi wa mkambo yose kuwokia ora lo mtsudu lo meda fo Eufrate, mṟasa ora lo nuka lo oruka lo Wafilisti, na isoka mṟasa ishika mṟasenyi fo Misri.

SHIIMBO SHA DAWIDI 72:11

Ee Wamangi wose wamwiindie, na mkambo ya wandu wose wamṟundie.

SHIIMBO SHA DAWIDI 72:3

Mafumvu hechifeeye wandu ofoṟo, na shitoṟomoso wusumhanyi.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YEREMIA 47:1

Idedo lya Mndumii-Ruwa lilechea Yeremia mwikimbi kya Wafilisti, Farao alamesaṟikia mṟi fo Gaza.

LUKA 2:14

“Kiṟumi nyi kya Ruwa kulya huye, na orukenyi nyi ofoṟo, ipfo ko wandu wakundikie!”

WACHILI 1:18

Wandu wa kishari kya Yuda walewadase mṟi ya Gaza na ora lofo; Ashkeloni na ora lofo; na Ekroni na ora lofo.

WACHILI 16:1

Mfiri fumu Samsoni kahenda mṟinyi fo Gaza, kakoyana na mka umu mmeluki kalaa nao.