1WAMANGI 3:9 - Bibilia Kui Mdedie fo Kimochi

⁹ Ko ikyo ngakuterewa unjinenge inyi kisinga kyapfo mrima fo wuidiki na wuṟango wo manya mecha na mawicho njiweidima ianduo na idumbuo chila kiidi kya wandu, kipfa nyiu echiidima isongoya na ianduo kiidi kya wandu, wafoi wadi?”

1WAMANGI 3:9 ပူးပေါင်းရင်းမြစ်များ

2SAMWELI 14:17

Ngahamba, ke lochiwona ofoṟo se, kipfa njiichi iyo Mangi nokeri cha malaika o Ruwa, nochiidima itambahaluo mecha na mawicho. Mndumii-Ruwa nakae na iyo.”

1WAMANGI 10:24

Wandu wa njoruka tsose wakawado nyi msiha fo ihendia Solomoni kundu waadanyie wulaanyi woke iwo Ruwa awemsumbie.

1WAMANGI 3:10

Idedo li likachihiṟa Mndumii, kipfa Solomoni aleliterewa.

1WAMANGI 3:28

Waisraeli wose wekiicho mbonyi i na chandu aledumbuo mondufu, wakaowuo Mangi; kipfa walewona ke wuṟango wo Ruwa wuwei kiidi kyake kundu naanduye wandu.

1MBONYI TSA MAHERI 22:12

Nakuinenge wulaanyi na wuṟango kundu noidime ichilia Israeli yose kui mawawaso hake.

1MBONYI TSA MAHERI 29:19

Hoi Mndumii keinenga Solomoni mana oko mrima fo langa iindia mawawaso na mloshie yapfo; na mrima fo langa isungusia hekalu li ngameliteseheṟia shihia shalyo.”

2MBONYI TSA MAHERI 1:10

Njinenga wuṟango na wulaanyi, kundu njiidime ichilia isanga li lyapfo ling'anyi lidi.”

SHIIMBO SHA DAWIDI 119:144

Wusumhanyi wo wuṟingishi wopfo nyi wo mlungana, Kenjimanyisha, na inyi njiwone moo.

SHIIMBO SHA DAWIDI 119:34

Kenjimanyisha na inyi njechiwada iwawaso lyapfo, ee da, njechiindia na mrima foko fose.

SHIIMBO SHA DAWIDI 119:73

Mawoko hapfo halenjiwika hakanjisungusia, kenjimanyisha njikuloshe mawawaso hapfo.

MFANANO 14:8

Wuṟango wo mndu mlaanyi nyi imanya njia yake; Indi wutondo wo matondo nyi wulembi.

MFANANO 16:16

Chi nanga iwada wuṟango kota sahapu? Ee da, nanga isambuṟa imanya kota fesa.

MFANANO 20:12

Kudu kokeadanyia, na riso lyewona, Mndumii nyio alewika shose shishiwi.

KOHELETI 7:11

Wuṟango wui wucha cha kyooṟa; Ee da! Wui wucha cha wewona mnengeṟi.

KOHELETI 7:19

Wulaanyi woketana mndu awode wuṟango nawade pfinya kota waitoṟi ikumi wa mṟinyi.

YEREMIA 1:6

Nalyondo njilehamba, “Hoi, Mndumii-Ruwa! Ambuya, njechiidima ideda-pfo kipfa inyi njii mana mtutu.”

YEREMIA 45:5

Ale, iyo nyi uishiha mbonyi tsikung'anyie? Kulatsishihe! Lekana natso, kipfa njechiende orumatso huye ya wandu wose. Inyi Mndumii-Ruwa ngahamba. Iyo oṟimiṟa lopfo nyi ilu: njechiringa moo fopfo orio handu ochihenda.”

DANIELI 2:21

O nyi ekeilacha maheri na chila yake; nekewuta wamangi, kawewika-ho, Wamangi na iwainenga wuṟango na wulaanyi, kainenga waṟango wusalari.

MATAYO 3:11

Kyako inyi nyi njekepatisa na mṟinga kya idumbuya, indi ichu echicha numa yako, nao nyi anjing'anyie, njilasumhanyi ma iduo shadu shake, icho nyi echimpatisa na Mumuyo Mwele na modo.

MATAYO 3:14

Yohane kamlehialehia kahamba, “Nyio inyi njiwechiwona njechipatiso nyi iyo, indi iyo kowuya icha na koko?”

YOHANE 5:30

“Inyi ngaidima iwuta kindo kii kya chila yakopfo. Njekeanduo mondu mdumbuye fuidikyanyi na kilya ngaicho njewio nyi Wande, na mdumbuye foko nyi fusumuhanyi. Kindo njiiwalya chi kilya njikundi inyipfo; kya indi nyi kilya ichu alenjiduma akundi.

2 WAKORINTO 2:16

Kya iwo wamu m mpfaamo fo opfu fuwaendie opfu, kya iwo wengi mpfamo fo moo fuwaendie moo. A nyiwu asumuhanyi ipfuṟukanya shindo shi ngesa?

2 WAKORINTO 3:5

Chi lui watechi wokusaṟa kindo cha ili kiwewukye kodufo, kya indi wutechi wodu wuparikye ko Ruwa.

WAEFESO 5:17

Nkyo kimaduma mulawe cha ili mui wadumbwo mdo, kya indi muidikyane na kilya Mndumii akundi.

WAFILIPI 1:10

Kundu mushike iletsana shindo shilaidikyanyi, mukae mui-waheshe senyi imu ileewa ihutso itane mkonu fulya fo Kristo.

WAEBRANIA 5:14

Indi shelya shumu shisumhanye wandu watimie, nyiwo wandu wawode pfinya tsetichia shindo tsii njiohishe kui mwichiwie tsewa iletsa kicha na kiwicho.

YAKOBO 1:5

Indi kokoya ipfo konu kwipfo atoṟowae wuṟango, o naterewe Ruwa chu ekenengya wose alasambuṟa alechideda mndu na echienengo.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.