1WAMANGI 20:34 - Bibilia Kui Mdedie fo Kimochi

³⁴ Ben-Hadadi kambia, “Mṟi iya wande oko alesoka ndeo njechiiwihiṟa, na iyo nochikuwikia tumo ipfo Dameski, chandu ndeako aleiwika ipfo Samaria.” Ahabu kahamba, “Inyi njechikuda ko maidikiano ha,” wakaidikiana, kamda.

1WAMANGI 20:34 ပူးပေါင်းရင်းမြစ်များ

1WAMANGI 15:20

Ben-Hadadi kaadanyia Mangi Asa kaduma wanene wa mbahanyi huya mṟi yose ya Israeli, kakapa Iyoni, na Dani na Abel-Beth-maka na Kinerothi yose, na oruka lose lo Naftali.

1WAMANGI 20:33

Wandu walya wakawada mahio hang'anyi kya idedolyo na makusaṟo hang'anyi wakahamba, “Manomayo Ben-Hadadi,” Nao kahamba, “Kyasia hendenyi mumeende.” Naalyo Ben-Hadadi kamchea kamdosia igarinyi.

1WAMANGI 20:42

Kambia, “Mndumii nahamba adi, ‘Kipfa omlekia nawuke mawokonyi hapfo mndu njiwehambie narumatso piu, moo fopfo fochikaa handu ha moo foke, na wandu wapfo handu ha wandu wake.’”

1WAMANGI 22:31

Mangi o Shamu nawewawasie wanene wa magari hake makumi haṟaṟu na hawi 32 kechihamba, “Mlakapane na mtutu ma ang'anyi shile Mangi o Israeli amonyi.”

2MBONYI TSA MAHERI 16:4

Kyasia, Mangi Ben-hadadi kaidikiana na madedo halya ha mangi Asa, kaduma wasongoru wake na machekeṟo hake, hahende ipufukia mṟi ya Israeli. Nawo wakakapa na iwada mdeho mṟi ya Iyoni, Dani, Abel-maimu, na mṟi yose ya Naftali sa iwewode shikumbi sha shelya.

2MBONYI TSA MAHERI 18:30

Mangi o Waaramu nawewawasie wasongoru walya wekehoṟokia makari hake hashida hekuruo kechihamba, “Mamulakoye mochikapana na mndu ose ulya ai mnene ang'u mtutu, kyaindi mochikapana na mangi ya Waisraeli tupu.”

YESAYA 26:10

Mndu mbicho ma kasumbo, Echikulosha wusumhanyi-pfo; Kiidi kya oruka lo wuhoṟotsu nechiwuta sha mkika, Ma echiwona wuitoṟi wo Mndumii-pfo.

YESAYA 8:12

“Muladede nyi wuṟiingi kiidi kya mbonyi tsi tsa wandu-wa wechihamba nyi wuṟiingi; mulaowuo ma iwuko madima, wuyonyi moo.

NGUMBUO YA MAWAWASO 7:2

Mndumii-Ruwa, Ruwa onu kamemaa iwika mkamboyo ingi mawokonyi hanu, mukamewinga wanduwo na iwarumatsa nakamu, manya mulawike mkundana fose nawo, manya mulawaichio wukiwa.

1SAMWELI 11:1

Mangi Nahashi o Waamoni kahenda itengetia mṟi fo Yabesh-gileadi. Wandu wa mṟinyi fo Yabesh-gilead wakawia Nahashi, “Wika kisanza naso, naso lukuṟundie.”

1SAMWELI 15:8

Nalewada mangi Agagi o Waamaleki ai na moo. Kawaha wandu kui oshu.

1SAMWELI 15:9

Kyaindi Sauli na wandu wake walawaahe Agagi, manya machondi hake mecha mnu, manya mmbe njicha, mahache, mahuṟuwi na isho shose shii shicha shilerumatsopfo. Kyaindi shindo shose shiwicho na shilawode wulole na wuhuru, shilerumatso.