1WAMANGI 22:22 - Bibilia Kui Mdedie fo Kimochi

²² Mndumii kambia, ‘Kuda?’” Kahamba, “Njechikure njiwe mumuyo o wongo dumbunyi lya waikimbi wake wose kahamba, ‘Nochimlemba, na iwinga, kure uwute kudo.’

1WAMANGI 22:22 ပူးပေါင်းရင်းမြစ်များ

WACHILI 9:23

Mndumii-Ruwa kadika mumuyo fo wukituwa kiidi kya Abimeleki na wandu wa Shekemu, nawo wakamleha.

1SAMWELI 19:9

Naho, mṟufu mmbicho fuwuka ko Mndumii-Ruwa fukaranga Sauli kiheri awedamie kanyi koke awode pfumu owokonyi, kiherikyo Dawidi nawekeri ikapa uda.

1SAMWELI 16:14

Lyefurumia mumuyo fo Mndumii-Ruwa fukawuka ko Sauli, na mṟufu mmbicho fuwuka ko Mndumii-Ruwa fukamlisa wukiwa.

OTAMBAHALUO LO YOHANE 20:10

Na mtengeti ulya awewatandawusha kaombotso ipfo nduwenyi ya modo. Hondo na indo lilya likeri handu hamu na mwikimbi mowongo. Wechituro mfiri na kio maheri hose halunganyi.

OTAMBAHALUO LO YOHANE 13:14

Na maṟiho aleenengo ihawuta oshangunyi lo indo lilya nyiho lyatandawusha naho walya wai iya wuyana lyechiwawia ke watane mfano fo indo lilya liwode kifaṟe kya oshu likawada-ho ikaa na moo.

EZEKIELI 14:9

Kyaindi kokoya mwikimbi ahamba wongo kechihamba nyi inyi Mndumii njilemlemba nyi njechihoṟuo owoko loko huye yake na imfuna kiidi kya wana wako wa Israeli.

YOBU 12:16

O nawode pfinya na wulaanyi; wekelembo na ilemba nyi wake.

1WAMANGI 22:20

Mndumii kahamba, ‘Nyiu echilemba Ahabu, kundu nado na Ramothi-Gileadi naoloke?’ Ichu kahamba wulyiwe na ichu wulyiwe.

1SAMWELI 18:10

Ilyi lya ngama mṟufu mmbicho fowuka ko Ruwa oweṟe fukapufukia Sauli, kawooka ideda sheeṟe cha mndu awodo nyi oṟuuṟe kulya kanyi koke. Dawidi nawekeri ikapa uda chandu aweichiwie mkonu yose. Sauli nawewode pfumu owokonyi loke;

OTAMBAHALUO LO YOHANE 20:7

Ili maka iya kiku kimu yechisia Satana echilekio ipfo kipfungyonyi kyake.

OTAMBAHALUO LO YOHANE 20:3

Malaika ulya Kamombotsa ipfo kamshingya-ho kahakapya mhuri kundu nalakitandawushese mkambo ya wandu itane maka iya kiku kimu yechisia yose. Ikamesia kiwaṟi nalekio ko kiheri kyangu tupu.

OTAMBAHALUO LO YOHANE 17:17

Kyamba Ruwa alehomoya ngoonyi tsawo iwuta kilya aikihia wawe wechikiwuta na mhie fumu na yenenga indo lyo wumangi wowo itane madedo ha Ruwa haawukya.

1YOHANE 4:6

So nyi ipfo ko Ruwa lupaṟikye. Mokimanya Ruwa nyi aluicho. Ichu alapaṟikye ko Ruwa ekeluichopfo. Lyo nyilyo lyaluinengya imanya Mumuyo o kii-lohi na mumuyo fo wongo.

1TIMOTEO 4:1

Indi mumuyo ahambie na pata ke shiheri sha numa kochiwoneka wewuka wuidikinyi wechiku-wada na mumuyo idetsa wandu na mhambo ya waṟufu wawicho.

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

SHIIMBO SHA DAWIDI 109:17

Nao nalekunda isesa, nalo lukamhoya. Alekunda iwikia mboṟapfo; ikakaa haleshe nao.

1WAMANGI 22:21

Kukacha mumuyo kahoṟoka oshangunyi lo Mndumii kahamba, ‘Inyi njechimlemba.’

2WAMANGI 3:13

Elisha kawia Mangi o Israeli, “Nkiki kyapfo na inyi? Henda ushihe wulaanyi ko waikimbi wa ndeo na waikimbi wa mayo.” Mangi o Israeli kambia, “Ote chi wudo pfo!, Nyi kipfa Mndumii-Ruwa nyio akoyanyisha wamangi wa waṟaṟu nawadambike mawokonyi ha Moabu.”

ZEKARIA 13:2

Mkonu naafo marina ha sanamu hechidetso, nyi wudo Mndumii menyi Matorito ahamba, kuwode echiidima ihakumbuo sepfo, na wudo na waikimbi, na mumuyo fo ngafu fose wawingio wafuno kiidi kya oruka.

1WAMANGI 13:18

Nao kambia, “Ma inyi na mwikimbi cha iyo, na malaika kanjiwia kui idedo lya Mndumii, kehamba, mbihiṟe hamu na iyo kanyi kopfo, nalye kelya, nanyo mṟinga.” Kyaindi nalehamba wongo.

YOBU 1:12

Mndumii-Ruwa kawia Satana, “Ngakuinenga momu fowuta chandu ochiidima kya masaa ho; kyaindi o amonyi ulampaaye.” Kyasia Satana kawuka oshangunyi lo Mndumii-Ruwa.

YESAYA 19:14

Mndumii amonyi nyi awika mumuyo fo wukahari kiidi kya mrima fo Misri, nawo wakadekesha Misri kiidi hya mawuto hake hose, cha mndu mnanzi ekehenda ipfo na ipfo kechidaika.