1WAMANGI 2:32 - Bibilia Kui Mdedie fo Kimochi

³² Kipfa Ruwa nechimbihiṟia samu yake huya mdo foke amonyi, kipfa nalewaha wandu wawi wasumhanyi, na wecha kota o, kawawaha na oshu, ma wande oko Dawidi alemanya mbonyi i pfo, nawo nyi Abneri, mana o Neri, mnene o wandu wa mbahanyi oichekeṟo lya Israeli, na ‘Amasa’ mana o Yethari, oichekero lya Yuda.

1WAMANGI 2:32 ပူးပေါင်းရင်းမြစ်များ

MAWOOKIONYI 4:11

Ko ikyo wulalu, ui msese iya terinyi, ileambia samu ya manomayo iwuka mawokonyi hapfo;

MAWOOKIONYI 42:22

Reubeni kahaluo, kawawia, “Njilemuwia, njechihamba, manya mulanyamaṟie manakechu, manya mulaicho; ko ikyo samu yake yakundose.

MAWOOKIONYI 9:6

Msa echipusuo samu ya mndu, samu yake yechipusuo nyi mndu; kyamba mndu nalewumbo kui ofano lo Ruwa.

2SAMWELI 1:16

Kyamba kido Dawidi kahamba, “Nyi iyo okuendie ofu lu kumonyi, kipfa nyi iyo okuṟingishia kumonyi ke nowahie mshimbuo chu o Ruwa.”

2SAMWELI 17:25

Absalomu kasoka Yoabu wunene wo waskari walya wa shida, kawuinengia Amasa. (Amasa nyi mana o Yithra, Mwishmaeli. Mae nakelaho Abigali mana o Nahashi awekeri manaomae o Seruya, mayo o Yoabu.)

2SAMWELI 3:29

Owingo lo kindo ki kiwicho luhoye Yoabu na mba yake. Wandu wose wa mba ya Yoabu wa inu na iwo wefeo shiheri shose, wakapo nyi ndaṟe mbicho ya kichomba, ang'u ndaṟe ya saka, wawe Mhuli , wapfe njaa na iwohio shidenyi.”

2SAMWELI 3:37

Kyasia, kipfa kya mawuto halya ha Dawidi, wandu wose wa Yuda na Israeli walemanya ke Abneri mana o Neri alewoho kipfa kya ikunda lya Dawidi pfo.

2SAMWELI 3:39

Ma chandu njikeri msambuṟe, mshimbuo o Ruwa, kuwode kindo njechiidima iwutia wana wa Seruya pfo. Mndumii amonyi natae kiṟache ki ko wandu wawicho mnu kipfa kya mawicho hawo.”

2SAMWELI 4:11

Mbonyi tsechiwa njiwicho mnu ko mndu awahie mndu alawode mti akulee kanyi koke! Kyasia, wulalu njihenda itaa kiṟache huye yanu njechimuwaha.”

1WAMANGI 2:44

Mangi kawia Shimei, “Nomanya wuwicho wose, wuwei mrimenyi fopfo, ulewutia Dawidi ndeako, kyasia Mndumii nechikuwihiṟia wuwicho wopfo huya mdo fopfo kumonyi.

1WAMANGI 2:5

“Ngoseṟa ya isho, noichi chandu Yoabu mana o Seruya alenjiwutia, chandu alewutia wandu walya wawi wawei mbahanyi wa Israeli, Abneri, mana o Neri, na Amasa, mana o Yetheri. Nalewawaha, kataa kiṟache kiheri kya ofoṟo, kafanyitsa samu okowa lo kitsi kyake, na shadu aweṟee madendenyi hake.

1WAMANGI 8:32

Uicho ui ruwehu, nodumbuo kyake, naawo uwemwaanduya hamu na wose. Icho okoya owingo nomhoṟuo kihianyi na madeko hake, na icho alawode tewe nomlekie kochimiichika kya wusumhanyi woke.

2MBONYI TSA MAHERI 21:13

Kyaindi iyo noleoshana na mchumie ya wamangi wa Israeli, na itewa wandu wa Yuda na Yerusalemu idetsa wuhendeli cha Ahabu, na wamangi wa oshari loke sa walemuosha wakatewa wandu wa Israeli idetsa wuhendeli. Na kya ngoseṟa nowaha wanawamayo wapfo, wana wa papa umu sa wawei wandu wecha kota na iyo.

2MBONYI TSA MAHERI 21:14

Kipfa kya ikyo, Mndumii-Ruwa, naende ngapo ing'anyi ko wandu wapfo, na wana wapfo, na waka wapfo, na irumatsa masaa hapfo hose.

ESTA 1:19

Ko ikyo iyo mangi kokunda - wawasa nakamu ke Vashti nalashike se oshangunyi lopfo. Iwawaso li liṟehiyo kiidi kya mawawaso ha Persia na Media, kundu lilailacho. Kiidima nasoko kidembo kya mkamangi, kiinengio mndumka ungi awaṟi kota.

SHIIMBO SHA DAWIDI 7:16

Mawicho hake hechimuwuya huyake, Na shindo shake sha mbaka shechimwakya ododo.

SHIIMBO SHA DAWIDI 7:17

Njechiana Ruwa chando kisumhanyi Njechiimbya rina lya Mndumii-chu ai huye.

EZEKIELI 17:19

Koikyo Mndumii-Ruwa nahamba, “Inyi Mndumii ai na moo, ngalya nyamu, njechihenda imkapa kipfa nyi alefunja mkundana fulya alelya na inyi.

MAITALA 32:23

Kyaindi ngamuikimba ke mulameawutsie kiasaki kyanu, kechiwa mowutia Mndumii-Ruwa wunyamaṟi; manyenyi kya lohi ke mochiwona ngapo.

WACHILI 9:24

Nyi wudo wandu wa Shekemu walehoṟoyo kimu na Abimeleki mana o wamayawo kipfa kya wunesi wulya walewutia wana walya makumi mfungade (70) wa Yerubaali. Ngapo i ya wuwahi ilewakooya kipfa Abimileki nalewaha kechitaramana na wandu wa Shekemu.

WACHILI 9:57

Kake Ruwa nalewetewa wandu wa Shekemu wahoṟuyo kipfa kya wuwicho wowo walewuuta. Ko ikyo oseso lo Yothamu mana o Yerubaali lukawakoya.

1SAMWELI 15:28

Nlyondi Samweli alewia, “Wokia inu Mndumii-Ruwa ameranduo wumangi wo Waisraeli kuwuka kopfo kawuinengia mndu ungi o ipfo kiidi kya wamṟasa opfo ai mcha kota iyo.