1WAMANGI 2:31 - Bibilia Kui Mdedie fo Kimochi

³¹ Mangi kambia, “Wuta chandu alededa, umbahe, umṟike, kundu samu iya Yoabu alefanyitsa nayo mba ya wande oko kya wulya immbuke.

1WAMANGI 2:31 ပူးပေါင်းရင်းမြစ်များ

2SAMWELI 3:28

Dawidi ahende iicho mbonyi tsilya kahamba, “Inyi ngalya nyamu kui rina lya Mndumii ke, inyi na wandu wako luwode owingo kipfa kya samu ya Abneri pfo.

2SAMWELI 3:29

Owingo lo kindo ki kiwicho luhoye Yoabu na mba yake. Wandu wose wa mba ya Yoabu wa inu na iwo wefeo shiheri shose, wakapo nyi ndaṟe mbicho ya kichomba, ang'u ndaṟe ya saka, wawe Mhuli , wapfe njaa na iwohio shidenyi.”

1WAMANGI 2:30

Kyasia Benaya kacha na ihemenyi lya Mndumii, kambia, “Mangi nahamba adi, ‘Ncho!’ Nao kamhaluo, ‘Ote, chi wudo pfo; indi njechipfia iya iya.’ Benaya kaendie Mangi mbonyi, kahamba, ‘Nyi wudo Yoabu ahamba na nyi wudo ahaluo.’”

2WAMANGI 9:26

Mndumii-Ruwa nalehamba, “Ko samu yo ya Nabothi na ko samu ya wana wake njileiwona wukowu ngalya nyamu ke njechikutaya kiṟache kiidi kya dema lyo, ko ikyo, duo mnying'a fo Yoramu nofukummbe kiidi kya dema lya Nabothi chandu Mndumii-Ruwa alehamba.”

IWUKA 21:14

Kyaindi, mndu kawaha odoye akusirie nechiwoho ma kokoya adichiya rasionyi lyako.

MFANANO 28:17

Amlemiye samu ya wandu Nechidichia rina, kulawade momiima.

MAITALA 35:33

Mukawuta mudo nyi moterefutsa oruka mokekaapfo. Ipusuo samu lyekeinenga oruka lukaterefuka, na kuipfo mwano foheremtsa oruka lopusuo samupfo shile na iwaaha mbaahicho.

MAWUTO HA WASU 28:4

Wandu walya wekiwona indo lilya likumasye ipfo kuwokonyi wakawiana, “Mndu chu naashukye iwa mndu mbahipfo. Ma chando ameashuka kulya ipalyipalyinyi motaa kirache amda nakae na moopfo.”