1WAMANGI 3:14 - Bibilia Kui Mdedie fo Kimochi

¹⁴ Komeindia mawawaso hako na injiindia chandu ndeo Dawidi alewuta, njechiengeṟa maka yapfo ifoi.”

1WAMANGI 3:14 ပူးပေါင်းရင်းမြစ်များ

1WAMANGI 11:34

Ma kudo, njechimsoka wumangi wose pfo, ma njechimsoka wuitoṟi ohendonyi lo mo foke pfo, kipfa kya mṟundi oko Dawidi sa njilemsahuo, na sa aleindia mawawaso hako na wusongoru woko.

1WAMANGI 15:5

Kipfa Dawidi nalewuta shisumhanyi oshangunyi lo Mndumii ma aledeko kiidi kya shilya alewawasio, mfiri yose ya moo foke pfo, shile na kiidi kya mbonyi iya ya Uria, Mhiti.

1WAMANGI 3:3

Solomoni kakunda Mndumii, kaweosha njotende tsa ndee Dawidi, kawewuta shichihiṟie Ruwa, kyaindi kawewika kidaso handu hakuirie, kawepfamiṟa handu hakuirie.

1WAMANGI 3:6

Solomoni kahamba, “Nolewutia isinga lyapfo wande Dawidi osaṟio lung'anyi, chando alekuosha kiidi kya wulohi na wahendeli wose, kui mrima foke fuwei na iyo; kui isaṟia lyapfo komnenga modamia loṟikehu loke lo wuitoṟi chandu kikeri inu.

1MBONYI TSA MAHERI 28:7

Njechitana wumangi woke wuwe wo mlungana kokoya nechikaa kechiindia ko mrima mawawaso na mdumbuye yako yose, chandu akeri iwuta wulalu.

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

2MBONYI TSA MAHERI 29:2

Nalewuta mecha oshangunyi lo Mndumii-Ruwa, chandu sahuye o Dawidi alewuta.

2MBONYI TSA MAHERI 34:2

Nalewuta mecha oshangunyi lo Mndumii-Ruwa. Naleoshana na mchumie fo sahuye o mangi Dawidi, kaindia mawawso ha Mndumii-Ruwa ko mrima foke fose.

SHIIMBO SHA DAWIDI 132:12

Wana wapfo wawada mawawaso hako, na wuṟingishi njechiwalosha; Wana wawo nawo wechidamia loṟikehu lopfo lo wuitoṟi mlungana.

SHIIMBO SHA DAWIDI 21:4

Nalekuterewa moo, komneenga, Kiheri kya Mfiri ifoi, mlungana na mlungana.

SHIIMBO SHA DAWIDI 21:5

Kiṟumi kyake nyi king'anyi ko okiṟo lopfo, Wuindi na pfinya kowika huyake.

SHIIMBO SHA DAWIDI 91:16

Kui maheri hafoi njechimwihutsa, na inyi njechimloṟa okiṟo loko.

MFANANO 3:16

Nyi awode mfoeṟa fo mkonu owokonyi loke lo kulyo Wusuṟi na wuindi owokonyi loke lo kumoso.

MFANANO 3:2

Kipfa nochiengeṟyo mkonu ifoi, Na maaka ya moo na ofoṟo.

ZEKARIA 3:7

Mndumii menyi Matorito nahamba adi, Kokoya owada wuwawaso woko, kowechumia njienyi tsako nlyong'u ochianduo kya mba yako, nochiringa njosa tsako, njechikuinenga mwaanya fosembelia afui na walya wehoṟoka hafui.

MAWUTO HA WASU 13:22

Kekiidima imbuta-ho icho kawaamtsya Dawidi nawe mangi yawo kamṟingishya kehamba, ‘Ngawona Dawidi ai mana Isai echiwa mowuta shilya inyi njikundi shose.’

NGUMBUO YA MAWAWASO 25:15

“Heshienyi na shindo sheheshia shiwode wulemeri wo lohi kundu muidime iwada moo mleshe iya orukenyi Mndumii-Ruwa, Ruwa onu aimuinenga.

NGUMBUO YA MAWAWASO 5:16

“India ndeo na mayo, chandu inyi Mndumii-Ruwa, Ruwa opfo njikuwawasa; wuta kudo kundu nowade moo mleshe na mboṟa kunu orukenyi njikuinenga.

NGUMBUO YA MAWAWASO 5:33

Haindienyi hose chando Mndumii-Ruwa, Ruwa onu, amuwawasa kundu mbonyi tsanu tsimuhendie necha nanyo muidime ikaa na moo mleshe ipfo orukenyi muihenda luwe masaa hanu.

1TIMOTEO 4:8

Kya ikutsana lya mbaṟi ya kii-nyama mbucha iwukie-ho nyi sa ntutu. Indi wuindi wulya woengeṟia shose mwengeṟya fo wucha ili fumbikie kyasa kicha kya moo fo wulalu na kya fulya fungi fochicha.