1WAMANGI 3:26 - Bibilia Kui Mdedie fo Kimochi

²⁶ Nalyo ulya mana oke ai na moo kawia Mangi kipfa nalewawio nyi moo, “Hoi Mndumii oko, mnenge mana cho ai na moo ma kulambahe.” Kyaindi ulya ungi kahamba, “Nalawe opfo ma oko; napaṟo.”

1WAMANGI 3:26 ပူးပေါင်းရင်းမြစ်များ

MAWOOKIONYI 43:30

Yosefu kaitika owinyi, kipfa kya ili mrima foke awewodo nyi macha ha manomae, kapfula handu hefihiṟia, kaida na kiṟihenyi kyake kafihiṟiapfo.

1WAMANGI 3:25

Mangi kahamba paṟenyi mana chu ai na moo muinenge orio umu opaṟo lo mana.”

1WAMANGI 3:27

Nalyo Mangi kahaluo kahamba, “Inenga ichu o kuwoka mana cho ai na moo, kipfa nyio mae.”

SHIIMBO SHA DAWIDI 39:3

Mrima foko fukawa modo kiidi kyako, kiidi kya makusaṟo hako modo fukaaka, njilededa kui olimi loko.

YESAYA 49:15

Ngesa mndu mka nechiidima ihadima mana oke aionga, alechisaṟia mana o wusu woke?” Ee, iwa wechiidima ihadima, kyaindi Inyi njechiidima ikuda na ikuhadima iyo-pfo.

YEREMIA 31:20

Efraimu nyi manoko mkunde; o nyi manoko mkunde mnu. Nkyo kitewe orio mandi ngamwowesha, ngaweengeṟa imkumbuo. Mrima foko fumwindukie ko mecha; na lohi njechimsaṟia. Nyi inyi Mndumii-Ruwa ngahamba.

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

WAROMA 1:31

Kindo kilai nawo nyi osaṟe, nyi wuhendeli, kindo kilai nawo nyi sonu, kindo kilai nawo nyi iichio mndu wukiwa.

WAFILIPI 1:8

Kipfa Ruwa akuichye chando njiwodo nanyo mmacha mose kui mweṟeṟukye fo Kristo Yesu.

WAFILIPI 2:1

Itutumo kui Kristo na yanjaṟyo kui ikunda na ipfungana kui Mumuyo na ililia mndu na imwichio wukiwa kokoya ho hakuwode-se nanyo.

2TIMOTEO 3:3

Wa ngarama, walaichi mma, weduo wengi sumu, wapfupfunae mrima, washimbi, wasuo orio kii kicha kyose.

1YOHANE 3:17

Indi kokoya kwipfo awode shichoṟe shewanza moo fo wuyana-wu nao kaambuya manomae ashiwuṟye nao kampfungya ngoo, nyi wuda ikunda Ruwa lyekaa nao ngesa?