1WAMANGI 4:20 - Bibilia Kui Mdedie fo Kimochi

²⁰ Kyasia, wandu wa Yuda na Israeli wawefoi cha msanga fo mṟingenyi, wakalya, wakanyo, wakachihiyo.

1WAMANGI 4:20 ပူးပေါင်းရင်းမြစ်များ

MAWOOKIONYI 13:16

Njechipfumbutsa luwa lyapfo cha kiluli; na kokoya mndu kechiidima iitala kiluli, na luwa lyapfo nawo nechiidima iliitala.

MAWOOKIONYI 15:5

Kamwiitsa na nja, kahamba, “Keambuya ipfo ruwehu wulalu, keitala nyenyeri, kokoya kochiidima itsiitala. Kammbia nyi wudo oshari lopfo lochipfumbuka.”

MAWOOKIONYI 22:17

iwikya mboṟa njechikuwikia mboṟa, na ipfumbutsa, njechipfumbutsa oshari lopfo cha nyenyeri tsa ruwehu na cha msanga fo ipfo mawambao ha ipalyipalyi na oshari lopfo lochiitoṟia wakituwa wapfo;

MAWOOKIONYI 32:12

Na iyo kulehamba, ‘Nkya lohi njechikuwutia mecha, na inyi njechipfumbutsa ufee wopfo wufo cha msanga fo ipalyipalyinyi fuleewa iitala kyamba fufoi.’”

1WAMANGI 3:8

Ambuya, na inyi kisinga kyapfo njii kiidi kya wandu wafoi walechiwa italo ma imanyika washikie itala lida, kipfa nyi wafoi.

1WAMANGI 4:29

Ruwa kainenga Solomoni wulaanyi na wuṟango wukaingiki; wuṟango woke wukaingika cha msanga fo wambaṟa ya ipalyipalyi fulawode kiheo.

1WAMANGI 5:9

Wandu wako wechiinga matuṟuma wahawute Lebanoni mṟasa ipalyipalyinyi, wahapfunge mhanda kui mhanda hache huya mṟinga kipfa hechiidima isoṟowiapfo mṟasa handu halya ochinjiwia. Hakameshika pfo hechipfunguyo, na iyo uhaambilie. Ko ora lopfo iyo nochinnenga kando kipfa kya wandu wa kanyi koko.”

2WAMANGI 18:31

Mulaadanyie Hezekia, kipfa o mangi o Ashuru nahamba, ‘Muwade ofoṟo na inyi, kudambikienyi koko. Mukawuta mudo orio umu onu nechiidima ilya ndunda tsa msabibu foke na ndunda tsa mashidi ha mkuyu foke amonyi na mṟinga fo ṟungu lyake amonyi,

1MBONYI TSA MAHERI 12:39

Kyasia, wakakaa na Dawidi handu ha mfiri iṟaṟu wechilya na inyo; kipfa wana wa mae wawo wawekuṟeheṟiye ko kelya kipfa kyawo.

1MBONYI TSA MAHERI 22:9

Njechikuinenga mana o womi, nao nechiwa mangi, nachilie oruka lose ko ofoṟo. Rina lyake nyi echilaho nyi Solomoni, kipfa kiheri kya wumangi woke njechitana Israeli yose iwe na ofoṟo na olele.

YOBU 1:18

Alamehusa ideda, ungi kashika kambia, “Wana wapfo wa kisoṟo na wa kika wawei ilya na inyo mvinyo kanyi ko wawawo.

MFANANO 14:28

Wuitoṟi wo mangi nyi mfoeṟa fo wasoṟo, Indi wandu waangu nyi inyamaṟika lya mnene owo.

KOHELETI 2:24

Mndu o wandu awode kicha kada ilya na inyo, na iwihiṟia moo foke na shicha kiidi kya iṟunda lyake-pfo. Isho shiwukie owokonyi ko Ruwa.

YESAYA 22:13

Ate, sia na ikesa, na ishinja mbe, na ishinja machondi, na ilya nyama, na inyo mvinyo; lulye, lunyo, kipfa lupfa ngama.

MIKA 4:4

Orio mndu nechikukaya kwi olele wanda ya mashidi ha msabibu yake, alechiowesho nyi mndu oose. Mndumii-Ruwa ahamba isho amonyi.

ZEKARIA 3:10

Kiidi kya mkonu fulya mochilaha orio mndu na wamṟasa oke wanda ya msabibu na ikidi lya ndunda.

ZEKARIA 9:15

Mndumii menyi Matorito nechiwaringa; Wechilya wawechuma maho ha odeho, Wechinyo na ifahya kipfa kya mvinyo, Wechiichuṟo cha mboṟiko, cha membe tsa rasyonyi.

MAWUTO HA WASU 2:46

Na mfiri yose nyi wawetsindye ipfo hekalunyi wai na ngoo imu wechifunja mkate mba kui mba na yambya shelya shawo na sia na kui ngoo njikesi.

1SAMWELI 30:16

Manakye ulya kaduo Dawidi mtano handu ichekeṟo lilya lyiwei. Wekishikapfo walekooya ichekeṟo lilya linyanyaṟikie orio handu kyamba waweliie na inyo kipfa shindo walewada kuwuka ko Wafilisti na orukenyi lo Yudaya shiwefoi, mnu nakamu.