1WAMANGI 4:22 - Bibilia Kui Mdedie fo Kimochi

²² Kelya sa Solomoni awekundi ko mfiri fumu, kiwei madewe mahana haṟaṟu na makumi haṟandaṟu (360) ha mso mmamiri, na madewe mahana mfungade na makumi hawi (720) ha mso tupu.

1WAMANGI 4:22 ပူးပေါင်းရင်းမြစ်များ

1WAMANGI 10:5

Ngoseṟa kekiwona kando kaleendo na mesenyi koke, chando wanjama waledamia mesenyi, chandu waṟundi wawehidie na mṟaye yawo, na walya weṟutsa na mwaano yekoṟa aleinenga Mndumii-Ruwa, nalewa mkahai na iṟihiyo ling'anyi.

1WAMANGI 4:21

Wumangi wo Solomoni wukawokia meda fo Eufrate mṟasa oruka lo Wafilisti, kashika mṟasenyi na Misri. Wandu wose wakaṟundia Mangi, wakataa okamba kiheri kyose kya moo foke.

1WAMANGI 4:23

Mmbe nnoru ikumi (10) na mmbe tselisa makumi hawi (20), machondi ihana (100) handu hamu na sariha, sumbuda, mburu tsa nja na nguku njinoru.

1WAMANGI 5:11

na Mangi Solomoni kainenga Hiramu Ngano madewe shiku mahana hawi na makumi hana (240,000), na mafuda mecha madewe mahana hawi (200), orio maka kipfa kya wandu wake.

2MBONYI TSA MAHERI 9:4

Na shelya sa shiwei mesenyi koke, na iwona chandu wasongoru na waṟundi wake wawewaṟudia mesenyi, na nguwo tsawo waweṟee; na shidaso shemaya modonyi sa alewutia Mndumii-Ruwa kulya hekalunyi, naleṟihio ma alamanye kindo kededa.

NEHEMIA 5:18

Kundu wandu wa waidime ihuda nyi njiwekeshinjio ipung'a limu na suwa tsiṟandaṟu handu hamu na nguku. Orio mfiri fo ikumi nyi njiwekewuta shisoṟo shifoi sha mvinyo. Kyamba wandu wa nyi wawekudikie mhanda mlemeri mnu njilewawesa ngoseṟa ya ishi pfo.

MFANANO 24:4

Na kui imanya shiṟiha shake shikaichuṟo Shindo shose sha wuhuru na shechihiṟa.

KOHELETI 5:11

Masaa hakafo na welya wawefo; na menyi osho nechiiriaho ki, sile nyi iambuya na meso hake tupu?

DANIELI 1:5

Kyasia mangi iya ikawawasa ke wainengo kelya kya mangi na mvinyo fulya ekenyo handu ha maka iṟaṟu, numa waendose ko mangi.

1SAMWELI 8:12

Nechisambuṟa o amonyi wengi wawe wasongoru wa shidenyi wa matorito ha shiku, na wengi wawe wasongoru wa matorito ha makumi hatanu, makumi hatanu. Nechihaluo wengi wamdemie madema hake na imsambuya shilimu shake. Nechitana wengi wamsungusie shisha sha shidenyi, na wengi wamsungusie shiombo sha magari hake.